എം.ശിവശങ്കറിനെ കസ്റ്റംസ് രക്ഷിച്ചു. അദ്ദേഹത്തെ സ്വര്‍ണ്ണക്കടത്ത് കേസില്‍ ഇരുപത്തിയൊന്‍പതാം പ്രതിയാക്കിയത് രക്ഷിക്കാന്‍ വേണ്ടിയാണ്.

മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറിന് തിരുവനന്തപുരം സ്വര്‍ണക്കടത്തിനെക്കുറിച്ച് അറിയാമായിരുന്നെന്ന് കസ്റ്റംസ് കുറ്റപത്രത്തില്‍ പറയുന്നു. ശിവശങ്കര്‍ ഇക്കാര്യം നിഷേധിച്ചിരുന്നെങ്കിലും ഇതിന് ശക്തമായ തെളിവുകള്‍ ലഭിച്ചിട്ടുണ്ടെന്നാണ് കസ്റ്റംസ് കുറ്റപത്രത്തില്‍ പറയുന്നത്.

നയതന്ത്ര ബാഗേജ് വഴിയുള്ള കള്ളക്കടത്ത് സാധ്യത തിരിച്ചറിഞ്ഞത് റമീസും സന്ദീപുമാണെന്ന് കസ്റ്റംസ് സമര്‍പ്പിച്ച കുറ്റപത്രത്തില്‍ പറയുന്നു. കോഴിക്കോടും മലപ്പുറത്തുമുള്ളവരാണ് ഇതിനായി പണം മുടക്കിയിരുന്നത്. 2019 ജൂണിലാണ് ഇത്തരത്തില്‍ പ്രതികള്‍ ആദ്യമായി സ്വര്‍ണക്കടത്ത് നടത്തിയത്. ഇക്കാര്യം ശിവശങ്കറിന് അറിവുണ്ടായിരുന്നില്ല.

പിന്നീട് 21 തവണയായി 161 കിലോ സ്വര്‍ണമാണ് പ്രതികള്‍ കടത്തിയത്. ഈ സമയങ്ങളിലാണ് ശിവശങ്കര്‍ സ്വര്‍ണക്കടത്തിനെക്കുറിച്ച് അറിയുന്നതെന്നാണ് കസ്റ്റംസ് പറയുന്നത്. കടത്തിക്കൊണ്ടുവന്നിരുന്ന സ്വര്‍ണം ഉരുപ്പടികളാക്കി വിവിധ ജൂവലറികള്‍ക്ക് നല്‍കിയതായാണ് ഇപ്പോള്‍ കണ്ടെത്തിയിരിക്കുന്നത്. മലപ്പുറത്തെയും കോഴിക്കോട്ടെയും നിക്ഷേപകരെയും കുറ്റപത്രത്തില്‍ പ്രതിചേര്‍ത്തിട്ടുണ്ട്.

മംഗലാപുരത്തെയും ഹൈദരാബാദിലെയും ജൂവലറികള്‍ക്കാണ് സ്വര്‍ണം കൈമാറിയത്. ജൂവലറികളുടെ ഉടമകളടക്കമുള്ളവരെ കസ്റ്റംസ് കുറ്റപത്രത്തില്‍ പ്രതിചേര്‍ത്തിട്ടുണ്ട്. ദുബായ് കോണ്‍സുലേറ്റിലെ ഉദ്യോഗസ്ഥര്‍ക്ക് സ്വര്‍ണക്കടത്തില്‍ വ്യക്തമായ പങ്കുണ്ടായിരുന്നതായും കുറ്റപത്രത്തില്‍ കസ്റ്റംസ് വ്യക്തമാക്കി. പക്ഷെ അവരെ ഇപ്പോള്‍ ഈ കേസില്‍ പ്രതിചേര്‍ത്തിട്ടില്ല. അവര്‍ക്ക് നല്‍കിയിട്ടുള്ള ഷോകോസ് നോട്ടീസിന് മറുപടി ലഭിച്ച ശേഷമായിരിക്കും തുടര്‍നടപടിയിലേക്ക് കസ്റ്റംസ് കടക്കുക. 29 പേര്‍ക്കെതിരെയാണ് കസ്റ്റംസ് ഇപ്പോള്‍ പ്രോസിക്യൂഷന്‍ നടപടികള്‍ക്കൊരുങ്ങുന്നത്.

