ഒരു മുല്ലപ്പെരിയാര് പാലമിട്ടാല്... മുല്ലപ്പെരിയാര് വിഷയത്തില് എന്നും അടിച്ച് പിരിയാറുള്ള കേരളവും തമിഴ്നാടും ഇത്തവണ ആവര്ത്തിച്ചില്ല; ഒട്ടും പ്രതീക്ഷിക്കാതെ മുല്ലപ്പെരിയാര് ബേബി ഡാമിലെ മരങ്ങള് വെട്ടാമെന്ന് കേരളം; മുഖ്യമന്ത്രി പിണറായി വിജയന് നന്ദി അറിയിച്ച് തമിഴ്നാട് മുഖ്യമന്ത്രി എം.കെ സ്റ്റാലിന് ഹീറോയായി
മലയാളികള്ക്ക് തമിഴ്നാട് മുഖ്യമന്ത്രി എംകെ സ്റ്റാലിനെ പെരുത്ത് ഇഷ്ടമാണ്. അദ്ദേഹം ചെയ്യുന്ന ഓരോ പ്രവൃത്തിയും മലയാളികള് പയര് പോലെ ഷെയര് ചെയ്യുകയും ചെയ്യും. എന്നാല് നമ്മള് ആരാധിക്കുന്ന സ്റ്റാലിന് ആരാധിക്കുന്നത് നമ്മുടെ മുഖ്യമന്ത്രി പിണറായി വിജയനെയാണെന്ന് എത്ര പേര്ക്കറിയാം. അതിനാല് തന്നെ മുല്ലപ്പള്ളി വിഷയം ഫലം കാണുക തന്നെ ചെയ്യും.
സ്റ്റാലിനെ പോലും അത്ഭുതപ്പെടുത്തി മുല്ലപ്പെരിയാറില് ബേബി ഡാമിന് താഴെയുള്ള മരങ്ങള് വെട്ടിനീക്കാന് കേരളം തമിഴ്നാടിന് അനുമതി നല്കിയിരിക്കുകയാണ്. തമിഴ്നാടിന്റെ ഈ ആവശ്യം അംഗീകരിച്ച കേരള മുഖ്യമന്ത്രി പിണറായി വിജയന് നന്ദി അറിയിച്ച് തമിഴ്നാട് മുഖ്യമന്ത്രി എം.കെ സ്റ്റാലിന് കത്തയച്ചു.
ബേബി ഡാമിന് താഴെയുള്ള 15 മരങ്ങളും വെട്ടാനാണ് കേരളം തമിഴ്നാടിന് അനുമതി നല്കിയത്. കേരളവും തമിഴ്നാടും തമ്മിലുള്ള ബന്ധം ശക്തമാകാന് തീരുമാനം സഹായിക്കുമെന്ന് സ്റ്റാലിന് കത്തില് പറഞ്ഞു. ബേബി ഡാമും എര്ത്ത് ഡാമും ബലപ്പെടുത്താനുള്ള തടസ്സം ഇതോടെ നീങ്ങിയെന്നും സ്റ്റാലിന് പറഞ്ഞു.
ബേബി ഡാം ബലപ്പെടുത്തി ജലനിരപ്പ് 152 അടിയാക്കുമെന്ന് തമിഴ്നാട് മന്ത്രിമാര് പറഞ്ഞിരുന്നു. എന്നാല് ജലനിരപ്പ് 152 അടിയാക്കുന്നതിനെ കുറിച്ച് സ്റ്റാലിന്റെ കത്തില് പരാമര്ശമില്ല. വണ്ടിപ്പെരിയാറില് നിന്ന് ഡാമിലേക്കുള്ള റോഡ് നന്നാക്കാനും അനുമതി വേണമെന്നും കത്തില് സ്റ്റാലിന് അഭ്യര്ഥിച്ചു.
