പ്രാര്ത്ഥനകള്ക്ക് ഫലം..... ഓര്മ പൂര്ണമായി വീണ്ടുകിട്ടി .... ലഘുവായി ദ്രാവകരൂപത്തിലുള്ള ഭക്ഷണം കഴിച്ചു, അല്പദൂരം മുറിയില് നടന്നു, ഡോക്ടര്മാരോട് സംസാരിച്ചു.... ഇപ്പോഴത്തെ നിലയില് ചികിത്സാ പുരോഗതിയുണ്ടായാല് അടുത്ത ബുധനാഴ്ചയോടെ വാവ സുരേഷിന് കോട്ടയം മെഡിക്കല് കോളജില് നിന്ന് മടങ്ങാം.....
ഇപ്പോഴത്തെ നിലയില് ചികിത്സാ പുരോഗതിയുണ്ടായാല് അടുത്ത ബുധനാഴ്ചയോടെ വാവ സുരേഷിന് കോട്ടയം മെഡിക്കല് കോളജില് നിന്ന് മടങ്ങാം.
മൂര്ഖന്റെ കടിയേറ്റ് മരണാസന്നനായി നാലു ദിവസം കോട്ടയം മെഡിക്കല് കോളജില് കിടന്ന വാവ സുരേഷ് അല്പദൂരം മുറിയില് നടന്നു. ലഘുവായി ദ്രാവകരൂപത്തിലുള്ള ഭക്ഷണം കഴിച്ചു. ഓര്മ പൂര്ണമായി വീണ്ടുകിട്ടി. ഡോക്ടര്മാരോടും നഴ്സുമാരോടും വാവ സംസാരിക്കുകയും ചെയ്തു.
ബോധം വീണ്ടുകിട്ടിയ ഉടന് എന്റെ ദൈവമേ എന്നാണ് വാവാ ആശ്വാസമായി പറഞ്ഞത്. ഹൃദയാഘാതമുണ്ടാവുകയും ബോധം മറയുകയും ചെയ്തതോടെ വാവ സുരേഷിന് ഓര്മശക്തി നഷ്ടപ്പെടുമോ എന്ന ആശങ്ക ഡോക്ടര്മാര്ക്കുണ്ടായിരുന്നു. എന്നാല് പൂര്ണ ഓര്മശക്തി വീണ്ടുകിട്ടിയതോടെ ഡോക്ടര്മാര് ഏറെ ആശ്വാസത്തിലും സംതൃപ്തിയിലുമാണ്.
ഞാന് സുരേഷ്, വാവ സുരേഷ് മെഡിക്കല് കോളജ് ആശുപത്രി സൂപ്രണ്ട് ഡോ. ടി.കെ.ജയകുമാര് പേര് ചോദിച്ചപ്പോള് വാവ ഇന്നു മറുപടി പറഞ്ഞു. കഴിഞ്ഞ തിങ്കളാഴ്ച മുതല് രാവും പകലുമായി ആറ് വിദഗ്ധന്മാര് ഉള്പ്പെടെ 12 ഡോക്ടര്മാരുടെ ടീമാണ് വാവാ സുരേഷിനെ ചികിത്സിച്ചുപോരുത്.
തിങ്കളാഴ്ചയും ചൊവ്വാഴ്ചയും വാവയുടെ നില അതീവഗുരുതരാവസ്ഥയിലെത്തിയതോടെ ഡോക്ടര്മാര് ഏറെ ആശങ്കയിലായിരുന്നു. ആരോഗ്യനില മെച്ചപ്പെട്ടതിനെ തുടര്ന്ന വാവയെ ഇന്നലെ വെന്റിലേറ്ററില്നിന്നു മാറ്റിയിരുന്നു. ഇന്ന് സുരേഷിനെ ഐസിയുവില്നിന്നു തൊട്ടടുത്ത മുറിയിലേക്ക് മാറ്റി ആഹാരം നല്കിത്തുടങ്ങി.
ഓര്മ്മശക്തിയും സംസാരശേഷിയും പൂര്ണ്ണമായും വീണ്ടെടുത്തതിനൊപ്പം ആന്റിബയോട്ടിക് ഉള്പ്പെടെയുളള മരുന്നുകള് തുടര്ന്നും നല്കിവരുന്നു. ഡോക്ടര്മാരുടെ ചോദ്യത്തിന് സുരേഷ് കൃത്യമായി മറുപടി നല്കിയത് തലച്ചോറിലേക്കുള്ള രക്തഓട്ടം സാധാരണ നിലയിലായതിന്റെ സൂചനയായാണ് കണക്കാക്കുന്നത്.