ശിവശങ്കറിന് കേസിനെ കുറിച്ച് അറിയാമായിരുന്നു.എന്നതുകൊണ്ട് അദ്ദേഹത്തെ ശിക്ഷിക്കാന്‍ കഴിയില്ല. ശിക്ഷ കിട്ടണമെങ്കില്‍ അതിനുള്ള ശക്തമായ തെളിവുകള്‍ ഉണ്ടായിരിക്കണം. ശിവശങ്കറിനെതിരെ ക്യത്യമായ തെളിവുകള്‍ ഉണ്ടെന്ന് കസ്റ്റംസ് പറയുമ്പോഴും സ്വര്‍ണ്ണക്കടത്തുമാ യി അദ്ദേഹത്തെ നേരിട്ട് ബന്ധിപ്പിക്കുന്നതിനുള്ള തെളിവുകള്‍ ലഭ്യമല്ല. ശിവ ശങ്കര്‍ സ്വര്‍ണ്ണക്കടത്ത് വഴി അനധികൃത സ്വത്തുണ്ടാക്കിയെന്ന ആരോപണം കസ്റ്റംസ് ഉന്നയിച്ചിട്ടില്ല. അതു കൊണ്ടു തന്നെ കസ്റ്റംസിന്റെ വാദം നിലനില്‍ക്കുമോ എന്ന് സംശയമാണ്.



ശിവശങ്കറിന്റെ സ്ഥാനത്ത് മറ്റൊരു സാധാരണക്കാരന്‍ ആയിരുന്നെങ്കില്‍ ചിലപ്പോള്‍ അകത്തായനെ.എന്നാല്‍ മുതിര്‍ന്ന ഐ.എ എ സ് ഉദ്യോഗസ്ഥനാണെന്ന പ്രിവിലേജ് എല്ലാ ഘട്ടത്തിലും ശിവശങ്കറിന് ലഭിച്ചിട്ടുണ്ട്. വെറുതെ അദ്ദേഹത്തെ കേസില്‍ പ്രതിയാക്കാന്‍ കഴിയില്ല.

ശിവശങ്കര്‍ കേസില്‍ നിന്നും രക്ഷപ്പെട്ടാല്‍ മുഖ്യമന്ത്രിയും അതുവഴി ആരോപണ വിമുക്തനാവും. ഇതു വരെ പറഞ്ഞു പരത്തിയതെല്ലാം കള്ളമാണെന്ന് വരും. ഇത് ഇങ്ങനെ മാത്രം സംഭവിക്കുമെന്ന ആത്മവിശ്വാസം മുഖ്യമന്ത്രിക്കുണ്ട്. അതു കൊണ്ടു തന്നെയാണ് അദ്ദേഹം ഇളകാതെ നിന്നതും. കഴിഞ്ഞ ദിവസം കസ്റ്റംസ് സമര്‍പ്പിച്ച റിപ്പോര്‍ട്ടിലും രാഷ്ട്രീയ കാര്‍ക്കെതിരായ ആരോപണങ്ങള്‍ക്ക് തെളിവില്ലെന്ന് പറഞ്ഞിരുന്നു.

എന്നാല്‍ പ്രതിയാക്കുക വഴി ശിവശങ്കറിന്റെ സസ്‌പെന്‍ഷന്‍ പിന്‍വലിക്കാനുള്ള സാധ്യത മങ്ങി. അദ്ദേഹത്തെ കുറ്റവിമുക്തനാക്കിയാല്‍ മാത്രമേ അതിനുള്ള വഴി തെളിയൂ.