ചികിത്സക്കെത്തിയ പതിനാലുകാരിയെ പീഡിപ്പിച്ചു; കേസില് മന്ത്രവാദി അറസ്റ്റിൽ
മന്ത്രവാദ ചികിത്സക്കെത്തിയ പതിനാലുകാരിയെ പീഡിപ്പിച്ച കേസില് മന്ത്രവാദിയെ കിളികൊല്ലൂര് പൊലീസ് അറസ്റ്റ് ചെയ്തു. അയത്തില് കല്ലും താഴം സാദത്ത് നഗര് 100 എയില് റാഹത്ത് മന്സിലില് ഷാജഹാന് (41) ആണ് അറസ്റ്റിലായത്.
കഴിഞ്ഞ 28നായിരുന്നു കേസിന് ആസ്പദമായ സംഭവം. പിതാവിനൊടൊപ്പം മന്ത്രവാദ ചികിത്സക്കെത്തിയ പെണ്കുട്ടിയെ പിതാവിനെ മരുന്നു വാങ്ങാനായി അയച്ചശേഷം പീഡിപ്പിക്കുകയായിരുന്നു. പെണ്കുട്ടിയുടെ പിതാവ് നല്കിയ പരാതിയെ തുടര്ന്ന് കൊല്ലം സിറ്റി പൊലീസ് കമ്മീഷണര് ടി നാരായണന്റെ നിര്ദേശപ്രകാരം സിറ്റി അസിസറ്റന്റ് കമ്മീഷണര് ജി ഡി വിജയകുമാറിന്റെ മേല്നോട്ടത്തില് അന്വേഷണ സംഘം രൂപീകരിച്ച് സൈബര് സിറ്റി സെല്ലിന്റെ സഹായത്തോടെ നടത്തിയ അന്വേഷണത്തിലാണ് ഇയാള് പിടിയിലായത്.
കിളികൊല്ലൂര് എസ്എച്ച്ഒ വിനോദ് കെ, എസ്ഐമാരായ അനീഷ് എ പി, ശ്രീനാഥ്, താഹാ കോയ, പിആര്ഒ ജയന് സക്കറിയ, എഎസ്ഐമാരായ സന്തോഷ്, ജിജു, വനിതാ സിപിഒ ലതിക, സിപിഒമാരായ ഷിഹാബുദീന്, സാജ് എന്നിവരടങ്ങിയ സംഘമാണ് പ്രതിയെ പിടികൂടിയത്.
https://www.facebook.com/Malayalivartha