അതേ സമയം കോട്ടയം കുറിച്ചിയില് വച്ച് പാമ്പുപിടിത്തത്തിനിടെ മൂര്ഖന് കാലില് കടിച്ചതിനെക്കുറിച്ച് സുരേഷിനോടു ഡോക്ടര്മാര് ഒന്നും ചോദിച്ചില്ല. തിങ്കളാഴ്ച കോട്ടയം മെഡിക്കല് കോളജിലെക്കു കൊണ്ടുവരുംവഴി ഹൃദയസ്തംഭനം ഉണ്ടായ സാഹചര്യത്തിലാണ് ഇത്തരം ചോദ്യങ്ങള് ഒഴിവാക്കിയത്. വാവയുടെ ആരോഗ്യനില പൂര്ണ തൃപ്തികരമാണെന്ന് ആശുപത്രി അധികൃതര് വ്യക്തമാക്കി.
ഹൃദയത്തിന്റെ പ്രവര്ത്തനം തൃപ്തികരമാണെന്നു കണ്ടാല് ബുധനാഴ്ചയോടെ വാവയെ ഡിസ്ചാര്ജ് ചെയ്യുമെന്നാണ് സൂചന. അതേ സമയം ഒരാഴ്ചകൂടി ആശുപത്രിക്ക് പുറത്ത് താമസിക്കാനും ഒരാഴ്ചയോളം തുടര്നിരീക്ഷണം നടത്താനും ഡോക്ടര്മാര് നിര്ദേശിക്കാനും സാധ്യതയുണ്ട്. ശരീരത്തില് വിഷമുണ്ടാക്കിയ ആഘാതമാണ് ഹൃദയാഘാതത്തിന് കാരണമാക്കിയത്.
24 മണിക്കൂറും പ്രത്യേകസംഘത്തിന്റെ നിരീക്ഷണത്തില് കഴിയുന്ന സുരേഷിന്റെ നില ബുധനാഴ്ച ഉച്ചയോടെയാണ് കാര്യമായി മെച്ചപ്പെട്ടുതുടങ്ങിയത്. ആശുപത്രി സൂപ്രണ്ട് ഡോ. ടി.കെ. ജയകുമാറിന്റെ നേതൃത്വത്തില് വിവിധവിഭാഗങ്ങളിലെ മേധാവികളാണ് വാവ സുരേഷിനെ ചികിത്സിക്കുന്നത്.
കുറിച്ചിയില്വെച്ച് മൂര്ഖന്റെ വിഷം ശക്തമായി ഉള്ളില്ച്ചെന്നിട്ടും വാവ സുരേഷിന് രക്ഷയായത് കോട്ടയം മെഡിക്കല് കോളജില് ലഭിച്ചുവരുന്ന അതി നൂതന വൈദ്യസഹായമാണ്. മാത്രവുമല്ല അധിക അളവില് ശരീതത്തില് വിഷം കടന്നതായി മനസിലാക്കിയ ഉടന് അടിയന്തിരമായി ആശുപത്രിയിലെത്തിക്കാന് സുരേഷ് അടുത്തുനിന്നവരോട് ആവശ്യപ്പെടുകയും ചെയ്തിരുന്നു.
ഇതനുസരിച്ച് അടിയന്തിരമായ കോട്ടയത്തെ സ്വകാര്യ ആശുപത്രിയില് പ്രഥമ ശുശ്രൂഷ നല്കി. തൊട്ടുപിന്നാലെ ഇദ്ദേഹത്തെ കോട്ടയം മെഡിക്കല് കോളജ് ആശുപത്രിയില് എത്തിക്കാനായി. ന്യൂറോ, കാര്ഡിയാക് വിദഗ്ധര്മാര് അടങ്ങുന്ന വിദഗ്ദ്ധ സംഘമാണ് വാവ സുരേഷിന്റെ ചികിത്സയ്ക്ക് മേല്നോട്ടം വഹിക്കുന്നത്.
"
https://www.facebook.com/Malayalivartha
