തൃശൂര്‍ ഞാനിങ്ങെടുക്ക്വാ വീണ്ടും ആവര്‍ത്തിക്കാന്‍ സാധ്യത. ലോക്‌സഭാ തിരഞ്ഞെടുപ്പിന് രണ്ട് വര്‍ഷം ശേഷിക്കേ കേരളത്തില്‍ പാര്‍ലമെന്റ് അക്കൗണ്ട് തുറക്കുക എന്ന ലക്ഷ്യത്തോടെ തിരുവനന്തപുരം, പത്തനംതിട്ട, തൃശൂര്‍ മണ്ഡലങ്ങളില്‍ ശ്രദ്ധ കേന്ദ്രീകരിച്ച് ഇപ്പോഴേ സജ്ജമാകാന്‍ ബി.ജെ.പി സംസ്ഥാന നേതൃത്വം.

ഇപ്പഴേ കളത്തിലിറങ്ങാന്‍ സുരേഷ് ഗോപി നിര്‍ദേശം നല്‍കി. എം.പി സ്ഥാനമൊഴിഞ്ഞ നടന്‍ സുരേഷ് ഗോപിയുടെ താരപരിവേഷം ഇതിനായി ഉപയോഗപ്പെടുത്തും. പാര്‍ട്ടി നേതൃത്വത്തിന്റെ അറിവോടെ സുരേഷ് ഗോപി ഇപ്പോള്‍ തൃശൂരില്‍ സജീവമാണ്. കൂടാതെ തിരുവനന്തപുരത്തും പത്തനംതിട്ടയിലും അദ്ദേഹത്തിന്റെ സജീവ സാന്നിദ്ധ്യമുണ്ടാകും.

ആഭ്യന്തരമന്ത്രി അമിത്ഷായുടെ അടുത്ത വരവോടെ കാര്യങ്ങള്‍ കലങ്ങിത്തെളിയും. തയ്യാറെടുപ്പുകള്‍ക്ക് മാര്‍ഗനിര്‍ദ്ദേശം നല്‍കാന്‍ അമിത്ഷാ വെള്ളിയാഴ്ച കേരളത്തില്‍ വരാനിരുന്നതാണ്. ഔദ്യോഗികാവശ്യങ്ങള്‍ കാരണം വരവ് മാറ്റി. മേയ് പതിനഞ്ചിന് മുമ്പ് എത്തുന്ന അമിത്ഷായുമായി ബി.ജെ.പി ആര്‍.എസ്.എസ് നേതാക്കള്‍ വിശദകൂടിക്കാഴ്ച നടത്തും. പുതിയ സന്ദര്‍ശന തീയതി പിന്നീടറിയിക്കുമെന്ന് ബി.ജെ.പി സംസ്ഥാന പ്രസിഡന്റ് കെ. സുരേന്ദ്രന്‍ അറിയിച്ചു. 2016ലെ നിയമസഭാ തിരഞ്ഞെടുപ്പില്‍ എന്‍.ഡി.എ കേരളത്തില്‍ വോട്ട് ഗണ്യമായി വര്‍ദ്ധിപ്പിച്ചിരുന്നു. അതില്‍ ബി.ഡി.ജെ.എസിന്റെ സ്വാധീനം ഒരു ഘടകമായിരുന്നു.

2019ലെ ലോക്‌സഭാ തിരഞ്ഞെടുപ്പിലും ഒരു പരിധിവരെ പിടിച്ചുനിന്നെങ്കിലും കഴിഞ്ഞ നിയമസഭാ തിരഞ്ഞെടുപ്പില്‍ ബി.ജെ.പിയുടെയും എന്‍.ഡി.എയുടെയും പ്രകടനം പിറകോട്ട് പോയി. എല്ലാ വിഭാഗം വോട്ടര്‍മാരുടെയും പിന്തുണയില്‍ ഇടിവുണ്ടായി. 2016നേക്കാള്‍ രണ്ട് ശതമാനത്തിലേറെ വോട്ട് കുറഞ്ഞു. കൈയിലിരുന്ന സീറ്റും നഷ്ടമായി.


