സി പി എമ്മിൻ്റെയും സിപിഎം ഭരണകൂടങ്ങളുടെയും മുസ്ലീം വേട്ടയും മുസ്ലീം വിരുദ്ധതയും കുപ്രസിദ്ധമാണ്. ഇപ്പോളിതാ പുണ്യ റമദാൻ മാസത്തിൽ നോമ്പെടുത്തിരുന്ന അമ്മമാരെയും സഹോദരിമാരെയുമടക്കം അസിസ്റ്റൻറ് കമ്മീഷണറുടെ നേതൃത്വത്തിൽ പോലീസ് ആക്രമിച്ചിരിക്കുന്നു.

വിമർശനവുമായി രംഗത്ത് വന്നിരിക്കുകയാണ് കെ സുധാകരൻ എം പി. അദ്ദേഹം ഫേസ്ബുക്കിൽ പങ്കു വച്ച കുറിപ്പ് ഇങ്ങനെ ; സി പി എമ്മിൻ്റെയും സിപിഎം ഭരണകൂടങ്ങളുടെയും മുസ്ലീം വേട്ടയും മുസ്ലീം വിരുദ്ധതയും കുപ്രസിദ്ധമാണ്. ഇപ്പോളിതാ പുണ്യ റമദാൻ മാസത്തിൽ നോമ്പെടുത്തിരുന്ന അമ്മമാരെയും സഹോദരിമാരെയുമടക്കം അസിസ്റ്റൻറ് കമ്മീഷണറുടെ നേതൃത്വത്തിൽ പോലീസ് ആക്രമിച്ചിരിക്കുന്നു.

കോഴിക്കോട് മുഖദാറിൽ അഴീക്കൽ റോഡ് ഭാഗത്ത് ജനവാസ കേന്ദ്രത്തിൽ സിവേജ് ട്രീറ്റ്മെൻ്റ് പ്ലാൻ്റ് വരുന്നതിനെതിരെയാണ് പ്രദേശവാസികൾ സ്വാഭാവിക പ്രതിഷേധമുയർത്തിയത്. വനിതാ പോലീസുകാർ പോലുമില്ലാതെയാണ് കമ്മീഷണറും സംഘവും സ്ത്രീകളെ ആക്രമിച്ചത്. ജനകീയ പ്രതിഷേധങ്ങൾ എന്നു മുതലാണ് സിപിഎമ്മിന് കണ്ണിൽ പിടിക്കാതായത്?

പാവങ്ങളെ തല്ലി ഒതുക്കി എന്ത് തോന്ന്യാസവും നടത്താമെന്ന് പിണറായി വിജയനെ ഉപദേശിച്ച വിഡ്ഢിയാരാണ്? പോലീസിൻ്റെ ക്രൂര മർദ്ദനമേറ്റ റുഖിയാബിയെ സന്ദർശിച്ചു. ന്യായമായ ഏത് സമരങ്ങളിലും ജനങ്ങളോടൊപ്പം കോൺഗ്രസ് ഉണ്ട്. അത്താഴപ്പട്ടിണിക്കാരൻ്റെ നെഞ്ചിൽ ബൂട്ടിട്ട് ചവിട്ടാനും അമ്മ പെങ്ങന്മാരുടെ കൈ തല്ലി ഒടിക്കാനും ഇറങ്ങുന്ന പോലീസ് ഏമാൻമാർക്ക് അതേ നാണയത്തിൽ കോൺഗ്രസ് മറുപടി നൽകും.