നിയമസഭാ തെരഞ്ഞെടുപ്പ് പ്രചാരണത്തില്‍ വീഴ്ച്ച വരുത്തിയെന്ന സി.പി.എം റിപ്പോര്‍ട്ടില്‍ മുന്‍ മന്ത്രി ജി സുധാകരന് പരസ്യശാസന. സി.പി.എം സംസ്ഥാന സമിതിയാണ് സുധാകരനെതിരെ നടപടിയെടുക്കാന്‍ തീരുമാനിച്ചത്. അമ്ബലപ്പുഴയിലെ ഇടത് സ്ഥാനാര്‍ഥിയായിരുന്ന എച്ച്‌. സലാമിന്റെ വിജയം ഉറപ്പിക്കുന്നതിനാവശ്യമായ പ്രചാരണം നടത്തുന്നതില്‍ സുധാകരന് വീഴ്ച വന്നുവെന്നാണ് അന്വേഷണ കമ്മിഷന്റെ കണ്ടെത്തല്‍.

സിപിഎം സംസ്ഥാന സമിതി തീരുമാനപ്രകാരം എളമരം കരീമും, കെജെ. തോമസുമാണ് അമ്ബലപ്പുഴയിലെ തെരഞ്ഞെടുപ്പ് പ്രചാരണത്തിലുണ്ടായ വീഴ്ചകള്‍ അന്വേഷിച്ചത്. അമ്ബലപ്പുഴയില്‍ മത്സരിക്കാന്‍ ജി.സുധാകരന്‍ തയ്യാറെടുത്തെന്നും എന്നാല്‍ സ്ഥാനാര്‍ത്ഥി പ്രഖ്യാപനത്തിന് ശേഷം സുധാകരന്‍ ആത്മാര്‍ത്ഥമായി പ്രവര്‍ത്തിച്ചില്ലെന്നാണ് പ്രധാന വിമര്‍ശനം