വി​വാ​ദ​ങ്ങ​ൾ​ക്കിടെ കെ. റെയിൽ അധികൃതർ സംഘടിപ്പിക്കുന്ന സി​ൽ​വ​ർ ലൈ​ൻ പദ്ധതി സംബന്ധിച്ച സം​വാ​ദം നടന്നു. രാ​വി​ലെ 11ന്​ ​താ​ജ്​ വി​വാ​ന്ത​യി​ലാ​ണ്​ സം​വാ​ദം നടന്നത്. അനുകൂലിച്ചും പ്രതികൂലിച്ചുമുള്ള വാദപ്രതിവാദങ്ങളാല്‍ സജീവമായിരുന്നു കെ റെയില്‍ സംഘടിപ്പിച്ച സില്‍വര്‍ലൈന്‍ സംവാദം. രാവിലെ പതിനൊന്ന് മണി മുതൽ ഒരു മണി വരെ രണ്ട് മണിക്കൂറാണ് സംവാദം നടന്നത്.

കെ റെയിലിന്‍റെ സിൽവർ ലൈൻ സംവാദത്തിൽ ശക്തമായ വിയോജിപ്പ് രേഖപ്പെടുത്തി അതിവേഗപാതയ്ക്ക് പകരം ബദൽ മാർഗം പ്രൊഫ.ആർവിജി മേനോൻ അവതരിപ്പിച്ചു. അതേസമയം, സിൽവർ ലൈൻ കേരളത്തിന്‍റെ വികസനത്തിന് അത്യന്താപേക്ഷിതമാണ് എന്ന് മറ്റ് പാനലിസ്റ്റുകൾ വാദിച്ചു. സംവാദത്തില്‍ കാണികളില്‍ നിന്നും ചോദ്യമുയര്‍ന്നു. ആദ്യം കെഎസ്ആര്‍ടിസിയെ നന്നാക്കിക്കൂടെ എന്നായിരുന്നു പൊതുപ്രവര്‍ത്തകന്‍ മുണ്ടേല ബഷീർ ചോദിച്ചത്. ചോദ്യത്തിന് കെ റെയിൽ എംഡ‍ി മറുപടി പറയണം എന്നായിരുന്നു ആവശ്യം. എന്നാല്‍ ഈ ചോദ്യത്തിന് മറുപടി പറയാതെ ചര്‍ച്ച തുടരുകയായിരുന്നു.

മു​ൻ റെ​യി​ൽ​വേ ബോ​ർ​ഡ്​ അം​ഗം സു​ബോ​ധ്​ ജെ​യി​ൻ, ഡോ. ​കു​ഞ്ചെ​റി​യ പി.​ ഐ​സ​ക്, എ​സ്.​എ​ൻ. ര​ഘു​ച​ന്ദ്ര​ൻ നാ​യ​ർ എ​ന്നി​വ​ർ പ​ദ്ധ​തി​യെ അ​നു​കൂ​ലി​ച്ചും പ​ദ്ധ​തി​യെ എ​തി​ർ​ത്ത് കേരള ശാസ്ത്ര സാഹിത്യ പരിഷത്ത് മുൻ അധ്യക്ഷൻ​​ ആ​ർ.​വി.​ജി. മേ​നോ​നും​ സം​സാ​രിച്ചു. ജോ​സ​ഫ്​ സി.​ മാ​ത്യു​വി​നെ സം​വാ​ദ​ത്തി​ലേ​ക്ക്​ ക്ഷ​ണി​ച്ച ​ശേ​ഷം കാ​ര​ണ​മൊ​ന്നും പ​റ​യാ​തെ ഒ​ഴി​വാ​ക്കി​യ​ത്​ വ​ലി​യ വി​മ​ർ​ശ​ന​ത്തി​നി​ട​യാ​ക്കി​യി​രു​ന്നു. പി​ന്നാ​ലെ സം​വാ​ദ​ത്തി​​ന്‍റെ ഉ​ദ്ദേ​ശ്യ​ശു​ദ്ധി​യി​ൽ സം​ശ​യം പ്ര​ക​ടി​പ്പി​ച്ച്​ അ​ലോ​ക്​​വ​ർ​മ​യും ജോ​സ​ഫ്​ സി.​ മാ​ത്യു​വി​ന്​ പ​ക​ര​ക്കാ​ര​നാ​യി നി​ശ്ച​യി​ച്ച ശ്രീ​ധ​ർ രാ​ധാ​കൃ​ഷ്ണ​നും സം​വാ​ദ​ത്തി​ൽ ​നി​ന്ന്​ പി​ന്മാ​റി. ഈ സംവാദത്തിൽ ഗൗരവകരമായ യാതൊരു വിഷയവും ചർച്ച ചെയ്യുമെന്ന് വിശ്വസിക്കാത്തതിനാലാണ് പിന്മാറിയത്.

