മൂന്നുജില്ലകളില് അധ്യാപകര് മൂല്യനിര്ണയം ബഹിഷ്ക്കരിച്ചു, ചോദ്യപേപ്പര് തയ്യാറാക്കിയവരുടെ തന്നെ ഉത്തരസൂചിക വാല്യുവേഷന് ക്യാമ്പുകളില് എത്തിച്ചതോടെയാണ് അദ്ധ്യാപകര് മൂല്യനിര്ണയം ബഹിഷ്കരിച്ചത്, ആശങ്കയോടെ പ്ലസ് ടു വിദ്യാര്ത്ഥികള്
മൂന്നുജില്ലകളില് അധ്യാപകര് മൂല്യനിര്ണയം ബഹിഷ്ക്കരിച്ചു, ചോദ്യപേപ്പര് തയ്യാറാക്കിയവരുടെ തന്നെ ഉത്തരസൂചിക വാല്യുവേഷന് ക്യാമ്പുകളില് എത്തിച്ചതോടെയാണ് അദ്ധ്യാപകര് മൂല്യനിര്ണയം ബഹിഷ്കരിച്ചത്.
ഇക്കഴിഞ്ഞ പ്ളസ് ടു പരീക്ഷയുടെ കെമിസ്ട്രി ചോദ്യപേപ്പര് വളരെ പ്രയാസമായതിനാല് കുട്ടികള്ക്ക് ഇളവു കിട്ടുന്ന തരത്തില് അദ്ധ്യാപകര് തയ്യാറാക്കി ഹയര് സെക്കന്ഡറി പരീക്ഷാവിഭാഗം ജോയിന്റ് ഡയറക്ടര്ക്ക് സമര്പ്പിച്ച ഉത്തരസൂചികയ്ക്കു പകരം ചോദ്യപേപ്പര് തയ്യാറാക്കിയവരുടെ തന്നെ ഉത്തരസൂചിക വാല്യുവേഷന് ക്യാമ്പുകളില് എത്തിച്ചതോടെ അദ്ധ്യാപകര് മൂല്യനിര്ണയം ബഹിഷ്കരിച്ചു.
സ്റ്റേറ്റ് സിലബസില് പഠിക്കുന്നവര്ക്ക് മാര്ക്ക് കുറയ്ക്കാന് കരുതിക്കൂട്ടിയുള്ള നീക്കമാണെന്നിതെന്നാണ് അദ്ധ്യാപകരുടെ ആരോപണം. കഴിഞ്ഞ വര്ഷത്തെ പ്ളസ്വണ് കെമിസ്ട്രി പരീക്ഷയും കടുപ്പമായിരുന്നു. പ്ളസ്ടുവിനും ആവര്ത്തിക്കുമ്പോള് വിജയികളുടെ എണ്ണത്തില് ഗണ്യമായ കുറവു സംഭവിക്കുമെന്ന് അദ്ധ്യാപകര് ചൂണ്ടിക്കാട്ടുകയാണ്.
കെമിസ്ട്രി പരീക്ഷയില് നോണ് ഫോക്കസ് ഏരിയയില് നിന്നു പോലും കടുപ്പമേറിയ ചോദ്യങ്ങളായിരുന്നുഉള്ളത് ചില ചോദ്യങ്ങളില് തെറ്റും കടന്നുകൂടി.
തുടര്ന്ന് എറണാകുളത്തു നടന്ന സ്കീം ഫൈനലൈസേഷനില് പത്തു മാര്ക്കോളം ഇളവ് നല്കുന്ന രീതിയില് ഉത്തരസൂചിക തയ്യാറാക്കി അദ്ധ്യാപകര് സമര്പ്പിക്കുകയായിരുന്നു.ഇന്നലെ രാവിലെ പാലക്കാട് ചെറുപ്പുളശേരി ഗവ.ഹയര് സെക്കന്ഡറി സ്കൂളിലാണ് ആദ്യം ബഹിഷ്കരണമുണ്ടായത്.
പിന്നീട് തിരുവനന്തപുരത്ത് ആറ്റിങ്ങലും മോഡല് സ്കൂളിലും ബഹിഷ്കരണം നടന്നു.14 ജില്ലകളിലെയും അദ്ധ്യാപകര് കൂടിയാലോചിച്ച് തയ്യാറാക്കിയ ഉത്തരസൂചിക തന്നെ ഉപയോഗിക്കണമെന്നാണ് ആവശ്യം.
ഫിസിക്സ്, കമ്പ്യൂട്ടര് സയന്സ്, കമ്പ്യൂട്ടര് ആപ്ലിക്കേഷന്, സ്റ്റാറ്റിസ്റ്റിക്സ്, ഹോം സയന്സ്, ജേര്ണലിസം, ഗാന്ധിയന് സ്റ്റഡീസ്, ഇക്കണോമിക്സ് ഒഴികെയുള്ള വിഷയങ്ങളുടെ മൂല്യനിര്ണയമാണ് ഇന്നലെ തുടങ്ങിയത്.
"
https://www.facebook.com/Malayalivartha
