മതം മാറാൻ വിസ്സമ്മതിച്ച സഹോദരീ ഭർത്താവിനെ മർദ്ദിച്ച പ്രതി ഡോ. ഡാനിഷ് ജോര്ജ് കുറ്റം സമ്മതിച്ചു
മതം മാറാന് വിസമ്മതിച്ച നവവരനെ വധുവിന്റെ സഹോദരനും ബന്ധുക്കളും ചേർന്ന് മർദ്ദിച്ച സംഭവത്തിൽ പ്രതി ഡോ ഡാനിഷ് ജോര്ജ് കുറ്റം സമ്മതിച്ചു. ഊട്ടിയിലെ ഒരു റിസോര്ട്ടില് നിന്ന് ഇന്നലെയാണ് ഡാനിഷ് പിടിയിലായത്. പ്രതിയെ സ്ഥലത്തെത്തിച്ച് തെളിവെടുപ്പ് നടത്തി.
വധുവിന്റെ മതമായ ക്രൈസ്ത വിഭാഗത്തിലേക്ക് മാറണമെന്ന ആവശ്യം നിരസിച്ചതാണ് മർദ്ദനത്തിന് കാരണമായത്. ആക്രമിക്കപ്പെട്ട ആനത്തലവട്ടം സ്വദേശി മിഥുന് കൃഷ്ണൻ തലയ്ക്ക് അടക്കം പരിക്കേറ്റ് തിരുവനന്തപുരം മെഡിക്കൽ കോളേജിൽ നാല് ദിവസമായി ചികിത്സയിലാണ്.
ബോണക്കാട്ടെ ക്ഷേത്രത്തില് വച്ച് വീട്ടുകാരുടെ സമ്മതമില്ലാതെ ആയിരുന്നു വിവാഹം നടന്നത്. ഇതിന് പിന്നാലെ വിവാഹം നടത്തി നല്കാമെന്ന് പറഞ്ഞ് ദീപ്തിയുടെ വീട്ടുകാര് ഇരുവരെയും ചിറയിന്കീഴിലേക്ക് വിളിച്ചു വരുത്തുകയായിരുന്നു.
മതം മാറില്ലെന്ന് പറഞ്ഞ മിഥുനെ പള്ളിയിൽ എത്തിച്ച് വൈദികന്റെ നേതൃത്വത്തിലും ചർച്ച നടത്തി. ഇത് എതിർത്തതോടെ അമ്മയെ കാണാന് വീട്ടിലേക്ക് വിളിക്കുകയും വഴിയിലിട്ട് ദീപ്തിയുടെ സഹോദരനും സുഹൃത്തുക്കളും ചേര്ന്ന ക്രൂരമായി മർദ്ദിക്കുകയുമായിരുന്നു.
https://www.facebook.com/Malayalivartha
