സൈക്കിള്‍ മൊബൈല്‍ ടവറിന്റെ സംരക്ഷണ വേലിയിലേക്ക് മറിഞ്ഞ് അഞ്ചാം ക്ലാസ് വിദ്യാര്‍ത്ഥി മരിച്ചു. ഉദയഗിരി കൂനംമാക്കല്‍ ബേബിയുടെ മകന്‍ എബിന്‍ ജോസഫ് ബേബി (10) ആണ് മരിച്ചത്. സൈക്കിളുമായി ഇന്ന് ഉച്ചയ്ക്ക് പന്ത്രണ്ടരയോടെ വെളിയിലിറങ്ങിയ എബിന്‍ നിയന്ത്രണം വിട്ട് പുതുതായി നിര്‍മിച്ച മൊബൈല്‍ ടവറിന്റെ സംരക്ഷണ വേലിയിലേക്ക് വീഴുകയായിരുന്നു. പരുക്കേറ്റ എബിനെ ഉടന്‍ തന്നെ കട്ടപ്പനയിലെ സ്വകാര്യ ആശുപത്രിയിലെത്തിച്ചു. എന്നാല്‍ പരുക്ക് ഗുരുതരമായതിനാല്‍ വിദഗ്ധ ചികിത്സയ്ക്കായി തൊടുപുഴയിലേക്ക് കൊണ്ടുപോകും വഴി മരണം സംഭവിക്കുകയായിരുന്നു.