ദമ്ബതികളെ ഇടിച്ചു വീഴ്ത്തി നിറുത്താതെ പോയ ലോറി പാലത്തിന്റെ കൈവരി തകര്ത്ത് മറിഞ്ഞു
സ്കൂട്ടറില് സഞ്ചരിച്ച ദമ്പതികളെ ഇടിച്ചുവീഴ്ത്തി നിറുത്താതെ പോയ നാഷണല് പെര്മിറ്റ് ലോറി രണ്ടര കിലോമീറ്റര് അകലെ പാലത്തിന്റെ കൈവരിയും ഇരുമ്ബ് നടപ്പാലവും തകര്ത്ത് മറിഞ്ഞു. സ്കൂട്ടര് യാത്രികര്ക്ക് പരിക്കേറ്റു. ലോറി ഡ്രൈവര് പരിക്കേല്ക്കാതെ രക്ഷപ്പെട്ടു.
ഇന്നലെ പുലര്ച്ചെ ഒന്നരയോടെ ആലുവ പെരുമ്ബാവൂര് കെ.എസ്.ആര്.ടി.സി റോഡിലായിരുന്നു അപകടം. കുട്ടമശേരി ചാലക്കല് ഭാഗത്ത് താമസിക്കുന്ന ചെങ്ങമനാട് പനയക്കടവ് സ്വദേശി ഹാഷിം, ഭാര്യ ഫാത്തിമ എന്നിവര്ക്കാണ് ഗുരുതര പരിക്കേറ്റത്. മഹിളാലയം ന്യൂ ഈറ ക്ളിനിക്കിന് മുമ്ബില് വച്ചാണ് പെരുമ്ബാവൂര് ഭാഗത്ത് നിന്നു വന്ന ലോറി ഇവരെ ഇടിച്ചുവീഴ്ത്തിയത്.
ചെന്നൈയില് നിന്ന് ട്രെയിനില് ആലുവയിലെത്തിയ ഹാഷിമും ഫാത്തിമയും വീട്ടിലേക്ക് പോവുകയായിരുന്നു. കോതമംഗലം ഓടക്കാലിയില് നിന്ന് പ്ളൈവുഡുമായി വരികയായിരുന്ന ലോറി അമിത വേഗതയില് നിയന്ത്രണം വിട്ട് വലതു വശത്തേക്ക് കയറി വരികയായിരുന്നു.
സ്കൂട്ടറില് ഇടിച്ചതിന് ശേഷം നിര്ത്താതെ പോയ ലോറി തോട്ടുമുഖം പാലത്തില് നിയന്ത്രണം വിട്ട് പലാത്തിന്റെ കൈവരി തകര്ത്ത് മറിയുകയുമായിരുന്നു.
പരിക്കേറ്റവരെ എറണാകുളം മെഡിക്കല് ട്രസ്റ്റ് ആശുപത്രിയില് പ്രവേശിപ്പിച്ചു. ഹാഷിമിന്റെ വലതു ഭാഗത്തെ കാല്, കൈ, കണ്ണ് തുടങ്ങിയവക്ക് ഗുരുതര പരിക്കുണ്ട്. ഫാത്തിമക്കും ഗുരുതര പരിക്കുകളുണ്ട്. ലോറി ഡ്രൈവര് മഹാരാഷ്ട്ര സ്വദേശി ഭജാനന്ദിനെ ആലുവ പൊലീസ് കസ്റ്റഡിയില് എടുത്തു. പൂനെയിലേക്ക് കൊണ്ടുപോകുകയായിരുന്ന പ്ളൈവുഡ് മറിഞ്ഞ ലോറിയില് നിന്ന് ഉച്ചയോടെ മറ്റൊരു ലോറിയില് കയറ്റി വിട്ടു. അപകടത്തെ തുടര്ന്ന് ആലുവയിലേക്കുള്ള ഗതാഗതം തടസപ്പെട്ടു. എടയപ്പുറം, അശോകപുരം വഴിയാണ് വാഹനങ്ങള് ആലുവയിലേക്ക് പോയത്.
https://www.facebook.com/Malayalivartha
