അമ്മയറിയാതെ കുഞ്ഞിനെ ദത്തുനല്കിയ സംഭവത്തില് അന്വേഷണം ആരംഭിച്ച് പേരൂര്ക്കട പൊലീസ്
അമ്മയുടെ സമ്മതമില്ലാതെ കുഞ്ഞിനെ ദത്തുനല്കിയ സംഭവത്തില് പേരൂര്ക്കട പൊലീസ് അന്വേഷണം ആരംഭിച്ചു. കുട്ടിയെ ദത്ത് നല്കിയത് ആര്ക്കെന്നറിയാനാണ് ആദ്യശ്രമം. വിവരങ്ങള് ആവശ്യപ്പെട്ട് പൊലീസ് ശിശുക്ഷേമസമിതിയെ സമീപിച്ചു.എന്നാല് സംഭവത്തില് വിശദീകരണവുമായി ശിശുക്ഷേമ സമിതി രംഗത്ത് എത്തി. ഒക്ടോബര് 22,23 തീയതികളില് രണ്ട് ആണ്കുഞ്ഞുങ്ങളെ ലഭിച്ചിരുന്നതായി വ്യക്തമാക്കിയ ശിശു ക്ഷേമ സമിതി, എന്നാല് ദത്ത് നല്കിയത് സംബന്ധിച്ച വിവരങ്ങള് വെളിപ്പെടുത്താന് കഴിയില്ലെന്നും അറിയിച്ചു. പൊലീസിന് നല്കിയ മറുപടിയിലാണ് ശിശുക്ഷേമ സമിതിയുടെ വിശദീകരണം.ഇതിനിടെ കുഞ്ഞിനെ തട്ടിയെടുത്ത സംഭവത്തില് ബാലാവകാശ കമ്മിഷന് കേസെടുത്തു. അമ്മ അനുമപമയുടെ പരാതിയിലാണ് ബാലാവകാശ കമ്മിഷന് കേസെടുത്തത്. ഇക്കാര്യത്തില് ശിശുക്ഷേമ സമിതിയോടും പൊലീസിനോടും കമ്മിഷന് റിപ്പോര്ട്ട് ആവശ്യപ്പെട്ടു.
കവടിയാര് സ്വദേശി ബി. അജിത്ത്കുമാറുമായുള്ള ബന്ധത്തില് പേരൂര്ക്കട സ്വദേശിനി അനുപമ ഗര്ഭം ധരിച്ചത് എട്ടുമാസം കഴിഞ്ഞാണ് യുവതിയുടെ വീട്ടുകാര് അറിയുന്നത്. തുടര്ന്ന് ഗര്ഭഛിദ്രം നടത്താനുള്ള ശ്രമം നടന്നു. ഇത് പരാജയപ്പെടുകയും തുടര്ന്ന് കുഞ്ഞ് ജനിയ്ക്കുകയും ചെയ്തു. ശേഷം, കുഞ്ഞിനെ സമ്മതമില്ലാതെ ബലപ്രയോഗത്തിലൂടെ ദത്തുനല്കുകയായിരുന്നു. പ്രസവിച്ച മൂന്നാം ദിവസമാണ് നവജാത ശിശുവിനെ തന്നില് നിന്ന് തട്ടിയെടുത്തതെന്ന് യുവതി ആരോപിക്കുന്നു.
https://www.facebook.com/Malayalivartha
