സ്വപ്ന സുരേഷിന് കൊടുത്ത 19 ലക്ഷം രൂപ ശമ്പളം തിരികെ നല്കാന് പറ്റില്ല; വെട്ടിലായി കെഎസ്ഐടിഐഎല്; ഉദ്യോഗസ്ഥരില് നിന്ന് തുക ഈടാക്കുന്നതിനുള്ള നടപടികളിലേക്ക് കെഎസ്ഐടിഐഎല്
സ്വപ്ന സുരേഷിന് നല്കിയ ശമ്പളം തിരികെ നല്കാനാവില്ലെന്ന് പ്രൈസ് വാട്ടര് കൂപ്പേഴ്സ്. ഇക്കാര്യം വ്യക്തമാക്കി പി.ഡബ്ല്യു.സി സര്ക്കാറിന് കത്തയച്ചു. സംസ്ഥാന സര്ക്കാറിന് കീഴിലുള്ള കെ.എസ്.ഐ.ടി.ഐ.എല്ലിന്റെ ആവശ്യമാണ് കമ്പനി തള്ളിയത്. വിഷയത്തില് കെ.എസ്.കെ.ടി.ഐ.എല് നിയമോപദേശം തേടി. 19,06,730 രൂപയാണ് സ്വപ്നക്ക് ശമ്പളമായി നല്കിയത്.
സംസ്ഥാന സര്ക്കാരിന് കീഴിലെ കെ എസ് ഐ ടി ഐ എല്ലിന്റെ ആവശ്യത്തോടാണ് കമ്പനി മുഖം തിരിച്ചത്. തുക ആവശ്യപ്പെട്ട് സംസ്ഥാന സര്ക്കാര് അയച്ച കത്തിന് തുക നല്കില്ലെന്ന് പിഡബ്ല്യുസി മറുപടി നല്കി. വിഷയത്തില് കെ എസ് കെ ടി ഐ എല് നിയമോപദേശം തേടി. സ്വപ്നയ്ക്ക് ശമ്പളമായി നല്കിയ 19 ലക്ഷം രൂപ തിരികെ നല്കണമെന്നായിരുന്നു ആവശ്യം.
വ്യാജ സര്ട്ടിഫിക്കറ്റുകള് ഹാജരാക്കിയാണ് സ്വപ്ന സുരേഷ് സ്പേസ് പാര്ക്കില് ജോലി നേടിയതെന്ന കണ്ടെത്തലിന്റെ പശ്ചാത്തലത്തിലാണ് ശമ്പളം തിരികെ നല്കണമെന്ന് സംസ്ഥാന സര്ക്കാര് ആവശ്യപ്പെട്ടത്. സംസ്ഥാന സര്ക്കാരിന് സംഭവിച്ച നഷ്ടം തിരികെ പിടിക്കണമെന്ന ധനപരിശോധനാ വിഭാഗത്തിന്റെ റിപ്പോര്ട്ടിലായിരുന്നു സര്ക്കാര് നടപടി. കണ്സള്ട്ടന്സി കമ്പനിയായ പി.ഡബ്ല്യു.സിയാണ് സ്വപ്നയെ നിയമിച്ചതെന്നും അതിനാല് സ്വപ്നയ്ക്ക് ശമ്പളമായി നല്കിയ തുക തിരികെ നല്കണമെന്നുമാണ് കെ.എസ്.ഐ.ടി.ഐ.എല്, പി.ഡബ്ല്യു.സിക്ക് നല്കിയ കത്തില് ആവശ്യപ്പെട്ടത്.
പിഡബ്ല്യുസിയില്നിന്ന് തുക ഈടാക്കാന് കഴിയാതെ വന്നാല് അന്നത്തെ ഐടി സെക്രട്ടറിയും കെഎസ്ഐടിഐഎല് ചെയര്മാനുമായിരുന്ന എം.ശിവശങ്കര്, അന്നത്തെ എംഡി സി.ജയശങ്കര് പ്രസാദ്, സ്പെഷല് ഓഫിസറായിരുന്ന സന്തോഷ് കുറുപ്പ് എന്നിവരില്നിന്ന് തുല്യമായി തുക ഈടാക്കണമെന്നും ശുപാര്ശ ചെയ്തു. ചീഫ് സെക്രട്ടറി അധ്യക്ഷനായ സമിതിയും ശമ്പളം ഉദ്യോഗസ്ഥരില്നിന്നു തിരിച്ചു പിടിക്കണമെന്ന് നിര്ദേശിച്ചു. പക്ഷെ ഈ ശുപാര്ശകളില് പിന്നീട് സര്ക്കാര് തുടര്നടപടികളൊന്നും സ്വീകരിച്ചിരുന്നില്ല.
സ്വപ്നയുടെ വഴിവിട്ട നിയമനം പുറത്തുവന്നതിന് പിന്നാലെ, സ്വപ്നയ്ക്ക് ശമ്പളമായി നല്കിയ തുക തിരികെ പിടിക്കാന് അടിയന്തര ഇടപെടല് വേണമെന്ന് ഒന്നരവര്ഷം മുമ്പ് ധനകാര്യപരിശോധന വിഭാഗം സര്ക്കാരിന് ശുപാര്ശ നല്കിയിരുന്നു. പിഡബ്ല്യുസി തുക തിരികെ നല്കിയില്ലെങ്കില്, അന്ന് കെഎസ്ഐടിഐഎല് ചെയര്മാനായിരുന്ന എം ശിവശങ്കര്, എംഡിയായിരുന്ന ജയശങ്കര് പ്രസാദ്, സ്പേസ് പാര്ക്ക് സ്പെഷ്യല് ഓഫീസര് സന്തോഷ് കുറുപ്പ് എന്നിവരില് നിന്ന് തുല്യമായി പണം ഈടാക്കണമെന്നായിരുന്നു ധനപരിശോധന വിഭാഗത്തിന്റെ ശുപാര്ശ. പക്ഷെ ഈ ശുപാര്ശകളില് പിന്നീട് സര്ക്കാര് തുടര്നടപടികളൊന്നും സ്വീകരിച്ചിരുന്നില്ല.
എം.ശിവശങ്കറിന്റെ പൂര്ണ അറിവോടെയായിരുന്നു സ്പേസ് പാര്ക്കിലെ തന്റെ നിയമനം എന്ന് സ്വപന വെളിപ്പെടുത്തിയതിന് പിന്നാലെയായിരുന്നു സര്ക്കാരിന്റെ പുതിയ നീക്കം. കണ്സല്ട്ടന്റ് ഏജന്സിയെ വരെ മാറ്റി നിയമനത്തിന് ശിവശങ്കര് പൂര്ണ്ണമായും ചരടുവലിച്ചെന്നും സ്വപ്ന വെളിപ്പെടുത്തിയിരുന്നു. എന്നാല് സ്നപ്നയുടെ വെളിപ്പെടുത്തലുകളില് ഇതുവരെ ശിവശങ്കറിലേക്ക് അന്വേഷണം നീങ്ങിയിട്ടുമില്ല. തുക തിരികെ നല്കാനാകില്ലെന്ന് പിഡബ്ല്യുസി മറുപടി നല്കിയതോടെ കെഎസ്ഐടിഐഎല് കൂടുതല് വെട്ടിലായി. ഉദ്യോഗസ്ഥരില് നിന്ന് തുക ഈടാക്കുന്നതിനുള്ള നടപടികളിലേക്ക് കെഎസ്ഐടിഐഎല്ലിന് കടക്കേണ്ടിവരും.
https://www.facebook.com/Malayalivartha
