കോന്നി ഗവ.മെഡിക്കല് കോളേജിലെ രണ്ടാംഘട്ട നിർമ്മാണം ഇന്ന് ആരംഭിക്കും; രണ്ടാം ഘട്ട നിര്മാണ പ്രവര്ത്തനങ്ങള് സമയബന്ധിതമായി പൂര്ത്തിയാക്കും; മെഡിക്കല് കോളജില് രണ്ടാം ഘട്ട നിര്മാണം നടത്തുന്ന സ്ഥലം സന്ദര്ശിച്ച് ആരോഗ്യ മന്ത്രി
കോന്നി ഗവ.മെഡിക്കല് കോളേജിലെ രണ്ടാംഘട്ട നിർമ്മാണം ഇന്ന് ആരംഭിക്കുമെന്ന് ആരോഗ്യമന്ത്രി. രണ്ടാം ഘട്ട നിര്മാണ പ്രവര്ത്തനങ്ങള് സമയബന്ധിതമായി പൂര്ത്തിയാക്കും. ഇന്നലെ മെഡിക്കല് കോളജില് രണ്ടാം ഘട്ട നിര്മാണം നടത്തുന്ന സ്ഥലം സന്ദര്ശിച്ചു.
നിര്വഹണ ഏജന്സിയായ എച്ച്എല്എല് ഹൈറ്റ്സ് ഉദ്യോഗസ്ഥരോടും, കരാര് കമ്പനി ജീവനക്കാരോടും നിര്മാണം സംബന്ധിച്ച വിവരങ്ങള് ചോദിക്കുകയും, ആവശ്യമായ നിര്ദേശങ്ങള് നല്കുകയും ചെയ്തു. കൃത്യമായ ഇടവേളകളില് നിര്മാണ പ്രവര്ത്തനങ്ങളുടെ പരിശോധന നടത്തും.
നാഷണല് മെഡിക്കല് കൗണ്സില് മുമ്പാകെ മെഡിക്കല് കോളജിന്റെ അപേക്ഷ സമര്പ്പിക്കുകയും, അത് ഫയലില് സ്വീകരിക്കുകയും ചെയ്തിട്ടുണ്ട്. ഹെല്ത്ത് യൂണിവേഴ്സിറ്റിയുടെ പരിശോധനയും നടന്നിട്ടുണ്ട്. അടുത്ത നീറ്റ് പരീക്ഷ എഴുതി റാങ്ക് ലിസ്റ്റില് എത്തുന്ന കുട്ടികള്ക്ക് കോന്നിയില് പ്രവേശനം നല്കാന് കഴിയുമെന്നാണ് പ്രതീക്ഷിക്കുന്നത്.കോവിഡിനെ തുടര്ന്ന് നിര്ത്തിവച്ചിരുന്ന കിടത്തി ചികിത്സ പുനരാരംഭിച്ചിട്ടുണ്ട്.
അത്യാഹിത വിഭാഗം ആരംഭിക്കുന്നതിനുള്ള പ്രവര്ത്തനവും വേഗത്തില് മുന്നോട്ടു പോകുന്നുണ്ട്. ശ്രീ.അഡ്വ.കെ.യു.ജനീഷ് കുമാര്MLA, ബ്ലോക്ക് പഞ്ചായത്ത് പ്രസിഡന്റ് ശ്രീമതി.ജിജി സജി, ജില്ലാ പഞ്ചായത്തംഗം ശ്രീ.ജിജോ മോഡി, അരുവാപ്പുലം ഗ്രാമ പഞ്ചായത്ത് പ്രസിഡന്റ് കുമാരി രേഷ്മ മറിയം റോയി, ബ്ലോക്ക് പഞ്ചായത്തംഗം ശ്രീ. വർഗീസ് ബേബി, ഗ്രാമ പഞ്ചായത്ത് വൈസ് പ്രസിഡന്റ് ശ്രീമതി. മണിയമ്മ രാമചന്ദ്രന്, ക്ഷേമകാര്യ സമിതി ചെയര്മാന് ശ്രീ. ശ്രീകുമാര്, ഗ്രാമപഞ്ചായത്തംഗം ശ്രീമതി. ഷീബ സുധീര് എന്നിവർ സന്ദര്ശനത്തില് ഒപ്പമുണ്ടായിരുന്നു.
https://www.facebook.com/Malayalivartha
