ചിക്കന്റെ വിലയെ ചൊല്ലിയുണ്ടായ തര്‍ക്കത്തില്‍ അന്യ സംസ്ഥാന തൊഴിലാളിക്ക് ക്രൂര മര്‍ദ്ദനം. കുട്ടനാട് രാമങ്കരയിലാണ് സംഭവം നടന്നത്. അസം സ്വദേശി മൈക്കിളിനായിരുന്നു മര്‍ദ്ദനമേറ്റത്.

എസി റോഡ് കരാര്‍ ജീവനക്കാരനാണ് അന്യ സംസ്ഥാന തൊഴിലാളിയായ മൈക്കിളിനെ മര്‍ദ്ദിച്ചത്. സംഭവത്തില്‍ സിസിടിവി ദൃശ്യങ്ങള്‍ പുറത്ത് വന്നിരിക്കുകയാണ്. സംഭവുമായി ബന്ധപ്പെട്ട് എസി റോഡ് കരാര്‍ ജീവനക്കാരനെതിരെ മൈക്കിള്‍ പൊലീസില്‍ പരാതി നല്‍കിയിട്ടുണ്ട്.

ഈ മാസം പതിനാലിനാണ് കേസിനാസ്പദമായ സംഭവം നടന്നിരിക്കുന്നത്. അതേസമയം പ്രതികളെ തിരിച്ചറിഞ്ഞെങ്കിലും ഇവരെ ഇതുവരെയും അറസ്റ്റു ചെയ്തിട്ടില്ല.