രാഷ്ട്രീയ നിരീക്ഷണവുമായി ബന്ധപ്പെട്ടുള്ള കാര്യങ്ങളിൽ തന്റെ പ്രതികരണങ്ങൾ നടത്തുന്ന വ്യക്തിയാണ് സന്തോഷ് പണ്ഡിറ്റ്. ഇപ്പോൾ ഇതാ അദ്ദേഹം പഞ്ചാബ് നിയമസഭാ ഫല നിരീക്ഷണം നടത്തിയിരിക്കുകയാണ്. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ;

പണ്ഡിറ്റിന്റെ രാഷ്ട്രീയ നിരീക്ഷണം. പഞ്ചാബ് നിയമസഭാ ഫല നിരീക്ഷണം . യഥാർഥത്തിൽ ക്യാപ്റ്റൻ അമരീന്ദർ സിംഗ് ജി അവിടെ മുഖ്യമന്ത്രിയായി തുടർന്ന സമയത്തോളം കോൺഗ്രസ് പുഷ്പം പോലെ ഭരണത്തുടർച്ച നേടും എന്നാണു എല്ലാവരും കരുതിയത് . എന്നാൽ കർഷക നിയമം നടപ്പിൽ വന്ന സമയം AAP കെജ്രിവാൾ ജിയുടെ ബുദ്ധിപൂർവം ഉള്ള നീക്കങ്ങൾ ആണ് കാര്യങ്ങൾ കീഴ്മേൽ മറിഞ്ഞത് .

പഞ്ചാബിൽ കർഷകർ സമരം ചെയ്തപ്പോൾ ഡൽഹിയിലേക്ക് സമരം ചെയ്യുവാൻ അദ്ദേഹം ക്ഷണിച്ചു . അവരുടെ വില കൂടിയ കാറുകൾക്ക് സൗജന്യമായി എണ്ണയടിച്ചു കൊടുത്തു. സമരം ചെയ്ത കർഷകർക്ക് ജിംനേഷ്യം ഉണ്ടാക്കി കൊടുത്തു . പാചകത്തിനായി ഗ്യാസ്, ഫ്രിഡ്ജ് , വെജിറ്റബിൾസ് സൗജന്യമായി നൽകി , ടെണ്ട് അടിക്കുവാൻ സൗജന്യമായി എല്ലാം നൽകി , കൊറോണാ സമയം ആയിട്ട് പോലും മാസ്ക് , സോഷ്യൽ ഡിസ്റ്റൻസ് പാലിക്കണം എന്ന് പറയാതെ ഫുൾ സപ്പോർട്ട് കൊടുത്തു.

ഇതോടെ കോൺഗ്രസ് ചിന്തയുള്ള കർഷകർ മൊത്തം ആപ് AAP ആരാധകർ ആയി മാറി . കാര്യം കാർഷിക നിയമങ്ങൾ കേന്ദ്ര സർക്കാർ പിൻവലിച്ചു എങ്കിലും അദ്ദേഹം ഗോൾ അടിച്ചു . പഞ്ചാബിലെ കോൺഗ്രസ് അടിത്തറ പതുക്കെ ഇളകി . അവരുടെ പാർട്ടിക്കുള്ളിൽ തന്നെ ആഭ്യന്തര പ്രശനം രൂക്ഷമായി . സിദ്ധു ജിക്കു മുഖ്യമന്ത്രി ആകുവാൻ അമരീന്ദർ ജിയെ പാര വെച്ച് .

ഒടുവിൽ അങ്ങേരു രാജിവെച്ചു ബിജെപി പാളയത്തിലേക്ക് പോയെങ്കിലും , മറ്റൊരു നേതാവ് ഝാന്നി ജി സിദ്ധു ജിയെ പാര വെച്ച് മുഖ്യനാകുവാൻ സമ്മതിച്ചില്ല . വീണ്ടും ഇപ്പോൾ ഈ നേതാക്കൾ തമ്മിൽ ആരു മുഖ്യൻ ആകും എന്ന പ്രശ്നങ്ങൾ നടക്കുന്നു . എല്ലാം കൂടി കുഴഞ്ഞു മറിഞ്ഞാണ് പഞ്ചാബ് രാഷ്ട്രീയം നില്കുന്നത് . ഇനിയെങ്കിലും കോൺഗ്രസ് നേതാക്കന്മാർ ഐക്യത്തോടെ മുന്നോട്ടു പോയാൽ ചിലപ്പോൾ കഷ്ടിച്ച് ഭരണം പിടിക്കാം .

(പിന്നെ ആര് മുഖ്യനാകും എന്ന് തിരിച്ചു എന്നോട് ചോദിക്കരുത് ?) അല്ലെങ്കിൽ കർഷക സമരം നടത്തിയവരുടെ വോട്ട് വാങ്ങി AAP കേവല ഭൂരിപക്ഷത്തിൻെറ അടുത്തെത്താം . പിന്നെ ബിജെപി, അകാലിദൾ പാർട്ടിക്കാരുടെ പിന്തുണയോടെ ഭരിക്കാം . അമരീന്ദർ സിംഗ് ജിയുടെ വരവോടെ വളരെ പുറകിലായിരുന്ന ബിജെപി കുറച്ചു മുന്നോട്ടു വരാം .

(വാൽകഷ്ണം .. ഏതായാലും പഞ്ചാബ് ആര് ഭരിച്ചാലും ലാഭം കേജ്‌രിവാൾ ജിക്കു , AAP പാർട്ടിക്കും മാത്രമാണ് . എന്നാൽ കേരളത്തോടോപ്പോം , ഉറച്ച സ്ഥലം എന്ന് കരുതിയിരുന്ന പഞ്ചാബ് കൂടി കോൺഗ്രസ് നഷ്ടപ്പെട്ടാൽ അവർക്കു ഷോക്ക് ട്രീറ്റ്മെന്റ് പോലെ ആകും . പിന്നെ ഒരു അവിടെ ഒരു തിരിച്ചു വരവ് ബുദ്ധിമുട്ടാകും ... കാത്തിരുന്നു കാണാം ...)