രണ്ടും കല്പിച്ച് പോലീസ്, വിജയ്ബാബുവിനെതിരെ നിര്ണായക നീക്കം.. മാളത്തില് ഒളിച്ചിരിക്കുന്ന നടന് ഇനി പുറത്തേക്ക് വരേണ്ടിവരും.. നടിയുടെ പേര് പറഞ്ഞത് വിനയായി, നടന് ചെയ്തത് കണ്ടോ?
കോഴിക്കോട് സ്വദേശിനിയായ യുവ നടിയെ പീഡിപ്പിച്ച കേസില് കുറ്റാരോപിതനായ നടന് വിജയ് ബാബുവിനെ കുരുക്കാനുള്ള എല്ലാ ശ്രമങ്ങളും പോലീസ് നടത്തുകയാണ്. അതിന്റെ ഭാഗമായി വിജയ് ബാബുവിന്റെ പാസ്പോര്ട്ട് കണ്ടുകെട്ടാന് കോടതിയില് അപേക്ഷ നല്കിയിരിക്കുകയാണ് പോലീസ്. നടന് രാജ്യം വിട്ടിട്ടില്ലെങ്കില് അതിനുള്ള നീക്കം തടയാനാണ് പാസ്പോര്ട്ട് കണ്ടുകെട്ടുന്നത്.
വിജയ് ബാബു ഒളിവിലാണെങ്കിലും ഇപ്പോഴും എവിടെയാണെന്ന കാര്യത്തില് വ്യക്തത വന്നിട്ടില്ല. നേരത്തെ അദ്ദേഹം ദുബായിലേക്ക് കടന്നെന്നും അതിന് പിന്നാലെ അവിടെ നിന്ന് രക്ഷപ്പെട്ടു എന്നൊക്കെയുള്ള അഭ്യൂഹങ്ങള് പരന്നിരുന്നു. ഇതിന്റെ അടിസ്ഥാനത്തില് വിജയ് ബാബുവിനെ പൊക്കാന് പോലീസ് ലുക്കൗട്ട് സര്ക്കുലറും പുറപ്പെടുവിച്ചിരുന്നു. രാജ്യത്തെ എല്ലാ വിമാനത്താവളങ്ങളിലും അറിയിപ്പ് നല്കിയിരിക്കുകയാണ് അധികൃതര്.
എന്തായാലും വിജയ് ബാബുവിന് വേണ്ടിയുള്ള അന്വേഷണം ശക്തമാക്കിയിരിക്കുകയാണ്. അഥവാ നടന് രാജ്യം വിട്ടിട്ടുണ്ടെങ്കില് ഇന്ന് വൈകുന്നേരത്തിലുള്ളില് അറിയാന് കഴഇയുമെന്ന വിശ്വാസത്തിലാണ് പോലീസ് ഉദ്യോഗസ്ഥര്. ഇമിഗ്രേഷന് വിഭാഗവുമായി ബന്ധപ്പെട്ട് വിവരങ്ങള് ശേഖരിച്ചുവരികയാണ്.
മാത്രമല്ല ഒളിവില് പോയ വിജയ് ബാബു മുന്കൂര് ജാമ്യത്തിനുള്ള നീക്കങ്ങള് തുടങ്ങിയതായും വിവരമുണ്ട്. ഇതിനായി അദ്ദേഹം മുതിര്ന്ന അഭിഭാഷകരുമായി ഇതിനോടകം തന്നെ ആശയവിനിമയം നടത്തിയെന്നാണ് ലഭിക്കുന്ന വിവരം.
അതേസമയം വിജയ് ബാബുവിന്റെ കൊച്ചിയിലെ ഫഌറ്റില് പോലീസ് ഇന്ന് രാവിലെ റെയ്ഡ് നടത്തിയിരുന്നു. കൂടാതെ നടിയെ പീഡിപ്പിച്ചെന്ന് പറയുന്ന കടവന്ത്രയിലെ ഹോട്ടലിലും അന്വേഷണ സംഘം പരിശോധന നടത്തിയിരുന്നു. ഇതിന് പിന്നാലെ വിജയ് ബാബുവിനെതിരെ നിര്ണായക തെളിവുകള് ലഭിച്ചുവെന്ന് സിറ്റി പോലീസ് കമ്മീഷണര് സി.എച്ച് നാഗരാജു പറഞ്ഞു. കേസില് വിജയ് ബാബുവിന്റെ അറസ്റ്റ് അനിവാര്യമാണെന്ന് ചൂണ്ടിക്കാട്ടിയ കമ്മീഷണര് കൂടുതല് തെളിവുകള്ക്കായി പ്രതിയെ കസ്റ്റഡിയില് വെച്ച് ചോദ്യം ചെയ്യണമെന്ന് പറഞ്ഞു. ഇരയെ ഭീഷണിപ്പെടുത്തിയതിനെതിരെ ശക്തമായ നടപടി സ്വീകരിക്കുമെന്നും കമ്മിഷണര് പറഞ്ഞു.
അതിനിടെ പരാതിക്കാരിയുടെ മൊഴി രേഖപ്പെടുത്തുകയും അവരെ വൈദ്യ പരിശോധനക്ക് വിധേയയാക്കുകയും ചെയ്തു. ഇതിന്റെ അടിസ്ഥാനത്തില് നടിയുടെ പരാതിയില് പ്രഥമദ്യഷ്ട്യ കഴമ്പുണ്ടെന്നാണ് പൊലീസ് വ്യക്തമാക്കുന്നത്.
നിലവില് രണ്ട് കേസുകളാണ് വിജയ് ബാബുവിനെതിരെ എറണാകുളം സൗത്ത് പോലീസ് രജിസ്റ്റര് ചെയ്തിട്ടുള്ളത്. അതായത്, ബലാത്സംഗം ചെയ്തുവെന്ന നടിയുടെ പരാതിയും കൂടാതെ ലൈവ് വീഡിയോയില് നടിയുടെ പേര് വെളിപ്പെടുത്തിയതുമാണ് കേസുകള്.
സംഭവം വിവാദമായതോടെ നടിയുടെ പേര് പരാമര്ശിക്കുന്ന ലൈവ് വീഡിയോ താരം ഫെയ്സ്ബുക്കില് നിന്ന് നീക്കം ചെയ്തു.
https://www.facebook.com/Malayalivartha
