കണ്ടിപ്പാ അകത്തിടും... ജോജുവിനെ നിയമപരമായി നേരിടുമെന്നും വേണ്ടിവന്നാല് ജയിലില് പോകുമെന്നും വീമ്പിളക്കിയ സെമീ കേഡര് പാര്ട്ടി കോമ്പ്രമൈസിനായി ശ്രമം; ജോജു ശക്തമായ നിലപാടെടുത്തതോടെ വീണ്ടും സെമീ കേഡര് മുഖവുമായി കോണ്ഗ്രസ്; ജോജു പറഞ്ഞതെല്ലാം ആഭാസം, മാപ്പില്ല; ആദ്യം താരം മാപ്പ് പറയട്ടെ
നടന് ജോജു ജോര്ജിന്റെ കാര് തകര്ത്ത കേസ് ഒത്തുതീര്ക്കാന് നെട്ടോട്ടമോടിയ കോണ്ഗ്രസുകാരെ കാണുമ്പോള് ഇതാണോ സെമി കേഡര് എന്ന് ചോദിച്ചു പോകും. തനിക്കെതിരെ കോണ്ഗ്രസ് നല്കിയ കേസുകള് പിന്വലിച്ചാലും പരസ്യമായി ഖേദപ്രകടനം നടത്താതെ പ്രശ്നം തീരില്ലെന്ന നിലപാടില് ജോജു ഉറച്ചുനിന്നതാണ് നേതാക്കളെ പ്രതിസന്ധിയിലാക്കിയത്.
ജോജുവിനെ നിയമപരമായി നേരിടുമെന്നും വേണ്ടിവന്നാല് ജയിലില് പോകുമെന്നുമൊക്കെയാണ് തുടക്കത്തില് കോണ്ഗ്രസുകാര് പറഞ്ഞത്. ജോജു മദ്യപിച്ച് ബഹളമുണ്ടാക്കിയെന്നും സ്ത്രീകളെ അപമാനിച്ചെന്നുമുള്ള ആരോപണം കോണ്ഗ്രസ് ശക്തമാക്കി. ജോജുവിന്റെ മറ്റൊരു കാറിന്റെ രജിസ്ട്രേഷന് ഹരിയാനയിലാണെന്നും അതിസുരക്ഷാ നമ്പര്പ്ലേറ്റ് മാറ്റിയെന്നും പറഞ്ഞ് മറ്റുചില കേസുകളും കോണ്ഗ്രസ് ഇതിനിടെ നല്കി. ഉപരോധസമരത്തിനിടെ പ്രതിഷേധിച്ചപ്പോള് ജോജു മാസ്ക് വച്ചില്ലെന്ന മറ്റൊരു പരാതിയും രജിസ്റ്റര് ചെയ്തിട്ടുണ്ട്. കേസ് നല്കി സമ്മര്ദത്തിലാക്കലായിരുന്നു ലക്ഷ്യം.
എന്നാല് ജോജു നല്കിയ പരാതിയില് പൊലീസ് രജിസ്റ്റര് ചെയ്ത കേസിന്റെ ഗൗരവം തിരിച്ചറിഞ്ഞതോടെ കോണ്ഗ്രസ് നേതൃത്വം ചുവടുമാറ്റി. ജോജുവിന്റെ അഭിഭാഷകനുമായും സുഹൃത്തുക്കളുമായി ഒത്തുതീര്പ്പിന് ഡിസിസി മുന്നിട്ടിറങ്ങി.
എന്നാല് എറണാകുളം ഡിസിസിയും നടന് ജോജു ജോര്ജുവും തമ്മിലുള്ള ഒത്തുതീര്പ്പ് ശ്രമങ്ങള് പൊളിഞ്ഞു. വൈറ്റില സംഘര്ഷത്തിനിടയില് വാഹനത്തിന്റെ ചില്ല് തകര്ത്ത കോണ്ഗ്രസ് പ്രവര്ത്തകന്റെ ജാമ്യാപേക്ഷയില് കക്ഷി ചേരാന് ജോജു കോടതിയെ സമീപിച്ചതോടെയാണ് ഒത്തുതീര്പ്പ് ശ്രമങ്ങള് വഴിമുട്ടിയത്. തനിക്കെതിരായ പ്രസ്താവനകള് നേതാക്കള് പരസ്യമായി പിന്വലിച്ചാല് ഒത്തുതീര്പ്പ് ആകാമെന്നാണ് ജോജുവിന്റെ നിലപാട്.
