റോഡിന് ഇടതുവശത്ത് കൂടി കാല്നടയായി വന്ന പത്തു വയസുകാരിയുടെ കാലിലൂടെ ടിപ്പര് കയറിയിറങ്ങി
റോഡിന് ഇടതുവശത്ത് കൂടി കാല്നടയായി വന്ന പത്തു വയസുകാരിയുടെ കാലിലൂടെ ടിപ്പര് കയറിയിറങ്ങി. കടയ്ക്കല് ഈയ്യക്കോട് കുമ്പളം എസ്ആര് മന്ദിരത്തില് ബിനുവിന്റെയും സിന്ധുവിന്റെയും മകള് ശ്രീനന്ദയ്ക്കാണ് ഗുരുതര പരുക്കുണ്ടായത്.
റോഡിലൂടെ നടന്നു വരുമ്പോഴാണ് അപകടം. ഗുരുതരമായി പരുക്കേറ്റ ശ്രീനന്ദയെ തിരുവനന്തപുരത്ത് സ്വകാര്യ ആശുപത്രിയില് പ്രവേശിപ്പിച്ചു.
ഇന്നലെ രാവിലെ 8.30ന് കടയ്ക്കല് ചിങ്ങേലി ജലഅതോറിറ്റി ഓഫിസിനു മുന്നിലാണ് അപകടമുണ്ടായത്.
ശ്രീനന്ദ വീട്ടില് നിന്നു രാവിലെ പാരലല് കോളജിലേക്ക് വന്നതാണ്. ചിങ്ങേലി ജംഗ്ഷനില് ബസിറങ്ങി റോഡിന് ഇടതു വശത്തു കൂടി കാല്നടയായി വന്ന ശ്രീനന്ദ പാരലല് കോളജില് പോകുന്നതിന് തിരിയുന്നതിനിടെ എതിരെ വന്ന ടിപ്പറിന്റെ പിന്ഭാഗത്ത് ടയറിനടിയില് പെടുകയായിരുന്നു. കാല് പാദത്തിന്റെ ഭാഗത്തിലൂടെയാണ് ടയര് കയറിയിറങ്ങി.
നാട്ടുകാര് ഓടിയെത്തി ശ്രീനന്ദയെ കടയ്ക്കല് താലൂക്ക് ആശുപത്രിയില് ഉടനെ എത്തിച്ചു. അതേസമയം പരുക്ക് ഗുരുതരമായതിനാല് തിരുവനന്തപുരത്ത് സ്വകാര്യ ആശുപത്രിയില് പ്രവേശിപ്പിക്കുകയായിരുന്നു. കുണ്ടറ ഭാഗത്ത് നിന്നു കുമ്മിള് ഭാഗത്തുള്ള ക്വാറിയില് വന്നതാണ് ടിപ്പര്.കടയ്ക്കല് ടൗണ് എല്പിഎസിലെ നാലാം ക്ലാസ് വിദ്യാര്ഥിനിയാണ് ശ്രീനന്ദ. കടയ്ക്കല് പൊലീസ് എത്തി ഡ്രൈവര് ഷെരീഫിനെ കസ്റ്റഡിയില് എടുത്തു.
"
https://www.facebook.com/Malayalivartha
