ഇന്ധനവിലയ്ക്കെതിരെ യൂത്ത് കോണ്‍ഗ്രസ് സമരം തുടരുമെന്ന് ഷാഫി പറമ്ബില്‍ എംഎല്‍എ. വില കുത്തനെ കൂട്ടിയിട്ട് ചെറിയ കുറവാണ് വരുത്തിയിരിക്കുന്നത്.കേന്ദ്ര സര്‍ക്കാരും സംസ്ഥാന സര്‍ക്കാരും ജനങ്ങളെ കൊള്ളയടിക്കുകയാണ്, ജനകീയ പ്രക്ഷോപങ്ങളെ തുടര്‍ന്നാണ് കേന്ദ്ര സര്‍ക്കാര്‍ വില കുറച്ചത്. ഒരു രൂപപോലും കുറയ്ക്കില്ലെന്ന സംസ്ഥാന ധനമന്ത്രിയുടെ നിലപാട് ജനങ്ങളോടുളള വെല്ലുവിളിയെന്നും ഷാഫി പത്തനംതിട്ടയില്‍ വ്യക്തമാക്കി.

അതേസമയം കേന്ദ്രവും സംസ്ഥാനവും ചേര്‍ന്ന് കേരളത്തില്‍ നികുതി ഭീകരത നടപ്പാക്കുന്നുവെന്ന് പ്രതിപക്ഷ നേതാവ് വി ഡി സതീശന്‍. കേന്ദ്രം നല്‍കിയത് തട്ടിപ്പ് ഡിസ്‌കൗണ്ടാണ്. 50 രൂപയുടെ സാധനം 75 രൂപ വിലയിട്ട് 70 രൂപയ്ക്ക് വില്‍ക്കുന്നത് പോലെയാണെന്നും പ്രതിപക്ഷ നേതാവ് കുറ്റപ്പെടുത്തുകയും ചെയ്തു.