കോയമ്പത്തൂരില് നാടുകാണാനിറങ്ങിയ കൊമ്പന് ചെളിയില് വഴുതിവീണു..... വനപാലകരുടെയും ഡോക്ടര്മാരുടെയും മണിക്കൂറുകളുടെ പരിശ്രമത്താല് കൊമ്പനെ രക്ഷപ്പെടുത്തി.... എഴുന്നേല്ക്കാന് വയ്യാതെ കിടന്ന കൊമ്പന് നില്ക്കാന് കാലുറച്ചതോടെ വിരട്ടിയോടിച്ച് വനപാലകരെ, ഒടുവില്...
കോയമ്പത്തൂരില് നാടുകാണാനിറങ്ങിയ കൊമ്പന് ചെളിയില് വഴുതിവീണു. വനപാലകരുടെയും ഡോക്ടര്മാരുടെയും മണിക്കൂറുകളോളമുള്ള പരിശ്രമത്താല് രക്ഷപ്പെടുത്തിയപ്പോള് ശൗര്യക്കാരനായ കൊമ്പന് വനപാലകരെ തന്നെ വിരട്ടിയോടിച്ചു.
ഇന്നലെ കോയമ്പത്തൂര് ഫോറസ്റ്റ് ഡിവിഷന് പെരിയ നായക്കന് പാളയം റേഞ്ചിലെ നായക്കന് പാളയം സൗത്തിലുള്ള സി.ആര്.പി.എഫ് ക്യാമ്പിലാണ് സംഭവമുണ്ടായത്. എട്ടുവയസ്സുള്ള കൊമ്പനാണ് ഒറ്റയ്്ക്ക് കാട് ഇറങ്ങിയത്.
ചളിയില് കാലുകള് കുടുങ്ങി എഴുന്നേല്ക്കാന് കഴിയാതെ അലറിയ ശബ്ദം കേട്ടാണ് വനപാലകരെ വിവരം അറിയിച്ചത്. ഇതേ തുടര്ന്ന് മുതുമല കടുവ സംരക്ഷണ കേന്ദ്രം ഡോ. രാജേഷ് കുമാര്, കോവനൂര് മൃഗസംരക്ഷണ വകുപ്പ് ഡോ. വെട്രിവേല്, റേഞ്ചര് സെല്വരാജ് എന്നിവര് എത്തി തളര്ന്നുകിടന്ന ആനയ്ക്ക് ഗ്ലൂക്കോസും മരുന്നുകളും നല്കി.
ഒടുവില് വൈകുന്നേരത്തോടെ ജെ.സി.ബി. എത്തിച്ച് ആനയെ ഉയര്ത്തി. നില്ക്കാന് കാലുറച്ചതോടെ കൊമ്പന് വീണ്ടും കാട്ടിലേക്ക് കയറാതെ വിരട്ടിയോടിച്ച് വനപാലകരെ. പടക്കം പൊട്ടിച്ച് വനത്തിലേക്ക് കയറ്റാനുള്ള ശ്രമമാണ് ഇന്നലെ രാത്രിയിലും തുടര്ന്നത് .
"
https://www.facebook.com/Malayalivartha
