മുണ്ടക്കയത്തെ പ്രകൃതി ദുരന്ത സ്ഥലങ്ങൾ‌ ഗവർണർ സന്ദർശിക്കുന്നതുമായി ബന്ധപ്പെട്ട് ട്രയൽ നടത്തിയ പോലീസ് വാഹനം ഇടിച്ച് ടൗണിലെ ചുമട്ട് തൊഴിലാളിക്ക് ഗുരുതര പരിക്ക്.

ഇന്നലെ വൈകിട്ട് പാമ്പാടി പഞ്ചായത്ത് ഷോപ്പിങ് കോംപ്ലക്സിനു മുന്നിലാണ് അപകടം നടന്നത്. പങ്ങട കൊട്ടാരത്തിൽ കെ.കെ.വിജയനെ (60) മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

വാകത്താനം സ്റ്റേഷനിലെ വാഹനമാണ് സിജിയെ ഇടിച്ചത്. ട്രയൽ നടത്തിയ ആദ്യ പൊലീസ് വാഹനം കടന്നു പോയ ശേഷം റോഡ് കുറുകെ കടക്കുകയായിരുന്നു സിജി.

പിന്നാലെ വന്ന വാഹനമാണ് സിജിയെ ഇടിച്ചത്.റോഡിന്റെ മധ്യഭാഗത്ത് വീണ സിജിയെ ഇടിച്ച വാഹനത്തിന്റെ പൊലീസുകാർ ഇറങ്ങി അരികിലേക്കു മാറ്റിക്കിടത്തി.

തുടർന്ന് സ്ഥലത്ത് എത്തിയ പാലിയേറ്റീവ് കെയർ‌ പ്രവർത്തകൻ നിസാർ പാമ്പാടിയുടെ വാഹനത്തിലേക്ക് മാറ്റി താലൂക്ക് ആശുപത്രിയിൽ എത്തിക്കുകയായിരുന്നു.

ആശുപത്രിയിലേയ്ക്കുള്ള യാത്രയ്ക്കിടെ ആംബുലൻസ് കാളച്ചന്ത ഭാഗത്ത് വച്ച് ബൈക്കിൽ ഇടിച്ചു. അപകടത്തിൽ കോത്തല വട്ടുകളം സ്വദേശി ശ്രീജിത്തിന് പരിക്കേറ്റു.