കൊറോണ വ്യാപനത്തിന് പിന്നാലെ സർക്കാരിന്റെ നടപടികൾ രൂക്ഷ വിമര്ശനങ്ങൾക്കാണ് വഴിവച്ചിരിക്കുന്നത്. ഏറെ നാളായുള്ള ദുരിതനാണ് താണ്ടി ഗൾഫിലേക്ക് യാത്ര ചെയ്യാൻ വിമാനത്താവളങ്ങളിൽ എത്തിച്ചേരുന്ന പ്രവാസികളെ പിഴിഞ്ഞുകൊണ്ടുള്ള തീരുമാനങ്ങളാണ് കാണുവാൻ സാധിക്കുന്നത്.

ഇപ്പോഴിതാ കരിപ്പൂർ വിമാനത്താവളത്തിൽ നിന്ന് സമാനമായ കാഴ്ചയാണ് കാണുവാൻ സാധിക്കുന്നത്. കരിപ്പൂരിലെ വിമാനത്താവളം വഴി യാത്ര ചെയ്യണമെങ്കിൽ തന്നെ 'സർക്കസ്​ പഠിക്കണോ' എന്ന ചോദ്യമാണ് പ്രവാസികൾ ഉന്നയിക്കുന്നത്. ​കാരണം മറ്റൊന്നുമല്ല, അവിടെ സൗജന്യമായി യാത്രക്കാരെയും ലഗേജും കയറ്റാനും ഇറക്കാനും അനുവദിക്കപ്പെട്ടിരിക്കുന്ന സമയം മൂന്ന്​ മിനിറ്റ്​ ആക്കി മാറ്റിയിരിക്കുകയാണ്​. ഇതുകഴിഞ്ഞാൽ ജി.എസ്​.ടി അടക്കം 500 രൂപയാണ്​ പിഴ ഈടാക്കിവരുന്നത്​. എൻട്രി ഗേറ്റിൽ നിന്ന്​ പാസും വാങ്ങി ഡ്രോപിങ്​/പിക്കിങ്​ പോയിന്‍റിലെത്താൻ തന്നെ മൂന്ന്​ മിനിറ്റിലധികം എടുക്കുന്നതാണ്.

എന്നാൽ ഇനി അതൊഴിവാക്കിയാൽ തന്നെ മൂന്ന്​ മിനിറ്റ്​ കൊണ്ട്​ വരുന്നവർക്ക്​ വണ്ടിയിൽ കയറണം, പോകുന്നവർക്ക്​ വണ്ടിയിൽ നിന്നിറങ്ങണം. മൂന്ന്​ മിനിറ്റിനുള്ളിൽ തന്നെ ലഗേജ്​ കയറ്റുകയും ഇറക്കുകയും ​ചെയ്യണം എന്നതാണ് നൽകിയിരിക്കുന്ന നിർദ്ദേശം എന്നത്. ഇതിനായി സർക്കസുകാരെ പോലെ തന്നെ അസാമാന്യ മെയ്​വഴക്കം വേണമെന്നാണ്​ യാത്രക്കാർ വ്യക്തമാക്കുന്നത്​. അല്ലെങ്കിൽ ഓടുന്ന വണ്ടിയിൽ ചാടിക്കയറുകയോ അതിൽനിന്ന്​ ചാടിയിറങ്ങുകയോ വേണം. ഇത്​ അപകടവും നിയമവിരുദ്ധവുമല്ലേയെന്നാണ്​ യാത്രക്കാർ ചോദ്യം ഉന്നയിക്കുന്നത്​.

കരിപ്പൂർ വി​മാ​ന​ത്താ​വ​ള​ത്തി​ലെ പാ​ർ​ക്കി​ങ്​ പ​രി​ഷ്​​കാ​ര​ത്തി​​നെ​തി​രെ ഇപ്പോൾ വ്യാ​പ​ക പ്ര​തി​ഷേ​ധമാണ്​ പല ഭാഗത്ത് നിന്നായി ഉയരുന്നത്​. ജൂ​ലൈ ഒ​ന്നി​ന്​ നടപ്പാക്കിയ ട്രാഫിക്​ പരിഷ്​കാരമാണ്​ ഇപ്പോൾ പ്രതിഷേധത്തിന്​ കാരണമായി മാറിയിരിക്കുന്നത്​. വി​മാ​ന​ത്താ​വ​ള അ​തോ​റി​റ്റി​ക്ക്​ കീ​ഴി​ലെ വി​മാ​ന​ത്താ​വ​ള​ങ്ങ​ളി​ൽ ന​ട​പ്പാ​ക്കു​ന്ന ട്രാ​ഫി​ക്​ പ​രി​ഷ്​​കാ​ര​ത്തിന്റെ ഭാ​ഗ​മാ​യിട്ടായിരുന്നു ക​രി​പ്പൂ​രി​ലെ ഈ നടപടി. ഇതനുസരിച്ച്​ പ്ര​വേ​ശ​ന ​ക​വാ​ട​ത്തി​ലും പു​റ​ത്തേ​ക്കു​ള്ള വ​ഴി​യി​ലും ഉ​ണ്ടാ​യി​രു​ന്ന ടോ​ൾ ബൂ​ത്തു​ക​ൾ ഒഴിവാക്കിയിട്ടുണ്ട്. ഇ​തി​നുപ​ക​രം സ്വ​കാ​ര്യ വാ​ഹ​ന​ങ്ങ​ൾ​ക്ക്​ ടെ​ർ​മി​ന​ലി​ന്​ മു​ന്നി​ൽ യാ​ത്ര​ക്കാ​രെ സൗ​ജ​ന്യ​മാ​യി ഇ​റ​ക്കു​ക​യോ ക​യ​റ്റു​ക​യോ ചെ​യ്യാ​മെ​ന്നാ​ണ്​ അധികൃതർ പറയുന്നത്​.

