രണ്ടാം ദിനവും വലഞ്ഞ് യാത്രക്കാര്...ദീര്ഘദൂര സര്വീസുകള് മുടങ്ങിയതോടെ യാത്രക്കാര് പെരുവഴിയില്....
വലഞ്ഞ് യാത്രക്കാര്...ദീര്ഘദൂര സര്വീസുകള് മുടങ്ങിയതോടെ യാത്രക്കാര് പെരുവഴിയിലായി. ശമ്പള വര്ധനവ് ആവശ്യപ്പെട്ട് കെഎസ്ആര്ടിസി ജീവനക്കാര് നടത്തുന്ന സമരത്തിന്റെ രണ്ടാം ദിനവും യാത്രക്കാര് ഏറെ ബുദ്ധിമുട്ടുകയാണ്.
തിരുവനന്തപുരത്ത് നാലിലൊന്ന് ബസുകള് മാത്രമാണ് സര്വീസ് നടത്തിയത്. പാലക്കാട് നിന്നും ഒരു സര്വീസും നടത്തിയില്ല. കോഴിക്കോട്ട് ഒരു സര്വീസ് മാത്രമാണ് നടത്തിയത്. സിഐടിയു ഉള്പ്പടെ ഒരു സംഘടനയിലെയും ജീവനക്കാര് ജോലിക്കെത്തിയില്ല.
അതേസമയം, സമരത്തില് പങ്കെടുക്കാത്ത ജോലിക്കെത്തുന്ന ജീവനക്കാരെ ഉപയോഗിച്ച് പരമാവധി പ്രധാനറൂട്ടുകളിലും അവശ്യമേഖലകളിലേക്കും സര്വീസ് നടത്തണമെന്ന് കെഎസ്ആര്ടിസി സിഎംഡി നിര്ദേശം നല്കി. ഈ ജീവനക്കാരെ ഉപയോഗിച്ച് ഡബിള് ഡ്യൂട്ടി ഉള്പ്പടെ നല്കി പരമാവധി സര്വീസ് നടത്താനാരൊങ്ങുന്നു.
അതേസമയം ഐഎന്ടിയുസി നേതൃത്വം നല്കുന്ന ടിഡിഎഫ് ആണ് ഇന്നും പണിമുടക്ക് പ്രഖ്യാപിച്ചിരിക്കുന്നത്. പണിമുടക്കിനോട് സഹകരിക്കുമെന്ന് എഐടിയുസിയും പ്രഖ്യാപിച്ചു. എന്നാല് ബസ് തടയില്ലെന്ന് ഇരു യൂണിയനുകളും അറിയിച്ചു.
സിഐടിയുവിലുള്ളവര് ഇന്നു ജോലിക്ക് ഹാജരാകുമെന്ന് അറിയിച്ചിട്ടുണ്ട്. മാത്രവുമല്ല ഇന്ന് അവശ്യ റൂട്ടുകള്ക്ക് പ്രാധാന്യം നല്കി ദീര്ഘദൂര സര്വ്വിസുകള്, ഒറ്റപ്പെട്ട സര്വ്വീസുകള്, പ്രധാന റൂട്ടുകളിലെ സര്വ്വിസുകള് എന്നിവയും റിസര്വേഷന് നല്കിയിട്ടുള്ള സര്വ്വീസുകളും നടത്തും.
വാരാന്ത്യ ദിനമായതിനാല് വിവിധ സ്ഥലങ്ങളില് നിന്നും യാത്രക്കാര് തിരികെ വീട്ടില് എത്തേണ്ടതിനാല് യാത്രക്കാര്ക്ക് ബുദ്ധിമുട്ട് ഉണ്ടാകാതെ സര്വീസുകള് ക്രമീകരിക്കും.
https://www.facebook.com/Malayalivartha
