അരിപ്രയിൽ തെരുവ് നായ ശല്യം രൂക്ഷം. വിദ്യാർത്ഥിയടക്കം പത്ത് മാസം പ്രായമുള്ള കുഞ്ഞിനെ വരെ കടിക്കാൻ ശ്രമം. വീടിന് മുമ്പിൽ നിൽകുമ്പോൾ റോഡിന്റെ എതിർവശത്ത് നിന്ന് എത്തിയ തെരുവ് നായ അച്ഛന്റെ കയ്യിലിരുന്ന കുഞ്ഞിനെ ചാടിക്കടിക്കുകയായിരുന്നു.

കുഞ്ഞിനെ മാറ്റി പിടിച്ചതോടെ അച്ഛനും കടിയേറ്റു. തട്ടിമാറ്റിയിട്ടും ശൗര്യത്തോടെ പാഞ്ഞടുത്ത നായ കുട്ടിയുടെ തുടയിൽ കടിച്ചു.

ബഹളം കേട്ട് ഓടിയെത്തിയ അമ്മ കുഞ്ഞിനെ വാങ്ങിയിട്ടും നായ ആക്രമണം തുടർന്നു. മൂന്ന് മിനിറ്റോളം നായയുമായി മൽപ്പിടുത്തം നടത്തിയാണ് കുഞ്ഞിനെ രക്ഷിച്ചതെന്ന് അച്ഛൻ പറയുന്നു.

ബസ് സ്റ്റോപ്പിൽ നിന്ന വിദ്യാർഥിയെയും തിരൂർക്കാട് സ്കൂൾപടിക്കു സമീപം നിന്ന മറ്റൊരു വിദ്യാർഥിയെയും ഇതേ നായ ആക്രമിച്ചതായി നാട്ടുകാർ പറയുന്നു.

മഞ്ചേരി മെഡക്കൽ കോളജ് ആശുപത്രിയിൽ എല്ലാവരും ചികിത്സ തേടി. നായ പിന്നീട് ചത്തു.