സംസ്ഥാനത്ത് ശനിയാഴ്ചവരെ ഒറ്റപ്പെട്ട കനത്ത മഴ പെയ്യുമെന്ന് കേന്ദ്ര കാലാവസ്ഥാ വകുപ്പ്... വിവിധ ജില്ലകളില് യെല്ലോ അലര്ട്ട്
സംസ്ഥാനത്ത് ശനിയാഴ്ചവരെ ഒറ്റപ്പെട്ട കനത്ത മഴ പെയ്യുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ബംഗാള് ഉള്ക്കടലില് പുതിയ ന്യൂനമര്ദം രൂപപ്പെടുന്നതിനാലാണ് മഴയ്ക്ക് സാധ്യതയുള്ളത്.
തെക്കു കിഴക്കന് ബംഗാള് ഉള്ക്കടല് മുതല് തമിഴ്നാട് തീരംവരെ ന്യൂനമര്ദ പാത്തി നിലവിലുണ്ട്. ഇത് അടുത്ത 24 മണിക്കൂറിനകം ന്യൂനമര്ദമായി ശക്തിപ്രാപിച്ച് ശ്രീലങ്കയുടേയും തെക്കന് തമിഴ്നാടിന്റെയും കരയില് പ്രവേശിക്കും. അതിനാല് സംസ്ഥാനത്ത് വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചു.
24 മണിക്കൂറില് ആറുമുതല് 11 സെന്റീമീറ്റര് മഴയാണ് പ്രവചിക്കുന്നത്. വ്യാഴാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലും വെള്ളിയാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, പാലക്കാട് ജില്ലകളിലും ശനിയാഴ്ച പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും യെല്ലോ അലര്ട്ട് പ്രഖ്യാപിച്ചു.
അറബികടലില് കര്ണാടക തീരത്ത് സ്ഥിതി ചെയ്യുന്ന ന്യൂനമര്ദ പാത്തിയുടെ സ്വാധീനഫലമായി വടക്കന് കേരളത്തില് മഴ പെയ്യും.
https://www.facebook.com/Malayalivartha
