ബൈക്കിൽ കല്ലുകൾ കരുതിവച്ച് എറിഞ്ഞുതകർത്തത് രണ്ട് ആംബുലൻസ് ഉൾപ്പെടെ ഏഴു വാഹനങ്ങൾ

കണ്ണൂർ:ബൈക്കിന്റെ മുൻസീറ്റ് കവറിൽ നിറയെ കല്ലുകൾ കരുതി തന്നെ മറികടന്ന് പോകുന്ന വാഹനങ്ങളുടെ ചില്ല് കല്ലെറിഞ്ഞു തകർക്കുന്നയാളെ കണ്ണൂർ ടൗൺ ഇൻസ്‌പെക്ടർ ശ്രീജിത്ത് കോടേരിയുടെ നേതൃത്വത്തിൽ തന്ത്രപരമായി പിടികൂടി. ചാല ഈസ്റ്റ് കോയ്യോട് പൊതുവാച്ചേരി റോഡിലെ മെഹർ ടെക് സ്റ്റൈയിലിന് സമീപം താമസിക്കുന്ന വാഴയിൽ വീട്ടിൽ സി.എച്ച് ഷംസീറാണ് (47) അറസ്റ്റിലായത്.

രണ്ട് ആംബുലൻസ് ഉൾപ്പെടെ ഏഴു വാഹനങ്ങളാണ് ഇയാൾ കല്ലെറിഞ്ഞു തകർത്തത്. അഞ്ചു കാറുകൾക്കു നേരെയും കല്ലേറുണ്ടായി.

അന്വേഷണസംഘത്തിൽ എ.എസ്.ഐമാരായ അജയൻ, രഞ്ചിത്ത്, നാസർ എന്നിവരും പങ്കെടുത്തു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.