ജാമ്യ വ്യവസ്ഥയില് ഇളവു നല്കണമെന്നാവശ്യപ്പെട്ട് സ്വര്ണക്കടത്ത് കേസിലെ പ്രതി സ്വപ്ന സുരേഷ് എറണാകുളം പ്രിന്സിപ്പല് സെഷന്സ് കോടതിയില് സമര്പ്പിച്ച ഹര്ജിയില് കോടതി വിധി ഇന്ന്
ജാമ്യ വ്യവസ്ഥയില് ഇളവു നല്കണമെന്നാവശ്യപ്പെട്ട് സ്വര്ണക്കടത്ത് കേസിലെ പ്രതി സ്വപ്ന സുരേഷ് എറണാകുളം പ്രിന്സിപ്പല് സെഷന്സ് കോടതിയില് സമര്പ്പിച്ച ഹര്ജിയില് കോടതി ഇന്ന് വിധി പറയും.
ജാമ്യം അനുവദിച്ചപ്പോള് ഇഡി രജിസ്റ്റര് ചെയ്ത കേസില് എറണാകുളം ജില്ല വിട്ടുപോകരുതെന്ന് വ്യവസ്ഥയുണ്ടായിരുന്നു. ഇത് ഒഴിവാക്കാനാണ് ഇവര് അപേക്ഷ സമര്പ്പിച്ചത്.
സ്വര്ണക്കടത്ത് കേസിലെ പ്രതി സ്വപ്ന സുരേഷ് ജാമ്യവ്യവസ്ഥയില് ഇളവ് തേടി കോടതിയെ സമീപിച്ചു. ഇഡി കേസില് ജാമ്യം നല്കിയപ്പോള് കോടതിയുടെ അനുമതിയില്ലാതെ എറണാകുളം ജില്ല വിട്ടുപോകരുതെന്ന് വ്യവസ്ഥയുണ്ടായിരുന്നു. വീട് തിരുവന്തപുരത്ത് ആയതിനാല് ഇതില് ഇളവ് അനുവദിക്കണമെന്ന് ആവശ്യപ്പെട്ടാണ് സ്വപ്ന ഹരജി നല്കിയത്.
എറണാകുളം ജില്ല വിട്ടുപോകുന്നതില് എതിര്പ്പില്ലെന്നും എന്നാല് കോടതിയുടെ അനുമതിയില്ലാതെ കേരളം വിടരുതെന്നും ഇഡി കോടതിയെ അറിയിച്ചു. തുടര്ന്നാണ് എറണാകുളം പ്രിന്സിപ്പല് സെഷന്സ് കോടതി ഹരജി വിധി പറയാനായി ഇന്നത്തേക്ക് മാറ്റിയത്.
അതേസമയം നവംബര് ആറിനാണ് സ്വപ്ന സുരേഷ് ജയില് മോചിതയായത്. ഒരു വര്ഷവും മൂന്നു മാസവും ജയിലില് കഴിഞ്ഞ ശേഷമാണ് കേരള രാഷ്ട്രീയത്തില് ഏറെ കോളിളക്കമുണ്ടാക്കിയ കേസില് ഇവര് പുറത്തിറങ്ങുന്നത്. ജാമ്യത്തിന് 25 ലക്ഷം രൂപയുടെ ബോണ്ടും രണ്ടാള് ജാമ്യവുമാണ് ഉപാധികള്.
പാസ്പോര്ട്ട് കോടതിയില് ഏല്പിക്കണം, കേരളം വിട്ട് പോകരുത്, സാക്ഷികളെ സ്വാധീനിക്കരുത്, തെളിവ് നശിപ്പിക്കരുത്, എല്ലാ ഞായറാഴ്ചയും അന്വേഷണ ഉദ്യോഗസ്ഥന് മുമ്പാകെ ഹാജരാകണം, അന്വേഷണ ഉദ്യോഗസ്ഥന്റെ അനുമതിയില്ലാതെ താമസം മാറരുത് എന്നിവയാണ് മറ്റു വ്യവസ്ഥകള്.
"
https://www.facebook.com/Malayalivartha