വിദഗ്ധരെ സർക്കാർ ക്ഷണിച്ച് ഗൗരവകരമായി സംവാദം സംഘടിപ്പിക്കുകയായിരുന്നു വേണ്ടതെന്നും അലോക് വർമ്മ കുറ്റപ്പെടുത്തി. താൻ തയാറാക്കിയ തയാറാക്കിയ സാധ്യതാ പഠനത്തിന്റെ അടിസ്ഥാനത്തിലാണ് തത്വത്തിലുള്ള അംഗീകരാത്തിനായി ഡിപിആറിലേക്ക് ഉൾപ്പെടെ കടന്നതെന്ന് അലോക് വർമ പറയുന്നു. ഇതിൽ കൂട്ടിച്ചേർക്കലുകൾ ഉണ്ടായിട്ടില്ല. ഇതിന് വിരുദ്ധമായ കെ റെയിലിന്റെ വാദങ്ങളെ തള്ളിക്കളഞ്ഞുകൊണ്ടായിരുന്നു അലോക് വർമയുടെ പ്രതികരണം.

എന്നാൽ പ​ക​ര​ക്കാ​രെ ക​ണ്ടെ​ത്താ​ൻ ശ്ര​മം ന​ട​ന്നെ​ങ്കി​ലും അ​വ​സാ​ന നി​മി​ഷ​ത്തി​ലെ അ​പ്രാ​യോ​ഗി​ക​ത ക​ണ​ക്കി​ലെ​ടു​ത്ത്​ നി​ല​വി​ലു​ള്ള​വ​രെ ഉ​ൾ​പ്പെ​ടു​ത്തി സം​വാ​ദ​ത്തി​ന്​ തീ​രു​മാ​നി​ക്കു​ക​യാ​യി​രു​ന്നു. സ​ർ​ക്കാ​ർ സം​വാ​ദ​മെ​ന്ന നി​ല​യി​ലാ​ണ്​ ക്ഷ​ണി​ച്ച​തെ​ങ്കി​ലും പി​ന്നീ​ട്​ പി​ന്മാ​റി​യെ​ന്നാ​ണ്​ അ​ലോ​ക്​ വ​ർ​മ ഉ​യ​ർ​ത്തി​യ വി​മ​ർ​ശ​നം. എ​ന്നാ​ൽ കെ റെ​യി​ൽ ത​ന്നെ​യാ​ണ്​ തു​ട​ക്കം മു​ത​ൽ സം​വാ​ദ​ത്തി​ന്‍റെ കാ​ര്യ​ങ്ങ​ൾ മു​ന്നോ​ട്ടു​നീ​ക്കി​യ​തെ​ന്നും സ​ർ​ക്കാ​ർ ഇ​ട​പെ​ട്ടി​ട്ടി​​ല്ലെ​ന്നു​മാ​ണ് മ​റു​വാ​ദം. ഈ ​സാ​ഹ​ച​ര്യ​ത്തി​ലാ​ണ്​ അ​ലോ​ക്​ വ​ർ​മ​യു​ടെ ക​ത്തി​ന്​ സ​ർ​ക്കാ​ർ മ​റു​പ​ടി ന​ൽ​കാ​ത്ത​ത്.