ഭര്തൃമതിയായ യുവതി ആത്മഹത്യ ചെയ്ത സംഭവത്തില് കൂടുതല് വിവരങ്ങള് പുറത്ത്... യുവതിയുടെ ആത്മഹത്യ ആണ്സുഹൃത്തിന് വീഡിയോ സന്ദേശം അയച്ചതിന് പിന്നാലെ
ഭര്തൃമതിയായ യുവതി ആത്മഹത്യ ചെയ്ത സംഭവത്തില് നാലുവര്ഷമായുള്ള പ്രണയബന്ധം ആണ്സുഹൃത്ത് ഭര്ത്താവിനെ അറിയിച്ചതിനെ തുടര്ന്നാണ് യുവതി ആത്മഹത്യ ചെയ്തതെന്നാണ് വിവരം. ആണ് സുഹൃത്തിന് വീഡിയോ സന്ദേശം അയച്ചതിന് ശേഷമാണ് വെള്ളറട കുന്നത്തുകാല് ചീരംകോട് പള്ളിവാതില്ക്കല് വീട്ടില് ഷെറിന് ഫിലിപ്പിന്റെ ഭാര്യ ഗോപിക(29) ജീവനൊടുക്കിയത്. സംഭവവുമായി ബന്ധപ്പെട്ട് പൂവാര് പരിണയം സ്വദേശി വിഷ്ണുവിനെ പോലീസ് പിടികൂടിയിരുന്നു. ഇയാളെ ചോദ്യം ചെയ്തതില്നിന്നാണ് ഗോപികയുടെ മരണം സംബന്ധിച്ച കൂടുതല് വിവരങ്ങള് പൊലീസിന് ലഭിച്ചത്.
വിവാഹിതയും മൂന്ന് വയസുള്ള കുട്ടിയുടെ അമ്മയുമായ ഗോപിക നാല് വര്ഷം വിഷ്ണുവുമായി അടുപ്പത്തിലായിരുന്നു. ഇരുവരും തമ്മില് സാമ്ബത്തിക ഇടപാടുകളും ഉണ്ടായിരുന്നതായി പൊലീസ് കണ്ടെത്തിയിട്ടുണ്ട്. അടുത്തിടെ ഗോപികയുമായുള്ള അടുപ്പം സംബന്ധിച്ച് വിഷ്ണു ഗോപികയുടെ ഭര്ത്താവിന് വാട്സാപ്പ് സന്ദേശം അയച്ചു. ഇതിന്റെ സ്ക്രീന്ഷോട്ട് ഗോപികയ്ക്കും അയച്ചുനല്കി. ഇതേത്തുടര്ന്നാണ് ജീവനൊടുക്കാന് ഗോപിക തീരുമാനിച്ചത്.
താന് ആത്മഹത്യ ചെയ്യാന് പോകുന്ന വിവരം വീഡിയോ കോള് വിളിച്ച് ഗോപിക വിഷ്ണുവിനെ അറിയിച്ചു. ഇതോടെ വിഷ്ണു ഗോപികയുടെ വീട്ടിലെത്തി. എന്നാല് അപ്പോഴേക്കും തൂങ്ങിനില്ക്കുന്ന നിലയില് ഗോപികയെ കണ്ടെത്തുകയായിരുന്നു. ഗോപികയെ വിഷ്ണു തന്നെയാണ് ഉടന് തന്നെ മെഡിക്കല് കോളേജ് ആശുപത്രിയില് എത്തിച്ചത്. എന്നാല് അപ്പോഴേക്കും മരണം സംഭവിച്ചിരുന്നു. അവിടെ എത്തിച്ചശേഷം രക്ഷപെടാന് ശ്രമിച്ച വിഷ്ണുവിനെ ആശുപത്രി ജീവനക്കാര് പിടികൂടി പൊലീസില് ഏല്പ്പിക്കുകയായിരുന്നു. ആത്മഹത്യപ്രേരണ കുറ്റം ചുമത്തിയാണ് വിഷ്ണുവിനെതിരെ പൊലീസ് കേസെടുത്തിരിക്കുന്നത്.
https://www.facebook.com/Malayalivartha