അതേസമയം തനിക്കെതിരെ നടത്തിയ അപകീര്ത്തികരമായ പ്രസ്താവനകള് പരസ്യമായി പിന്വലിക്കണമെന്ന ജോജുവിന്റെ ആവശ്യം കോണ്ഗ്രസ് നേതൃത്വം നിരസിച്ചു. ഈ ആവശ്യം തള്ളിയ ഡിസിസി പ്രസിഡന്റ്, ജോജു ആദ്യം ഖേദം പ്രകടിപ്പിക്കണമെന്ന് ആവശ്യപ്പെട്ടു. ഇതിനു ശേഷം പ്രസ്താവന പിന്വലിക്കുന്നതിനെ കുറിച്ച് ആലോചിക്കാം. ജോജു പറഞ്ഞതെല്ലാം പച്ചക്കള്ളവും ആഭാസവുമാണെന്ന് ഡിസിസി പ്രസിഡന്റ് മുഹമ്മദ് ഷിയാസ് ആരോപിച്ചു. ജനങ്ങളോടുള്ള വെല്ലുവിളിയാണ് ജോജുവിന്റെ നടപടി.
അതേസമയം ജോജു ജോര്ജിന്റെ വാഹനം അടിച്ചു തകര്ത്ത കോണ്ഗ്രസ് പ്രവര്ത്തകന്റെ ജാമ്യാപേക്ഷ സിജെഎം കോടതി തള്ളി. അക്രമം പെട്ടെന്നുണ്ടായ പ്രകോപനത്തില് നിന്നാണെന്നു കരുതാനാകില്ലെന്ന് കോടതി ചൂണ്ടിക്കാട്ടി. സമരത്തിനെതിരെ പ്രതിഷേധിച്ചവരെ ആക്രമിച്ച രാഷ്ട്രീയ ശൈലി അംഗീകരിക്കാനാകില്ലെന്നും ജാമ്യം നിഷേധിച്ചുകൊണ്ടുള്ള ഉത്തരവില് കോടതി വ്യക്തമാക്കി.
കേസില് അറസ്റ്റിലായ കോണ്ഗ്രസ് പ്രവര്ത്തകന് പി.ജെ ജോസഫിന്റെ ജാമ്യഹര്ജിയില് എറണാകുളം മജിസ്ട്രേറ്റ് കോടതിയില് കക്ഷി ചേരാന് ജോജു അപേക്ഷ നല്കി. കാര് തകര്ത്തത് അടക്കമുള്ള പ്രശ്നങ്ങള് ചര്ച്ച ചെയ്ത് പരിഹരിക്കാനുള്ള എറണാകുളം ഡി.സി.സിയുടെ സമവായ ശ്രമങ്ങള് പുരോഗമിക്കുന്നതിനിടെയാണ് കേസില് കക്ഷി ചേരാനുള്ള ജോജുവിന്റെ തീരുമാനം വരുന്നത്.
തന്റെ മാതാപിതാക്കളെ അസഭ്യം പറയുകയും സ്ത്രീകളോട് മോശമായി പെരുമാറി എന്ന് ആരോപിക്കുകയുമാണ് കോണ്ഗ്രസ് ചെയ്തത്. ഈ പ്രസ്താവനകള് പിന്വലിക്കണമെന്നാണ് ജോജു സമവായ ശ്രമങ്ങളുടെ ഭാഗമായി ആവശ്യപ്പെട്ടത്. നാണക്കേട് ഒഴിവാക്കാന് കോണ്ഗ്രസും രംഗത്തെത്തിയതോടെ അകത്താകാന് പോകുന്നത് മുന് മേയര് ടോണി ചമ്മിണി ഉള്പ്പെടെയുള്ള കോണ്ഗ്രസ് നേതാക്കലാണ്.
"
https://www.facebook.com/Malayalivartha
