കേരളത്തില് നിന്നുള്ള മികച്ച ബോക്സര്മാര്ക്ക് തന്റെ അക്കാദമിയില് സൗജന്യ പരിശീലനം ലഭ്യമാക്കുമെന്ന് ബോക്സിംഗ് താരം മേരി കോം... കേരള ഒളിമ്പിക് അസോസിയേഷന്റെ നേതൃത്വത്തില് സംഘടിപ്പിക്കുന്ന കേരള ഗെയിംസ് 2022ന് മേരി കോം അടക്കമുള്ള രാജ്യത്തിന്റെ അഭിമാന കായിക താരങ്ങളുടെ സാന്നിധ്യത്തിലാണ് കഴിഞ്ഞ ദിവസം തുടക്കമായത്
കേരളത്തില് നിന്നുള്ള മികച്ച ബോക്സര്മാര്ക്ക് തന്റെ അക്കാദമിയില് സൗജന്യ പരിശീലനം ലഭ്യമാക്കുമെന്ന് ബോക്സിംഗ് താരം മേരി കോം...
കേരള ഒളിമ്പിക് അസോസിയേഷന്റെ നേതൃത്വത്തില് സംഘടിപ്പിക്കുന്ന കേരള ഗെയിംസ് 2022ന് മേരി കോം അടക്കമുള്ള രാജ്യത്തിന്റെ അഭിമാന കായിക താരങ്ങളുടെ സാന്നിധ്യത്തിലാണ് കഴിഞ്ഞ ദിവസം തുടക്കമായത്. കേരള ഒളിമ്പിക്സ് അസോസിയേഷന് സംഘടിപ്പിച്ച ചടങ്ങില് സംസാരിക്കുകയായിരുന്നു അവര്.
കേരളത്തില് നിന്നും നിരവധി ബോക്സര്മാര് ഉണ്ടായിട്ടുണ്ടെന്നും എന്നാലിന്ന്, കേരളത്തില് നിന്ന് അന്താരാഷ്ട്ര തലത്തിലേക്ക് എത്തുന്ന ബോക്സര്മാര് ഉയര്ന്നുവരുന്നില്ല. ഇവിടെ നിന്നും കഴിവുറ്റ യുവ ബോക്സര്മാര് വരുമ്പോള് അക്കാദമിയില് സൗജന്യ പരിശീലനം നല്കും.
രാജ്യാന്തര കായിക താരങ്ങളെ വളര്ത്തിയെടുക്കാന് കേരള ഒളിമ്പിക്സ് അസോസിയേഷന് പോലുള്ള സംഘടനകള് മുന്കൈയെടുക്കണമെന്നും മേരി കോം പറഞ്ഞു.
ഒളിമ്പിക്സില് സ്വര്ണമെഡല് നേടുക എന്ന ലക്ഷ്യം മാത്രമാണ് അവശേഷിക്കുന്ന ആഗ്രഹമെന്നും ഇംഗ്ലണ്ടില് വെച്ച് ജൂലൈയില് ആരംഭിക്കുന്ന കോമണ്വെല്ത്ത് ഗെയിംസിലേക്കാണ് താനിപ്പോള് ശ്രദ്ധ കേന്ദ്രീകരിക്കുന്നതെന്നും മേരി കോം.
തിരുവനന്തപുരം യൂണിവേഴ്സിറ്റി സ്റ്റേഡിയത്തില് സംഘടിപ്പിച്ച ചടങ്ങില് കായിക മന്ത്രി വി.അബ്ദുറഹ്മാനാണ് ഗെയിംസ് ഉദ്ഘാടനം ചെയ്തത്. പി.ആര് ശ്രീജേഷും രവികുമാര് ദഹിയയും ബജ്രംഗ് പൂനിയയും ചടങ്ങില് പങ്കെടുത്തു.
https://www.facebook.com/Malayalivartha