എന്നാൽ ഇതിന്​ അനുവദിച്ചിരിക്കുന്ന സമയം എന്നത് പ​ര​മാ​വ​ധി മൂ​ന്ന്​ മി​നിറ്റാണ്​. മൂ​ന്ന്​ മി​നി​റ്റി​ന​കം മ​ട​ങ്ങി​യി​ല്ലെ​ങ്കി​ൽ ജി.എസ്​.ടിയടക്കം 500 ​രൂ​പ​യാ​ണ്​ യാ​ത്ര​ക്കാ​രി​ൽ നി​ന്ന്​ പി​ഴ​യാ​യി ഈടാ​ക്കിവരുന്നത്. ഈ ​സ​മ​യ​പ​രി​ധി​ക്കു​ള്ളി​ൽ യാ​ത്ര​ക്കാ​രെയും ലഗേജും ക​യ​റ്റാ​നോ ഇ​റ​ക്കാ​നോ സാ​ധിക്കാറില്ല. ഇതുമൂലം മൂ​ന്ന്​ മി​നി​റ്റി​ന് ശേ​ഷം ക​രാ​ര്‍ ക​മ്പ​നി ജീ​വ​ന​ക്കാ​ര്‍ യാ​ത്ര​ക്കാ​രോ​ടും വാ​ഹ​ന ഉ​ട​മ​ക​ളോ​ടും മോ​ശ​മാ​യി പെ​രു​മാ​റു​ന്ന​താ​യും വ്യാപക പരാതികൾ ഉ​യ​ർ​ന്നി​ട്ടു​ണ്ട്. ഇത്​ യാ​ത്ര​ക്കാ​രും പാ​ർ​ക്കി​ങ്​ ജീ​വ​ന​ക്കാ​രും ത​മ്മി​ൽ സം​ഘ​ർ​ഷ​ത്തിനു കാരണമായി മാറുകയും ചെയ്തു.

അതേസമയം പി​ക്ക​പ്പ്​ ആ​ൻ​ഡ്​​ ഡ്രോ​പ്പി​നാ​യി കൂ​ടു​ത​ൽ സ​മ​യം അ​നു​വ​ദി​ക്ക​ണമെ​ന്ന ആ​വ​ശ്യം ശക്തമായിരിക്കുകയാണ്. നേ​ര​ത്തെ വി​മാ​ന​ത്താ​വ​ള​ത്തി​ന​ക​ത്തേ​ക്ക്​ പ്ര​വേ​ശി​ക്കുന്ന വാ​ഹ​ന​ങ്ങ​ള്‍ക്ക് 15 മി​നി​റ്റ്​ ആ​യി​രു​ന്നു സൗ​ജ​ന്യ പാ​ര്‍ക്കി​ങ് അനുവദിച്ചിരുന്നത്. ശേ​ഷം 85 രൂ​പ​യാ​യി​രു​ന്നു ഫീ​സ്‌ ഈ​ടാ​ക്കി​യി​രു​ന്ന​ത്. ഇ​പ്പോ​ള്‍ സ​മ​യ ദൈ​ര്‍ഘ്യം 30 മി​നി​റ്റാ​യി ഉ​യ​ര്‍ത്തു​ക​യും ഫീ​സ്‌ 20 രൂ​പ​യാ​യി കു​റ​ക്കു​ക​യും ചെയ്തിട്ടുണ്ടെന്നാണ് അതോറിറ്റി വ്യക്തമാക്കുന്നത്.

പാർക്കിങ്​ ഏരിയയിൽ പ്രവേശിച്ചാൽ ആദ്യ അരമണിക്കൂറിന്​ ബൈക്കിന്​ 10 രൂപയും കാർ, ടെ​മ്പോ, എസ്.യു.വി, മിനി ബസ്​ എന്നിവക്ക്​​ 20 രൂപയും കോച്ച്​, ബസ്​, ട്രക്ക്​ എന്നിവക്ക്​ 30 രൂപയുമാണ്​ ഫീസ്​. അരമണിക്കൂറിന്​ ശേഷം രണ്ട്​ മണിക്കൂർ വരെ ബൈക്കിന്​ 15 രൂപയും കാറിന്​ 55 രൂപയും ടെ​മ്പോ, എസ്.യു.വി, മിനി ബസ്​ എന്നിവക്ക്​​ 60 രൂപയും കോച്ച്​, ബസ്​, ട്രക്ക്​ എന്നിവക്ക്​ 70 രൂപയും ഈടാക്കുന്നതാണ്.

കൂടാതെ രണ്ട്​ മണിക്കൂർ മുതൽ ഏഴ്​ മണിക്കൂർ വരെ ഓരോ മണിക്കൂറിനും ബൈക്കിന്​ 5 രൂപയും ബാക്കിയുള്ളവക്ക്​ 10 രൂപ വീതവും ഈടാക്കുകയും ചെയ്യും. 24 മണിക്കൂർ പാർക്ക്​ ചെയ്യുന്നതിന്​ ബൈക്കിന്​ 45 രൂപയും കാറിന്​ 165 രൂപയും ടെമ്പോ, എസ്​.യു.വി, മിനി ബസ്​ എന്നിവക്ക്​​ 180 രൂപയും കോച്ച്​, ബസ്​, ട്രക്ക്​ എന്നിവക്ക്​ 210 രൂപയുമാണ്​ ഫീസ് ഈടാക്കുക​.