ഒന്പതാമത് അനന്തപുരി ഹിന്ദു മഹാസമ്മേളനത്തിന് ഇന്ന് സമാപനം.... ഗോവാ ഗവര്ണ്ണര് പിഎസ് ശ്രീധരന്പിള്ള സമാപന സമ്മേളനം ഉദ്ഘാടനം ചെയ്യും
ഒന്പതാമത് അനന്തപുരി ഹിന്ദു മഹാസമ്മേളനത്തിന് ഇന്ന് സമാപനം.... ഗോവാ ഗവര്ണ്ണര് പിഎസ് ശ്രീധരന്പിള്ള സമാപന സമ്മേളനം ഉദ്ഘാടനം ചെയ്യും.
കേന്ദ്രമന്ത്രി വി മുരളീധരന്, ഹിന്ദു ഐഖ്യവേദി സംസ്ഥാന വര്ക്കിംങ് പ്രസിഡന്റ് വത്സന് തില്ലങ്കേരി എന്നിവര് ചടങ്ങില് പങ്കെടുക്കും. സ്വാമി സത്യാനന്ദ സരസ്വതി തുടങ്ങി വെച്ച അനന്തപുരി ഹിന്ദു മഹാസമ്മേളനത്തിന്റെ ഒമ്പതാമത് സമ്മേളനമാണ് ഹിന്ദുധര്മ പരിഷത്ത് സംഘടിപ്പിക്കുക.
തിരുവനന്തപുരത്ത് അഞ്ച് ദിവസമായി നടന്ന സമ്മേളനത്തില് വിവിധ വിഷയങ്ങളിലുള്ള സെമിനാറുകള് ചര്ച്ചചെയ്യപ്പെട്ടു. നാലാം ദിവസമായ ഇന്നലെ പന്തളം കൊട്ടാരം നിര്വാഹക സംഘം പ്രസിഡന്റ് ശശികുമാരവര്മ്മ സമ്മേളനത്തിന്റെ ഭാഗമായി.
യാചിക്കുന്ന ഹിന്ദുവില് നിന്നും ഉത്തരവിടുന്ന ഹിന്ദുവിലേക്ക് മാറാനുള്ള ആര്ജ്ജവം നേടിയേടുക്കേണ്ട സമയം അതിക്രമിച്ചുവെന്ന് പന്തളം കൊട്ടാരം നിര്വാഹക സംഘം പ്രസിഡന്റ് ശശികുമാരവര്മ്മ പറഞ്ഞു.
ഏപ്രില് 27ന് കേരള ഗവര്ണര് ആരിഫ് മുഹമ്മദ് ഖാന് ഉദ്ഘാടനം ചെയ്താണ് സമ്മേളനത്തിന് തുടക്കം കുറിച്ചത്. കശ്മീര് ഫയല്സ് സംവിധായകന് വിവേക് അഗ്നിഹോത്രിയടക്കമുള്ളവര് സമ്മേളനത്തിന്റെ ഭാഗമായുണ്ടായിരുന്നു.
കൊറോണയുടെ പശ്ചാത്തലത്തില് കഴിഞ്ഞ രണ്ട് വര്ഷമായി സമ്മേളനം നടന്നിരുന്നില്ല. ഏപ്രില് 28 മുതല് ഇന്ന് വരെ 16 സെമിനാറുകളാണ് സമ്മേളനത്തില് സംഘടിപ്പിച്ചിട്ടുള്ളത്. ഇന്ത്യയ്ക്ക് അകത്തും പുറത്തും നിന്നുള്ളവര് പങ്കെടുത്തു.
https://www.facebook.com/Malayalivartha