ഇത്തവണ പ്രതീക്ഷയുള്ള മേഖലകളെന്ന നിലയിലാണ് തിരുവനന്തപുരം, പത്തനംതിട്ട, തൃശൂര്‍ മണ്ഡലങ്ങള്‍ കേന്ദ്രീകരിച്ച് തന്ത്രങ്ങള്‍ രൂപപ്പെടുത്തുന്നത്. എസ്.ഡി.പി.ഐ ആര്‍.എസ്.എസ് സംഘര്‍ഷങ്ങള്‍ സൃഷ്ടിച്ച രാഷ്ട്രീയാന്തരീക്ഷം, ലവ് ജിഹാദ് പോലുള്ള വിഷയങ്ങളില്‍ െ്രെകസ്തവ സഭകളിലടക്കം രൂപപ്പെടുന്ന രാഷ്ട്രീയ ധ്രുവീകരണ കാലാവസ്ഥ അനുകൂലമാക്കാനുള്ള സാദ്ധ്യത എന്നിവ പരിശോധിക്കും. കഴിഞ്ഞ നിയമസഭാ തിരഞ്ഞെടുപ്പില്‍ അത്തരമൊരു പരീക്ഷണത്തിന് അവര്‍ ശ്രമിച്ചെങ്കിലും വിജയിച്ചില്ല.

തിരുവമ്പാടി കോടഞ്ചേരിയില്‍ ഡി.വൈ.എഫ്.ഐ പ്രവര്‍ത്തകന്റെ പ്രണയവിവാഹ വിവാദം കത്തോലിക്കാസഭയില്‍ വീണ്ടും അസ്വസ്ഥത സൃഷ്ടിച്ചത്

അതേസമയം സുരേഷ് ഗോപി അമ്മയില്‍ തിരിച്ചെത്തുന്നു എന്ന സുചനയുണ്ട്. 1994 മെയ് 31ന് തിരുവനന്തപുരം പഞ്ചായത്ത് ഹാളിലാണ് തിക്കുറുശി സുകുമാരന്‍ നായരുടെ അധ്യക്ഷതയില്‍ അസോസിയേഷന്‍ ഓഫ് മലയാളം മൂവി ആര്‍ട്ടിസ്റ്റ്‌സ്(അമ്മ) എന്ന കൂട്ടായ്മയ്ക്കു തുടക്കമായത്. സുരേഷ് ഗോപി, ഗണേഷ് കുമാര്‍, മണിയന്‍പിള്ള രാജു എന്നിവരാണ് അഭിനേതാക്കളുടെ സംഘടനയെന്ന ആശയത്തിന് വിത്ത് പാകിയത്. എന്നാല്‍ 1997 ന് ശേഷം അമ്മയുടെ പരിപാടികളിലും, സ്‌റ്റേജ് ഷോ കളിലൊന്നും സുരേഷ് ഗോപിയെ കണ്ടതേയില്ല. സുരേഷ് ഗോപി അമ്മയില്‍ അംഗമല്ലേ എന്ന് പോലും ആരാധകര്‍ ചോദിച്ചു.

അമ്മ സംഘടന ഗള്‍ഫില്‍ അവതരിപ്പിച്ച പരിപാടിയുമായി നടന്ന തര്‍ക്കത്തെ തുടര്‍ന്നായിരുന്നു അമ്മയുടെ പരിപാടിയില്‍ നിന്ന് സുരേഷ് ഗോപി വിട്ടുനിന്നത്. ഈ വിയോജിപ്പ് പലകുറി സുരേഷ് ഗോപി തുറന്നുപറയകയും ചെയ്തു. ഇപ്പോഴിതാ വര്‍ഷങ്ങള്‍ക്ക് ഇപ്പുറം താരസംഘടനയിലേയ്ക്ക് തിരിച്ചു വരികയാണ് സുരേഷ് ഗോപി. അമ്മയുടെ നേതൃത്വത്തില്‍ നടക്കുന്ന ആരോഗ്യ പരിശോധന ക്യാമ്പിന്റെ മുഖ്യാതിഥിയായാണ് താരം എത്തുന്നത്. മെയ് ഒന്നാം തിയതി എറണാകുളം ദേശാഭിമാനി റോഡിലുള്ള അമ്മയുടെ മന്ദിരത്തിലാണ് പരിപാടി നടക്കുക. ബാക്കി അപ്പോള്‍ പറയും.