തിരുവനന്തപുരം പാളയം സാഫല്യം കോംപ്ലക്സിന് മുന്‍വശത്ത് യുവതിക്ക് നേരെ ലൈംഗികാതിക്രമം നടത്തിയ പ്രതിയെ പൊലീസ് പിടികൂടി. വെള്ളിയാഴ്ച വൈകുന്നേരം നാലിനാണ് സംഭവം നടന്നത്. കരുംകുളം പുതിയതുറ ഉരിയരികുന്ന് വീട്ടില്‍ ടൈറ്റസിനെയാണ്(30) കന്റോൺമെന്റ് ​ പൊലീസ് അറസ്​റ്റ്​ ചെയ്തത്.

പാളയം സാഫല്യം കോംപ്ലക്സിന് മുന്‍വശം റോഡിലൂടെ നടന്നുപോവുകയായിരുന്ന യുവതിയെ പ്രതി കയറിപ്പിടിക്കുകയും ബലം പ്രയോഗിച്ച്‌ ലൈംഗികാതിക്രമം നടത്തുകയുമായിരുന്നു. ഇയാള്‍ സമാനസ്വഭാവമുള്ള കേസുകളില്‍ മുമ്പും പ്രതിയായിട്ടുണ്ട്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.