തലശ്ശേരി ഫസല് വധം... പിന്നില് ആര്എസ്എസ് ആണെന്ന വാദം തള്ളി സിബിഐ... കൊലപാതകത്തിന് പിന്നില് കൊടി സുനിയും സംഘവുമാണെന്നും സിബിഐ
തലശ്ശേരി ഫസല് വധം... ആദ്യ കുറ്റപത്രം ശരിവെച്ച് സിബിഐ... കൊലപാതകത്തിന് പിന്നില് കൊടി സുനിയും സംഘവുമാണെന്നും കാരായി രാജനും ചന്ദ്രശേഖരനുമാണ് കൊലപാതകത്തിന്റെ മുഖ്യ ആസൂത്രകരെന്നും സിബിഐ .
തലശ്ശേരി ഫസല് വധത്തിന് പിന്നില് ആര്എസ്എസ് ആണെന്ന വാദം തള്ളി സിബിഐ. ആര്എസ്എസ് പ്രവര്ത്തകന് സുബീഷിന്റെ മൊഴി പോലീസ് കസ്റ്റഡിയില് പറയിപ്പിച്ചതാണെന്നും സിബിഐ കൊച്ചിയിലെ പ്രത്യേക കോടതിയില് സമര്പ്പിച്ച തുടരന്വേഷണ റിപ്പോര്ട്ടില് സിബിഐ വ്യക്തമാക്കി.
ഹൈക്കോടതി നിര്ദേശത്തെ തുടര്ന്നാണ് ഫസല് വധക്കേസില് സിബിഐ തുടരന്വേഷണം ആരംഭിച്ചത്. ഫസലിന്റെ സഹോദരന് അബ്ദുള് സത്താര് സമര്പ്പിച്ച ഹര്ജിയിലായിരുന്നു കോടതി ഉത്തരവ്.
സുബീഷിന്റെ മൊഴിയുടെ അടിസ്ഥാനത്തില് തുടരന്വേഷണം വേണമെന്നായിരുന്നു കോടതി ഉത്തരവ്. മറ്റൊരു കേസില് പിടിയിലായപ്പോഴാണ് ഫസല് വധത്തിന് പിന്നില് ആര്എസ്എസ് ആണെന്ന് സുബീഷ് മൊഴി നല്കിയത്.
ഫസലിനെ കൊലപ്പെടുത്തിയത് ആര്എസ്എസ് ആണെന്ന മൊഴി സുബീഷിനെ കസ്റ്റഡിയില് വെച്ച് നിയമവിരുദ്ധമായി രേഖപ്പെടുത്തിയതാണെന്നും തങ്ങളുടെ ആദ്യ കുറ്റപത്രം ശരിവച്ച് തുടര്നടപടികള് സ്വീകരിക്കണമെന്നും പ്രത്യേക സിബിഐ കോടതിയില് സമര്പ്പിച്ച റിപ്പോര്ട്ടില് ആവശ്യപ്പെട്ട് സിബിഐ സംഘം.
"
https://www.facebook.com/Malayalivartha
