മലപ്പുറത്ത് ചെങ്കല്‍ ക്വാറിയിലെ വെള്ളക്കെട്ടില്‍ വീണ് സഹോദരങ്ങളുടെ മക്കള്‍ മരിച്ചു, കണ്ണീരടക്കാനാവാതെ ഉറ്റവരും ബന്ധുക്കളും.മലപ്പുറത്ത് വള്ളുവമ്പ്രത്ത് മണിപറമ്പ് എന്ന സ്ഥലത്താണ് സംഭവം.

മാണിപ്പറമ്പ് സ്വദേശികളായ ചെമ്പേക്കാട് രാജന്റെ മകള്‍ അര്‍ച്ചന(15), രാജന്റെ സഹോദരന്‍ വിനോദിന്റെ മകന്‍ ആദില്‍ ദേവ് (4) എന്നിവരാണ് മരിച്ചത്.

വീട്ടിനടുത്ത ചെങ്കല്‍ ക്വാറിയില്‍ രാവിലെയായിരുന്നു അപകടം നടന്നത്. ഇന്ന് രാവിലെ 9.30നാണ് അപകടം ഉണ്ടായത്. ആദില്‍ ദേവ് അബദ്ധത്തില്‍ ക്വാറിയിലെ വെള്ളക്കെട്ടില്‍ വീഴുകയായിരുന്നു.

ഈ സമയത്ത് കൂടെയുണ്ടായിരുന്ന അര്‍ച്ചന രക്ഷിക്കാനായി വെള്ളത്തിലിറങ്ങുകയായിരുന്നു. നാട്ടുകാര്‍ ഓടിവരുമ്പോഴേക്കും രണ്ട് കുട്ടികളും മുങ്ങിമരിച്ചു. ഇരുവരുടെയും വേര്‍പാട് ഉറ്റവരെയും ബന്ധുക്കളെയും നാട്ടുകാരേയും കണ്ണീരിലാഴ്ത്തി.