നിരക്ക് വര്‍ദ്ധിപ്പിക്കാനുള്ള തീരുമാനം അനിശ്ചിതമായി നീളുന്നു... സംസ്ഥാനത്ത് സ്വകാര്യ ബസുകള്‍ പണിമുടക്കിലേക്ക്
01 FEBRUARY 2022 08:47 AM IST
മലയാളി വാര്‍ത്ത
നിരക്ക് വര്‍ദ്ധിപ്പിക്കാനുള്ള തീരുമാനം അനിശ്ചിതമായി നീളുന്നതില്‍ പ്രതിഷേധിച്ച് സംസ്ഥാനത്ത് സ്വകാര്യ ബസുകള്‍ പണിമുടക്കിലേക്ക്. നാളെ സര്‍ക്കാര്‍ അന്തിമ തീരുമാനം പ്രഖ്യാപിച്ചില്ലെങ്കില്‍ പണിമുടക്കുമെന്ന് ബസ് ഓപ്പറേറ്റേഴ്സ് ഓര്‍ഗനൈസേഷന്‍ അറിയിച്ചു.
മിനിമം ചാര്‍ജ് 12 രൂപയാക്കണം, ടാക്സ് ഇളവ് നല്‍കണം, വിദ്യാര്‍ത്ഥികളുടെ യാത്രാനിരക്ക് വര്‍ധിപ്പിക്കണം തുടങ്ങിയ ആവശ്യങ്ങള്‍ കഴിഞ്ഞ വര്‍ഷം നവംബറില്‍ ബസുടമകളുടെ സംഘടനകള്‍ സര്‍ക്കാരിന് മുന്നില്‍ വെച്ചിരുന്നു.
ബസ് ചാര്‍ജ് വര്‍ധന അനിവാര്യമാണെന്ന് സര്‍ക്കാര്‍ സമ്മതിച്ചുവെങ്കിലും തീരുമാനം അനന്തമായി നീളുകയാണെന്ന് ആക്ഷേപിച്ചാണ് ബസുടമകള്‍ സമരത്തിലേക്ക് നീങ്ങാന്‍ തീരുമാനിച്ചത്.
"അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
