പ്രശസ്ത സാഹിത്യകാരനും അധ്യാപകനുമായ പ്രൊഫ. പാലക്കീഴ് നാരായണന് അന്തരിച്ചു
പ്രശസ്ത സാഹിത്യകാരനും അധ്യാപകനുമായ പ്രൊഫ. പാലക്കീഴ് നാരായണന് (81) അന്തരിച്ചു. കേരള സാഹിത്യ അക്കാദമിയുടെ 2019-ലെ സമഗ്രസംഭാവനയ്ക്കുള്ള പുരസ്കാരം ഈ വര്ഷം ഫെബ്രുവരിയിലാണ് അദ്ദേഹം സ്വീകരിച്ചത്.
1940-ല് മലപ്പുറം ജില്ലയിലെ ചെമ്മാണിയോട് പാലക്കീഴ് നാരായണന് നമ്പൂതിരിയുടെയും നങ്ങേലി അന്തര്ജനത്തിന്റെയും മകനായി ജനിച്ച പാലക്കീഴ് നാരായണന് ചെമ്മാണിയോടും മേലാറ്റൂരും മണ്ണാര്ക്കാടും പട്ടാമ്പി ഗവ. സംസ്കൃത കോളേജിലുമായി വിദ്യാഭ്യാസം പൂര്ത്തിയാക്കി.
പെരിന്തല്മണ്ണ ഗവ. കോളേജില് അധ്യാപകനായിരിക്കെ 1995-ല് വിരമിച്ചു. കേരള സ്റ്റേറ്റ് ലൈബ്രറി കൗണ്സിലിന്റെ പി.എന്. പണിക്കര് പുരസ്കാരം, ഐ.വി. ദാസ് പുരസ്കാരം, അക്കാദമിയുടെ ഏറ്റവും നല്ല ലൈബ്രറി പ്രവര്ത്തകനുള്ള പുരസ്കാരം എന്നിവ ലഭിച്ചിട്ടുണ്ട്.
വി.ടി. ഒരു ഇതിഹാസം, ആനന്ദമഠം, കാള് മാര്ക്സ്, മത്തശ്ശിയുടെ അരനൂറ്റാണ്ട്, ചെറുകാട്-ഓര്മയും കാഴ്ചയും, ചെറുകാട്-പ്രതിഭയും സമൂഹവും, മഹാഭാരതകഥകള് എന്നിവയാണ് പ്രധാന കൃതികള് .
https://www.facebook.com/Malayalivartha