നാല് മന്ത്രി മരടങ്ങുന്ന സംഘം മുല്ലപെരിയാര് സന്ദര്ശിച്ചിരുന്നു. മുല്ലപ്പെരിയാറില് ബേബി ഡാം ബലപ്പെടുത്താന് കേരളം അനുവദിക്കണമെന്ന് തമിഴ്നാട് ആവശ്യപ്പെട്ടു. ബേബി ഡാം ബലപ്പെടുത്തിയാല് ജലനിരപ്പ് 152 അടിയായി ഉയര്ത്താന് ശ്രമിക്കുമെന്നും തമിഴ്നാട് ജലവിഭവ വകുപ്പ് മന്ത്രി ദുരൈമുരുകന് പറഞ്ഞു. മുല്ലപ്പെരിയാറില് നിന്ന് വെള്ളം പുറത്തേക്കൊഴുക്കുന്നതിനെതിരെ തമിഴ്നാട്ടിലെ പ്രതിഷേധങ്ങള് മുന്നില് കണ്ടാണ് തമിനാട് സര്ക്കാര് നിലപാട്.
മുല്ലപ്പെരിയാറില് പുതിയ ഡാമെന്ന ആവശ്യം കേരളം ആവര്ത്തിക്കുമ്പോള് സംഭരണ ശേഷി 152 അടിയായി ഉയര്ത്തുകയാണ് തമിഴ്നാടിന്റെ ലക്ഷ്യം. സംഭരണശേഷി ഉയര്ത്തണമെങ്കില് ബേബി ഡാമിനു സമീപത്തെ മൂന്ന് മരങ്ങള് നീക്കി അവിടം ബലപ്പെടുത്തണം. ഇതിന് കേരളം അനുമതി നല്കണമെന്നാണ് ആവശ്യം.
റൂള് കര്വ് അനുസരിച്ചാണ് ഷട്ടര് തുറന്ന് വെള്ളം പുറത്തേക്കൊഴുക്കിയതെന്നും പതിറ്റാണ്ടുകളായുള്ള മുല്ലപ്പെരിയാര് വിഷയം പിണറായി സര്ക്കാരിന്റെ കാലത്ത് പരിഹരിക്കാനാകുമെന്നാണ് പ്രതീക്ഷയെന്നും മന്ത്രി പറഞ്ഞു.
ഇതിനിടെ, സുപ്രീംകോടതി നിയോഗിച്ച മുല്ലപ്പെരിയാര് മേല്നോട്ട സമിതി രൂപവത്കരിച്ച ഉപസമിതി അണക്കെട്ടില് പരിശോധന നടത്തിയിരുന്നു. കേന്ദ്ര ജലക്കമ്മിഷന് എക്സിക്യൂട്ടീവ് എന്ജിനീയര് ശരവണകുമാര് അധ്യക്ഷനായ സമിതിയില് ജലവിഭവ വകുപ്പിലെ എന്.എസ്. പ്രസീദ്, ഹരികുമാര് എന്നിവര് കേരളത്തിന്റെ പ്രതിനിധികളായും തമിഴ്നാട് പൊതുമരാമത്ത് വകുപ്പ് ഉദ്യോഗസ്ഥരായ സാം ഇര്വിന്, കുമാര് എന്നിവര് തമിഴ്നാട് പ്രതിനിധികളുമായും പങ്കെടുത്തു.
മഴ പെയ്യുമെന്ന ആശങ്ക ഇപ്പോഴുമുണ്ട്. ബംഗാള് ഉള്ക്കടലില് രൂപപ്പെട്ട ന്യൂനമര്ദം നിലവില് കന്യാകുമാരി ഭാഗത്തും സമീപ പ്രദേശങ്ങളിലുമാണ്. മുല്ലപ്പെരിയാര് വിഷയത്തില് സ്റ്റാലിനും പിണറായിയും തമ്മിലുള്ള അടുപ്പം ഗുണം ചെയ്യുമെന്നാണ് കരുതുന്നത്. അതിനാല് തന്നെ ഡിസംബറില് ചെന്നൈയില് നടക്കുന്ന ചര്ച്ച നിര്ണായകമാകും.
"
https://www.facebook.com/Malayalivartha
