'ലൈംലൈറ്റിൽ നില്ക്കുവാൻ എന്ത് നീചമായ നെറികേടും പറയുന്ന ഒരു വ്യക്തി എന്ന ലേബൽ ഒരു ലൈസൻസാക്കി മാറ്റിയിരിക്കുന്നു ജോർജ്ജ്. തരാതരം പോലെ ഏത് വൃത്തികേടും, എന്ത് തരം വർഗ്ഗീയതയും ഒഴുകുന്ന ആ അഴുക്കു ചാലിൽ നിന്ന് കഴിഞ്ഞ ദിവസം ബഹിർഗമിച്ച വാക്കുകളുടെ ദുർഗന്ധവും അറപ്പും ഇനിയും മാറിയിട്ടില്ല...' മുന് എം എല് എ പി സി ജോര്ജിനെതിരെ രൂക്ഷവിമര്ശനവുമായി യൂത്ത് കോണ്ഗ്രസ് സംസ്ഥാന ജനറല് സെക്രട്ടറി രാഹുല് മാങ്കൂട്ടത്തില്...
ഹിന്ദുമഹാ സമ്മേളനത്തില് വര്ഗീയ പ്രസംഗം നടത്തിയ മുന് എം എല് എ പി സി ജോര്ജിനെതിരെ നിരവധിപേരാണ് നിലവിൽ രംഗത്ത് എത്തുന്നത്. ഇപ്പോഴിതാ രൂക്ഷവിമര്ശനവുമായി യൂത്ത് കോണ്ഗ്രസ് സംസ്ഥാന ജനറല് സെക്രട്ടറി രാഹുല് മാങ്കൂട്ടത്തില് കുറിപ്പ് പങ്കുവച്ചിരിക്കുകയാണ്. പി സി ജോര്ജ് പൊതു സമൂഹത്തിന് തന്നെ ഒരു ബാധ്യതയായി മാറിയിരിക്കുകയാണെന്ന് രാഹുല് മാങ്കൂട്ടത്തില് വ്യക്തമാക്കുകയുണ്ടായി. വര്ഗീയ പരാമര്ശത്തില് യൂത്ത് ലീഗ് പി സി ജോര്ജിനെതിരെ പൊലീസില് പരാതി നല്കിയിരുന്നു. ഇതിന് പിന്നാലെയാണ് രാഹുല് മാങ്കൂട്ടത്തിലിന്റെ വിമര്ശനം എന്നത്.
പ്രസംഗത്തിൽ മുസ്ലിം സമുദായത്തെ പി സി ജോര്ജ് വര്ഗീയമായി അധിക്ഷേപിക്കുകയും ബോധപൂര്വ്വം വര്ഗീയ ചേരിതിരിവ് സൃഷ്ടിക്കാന് ശ്രമിച്ചതായും പരാതിയില് ചൂണ്ടിക്കാട്ടുകയാണ്. കച്ചവടം ചെയ്യുന്ന മുസ്ലിങ്ങള് പാനീയങ്ങളില് വന്ധ്യത വരുത്താനുള്ള മരുന്നുകള് ബോധപൂര്വ്വം കലര്ത്തുന്നു എന്ന തരത്തിലുള്ള വിദ്വേഷ പരാമര്ശങ്ങളും പി സി ജോര്ജ് തുറന്നടിക്കുകയായിരുന്നു.
എണ്നൽ ലൈം ലൈറ്റില് നില്ക്കാന് എന്ത് നീചമായ നെറികേടും പറയുന്ന വ്യക്തിയെന്ന ലേബല് ജോര്ജ് ലൈസന്സാക്കി മാറ്റിയിരിക്കുകയാണെന്നാണ് രാഹുല് മാങ്കൂട്ടത്തില് ചൂണ്ടിക്കാണിക്കുന്നത്. തരാതരം പോലെ ഏത് വൃത്തികേടും, എന്ത് തരം വര്ഗ്ഗീയതയും ഒഴുകുന്ന ആ അഴുക്കു ചാലില് നിന്ന് കഴിഞ്ഞ ദിവസം ബഹിര്ഗമിച്ച വാക്കുകളുടെ ദുര്ഗന്ധവും അറപ്പും ഇനിയും മാറിയിട്ടില്ലെന്ന് രാഹുല് മാങ്കൂട്ടത്തില് കുറ്റപ്പെടുത്തുകയും ചെയ്തു.
രാഹുലിന്റെ ഫേസ്ബുക്ക് പോസ്റ്റ് ഇങ്ങനെ...
പി. സി ജോർജ്ജ് എന്നത് പൊതുസമൂഹത്തിന്റെ തന്നെ ഒരു ബാധ്യതയായി മാറിയിരിക്കുന്നു. ലൈംലൈറ്റിൽ നില്ക്കുവാൻ എന്ത് നീചമായ നെറികേടും പറയുന്ന ഒരു വ്യക്തി എന്ന ലേബൽ ഒരു ലൈസൻസാക്കി മാറ്റിയിരിക്കുന്നു ജോർജ്ജ്. തരാതരം പോലെ ഏത് വൃത്തികേടും, എന്ത് തരം വർഗ്ഗീയതയും ഒഴുകുന്ന ആ അഴുക്കു ചാലിൽ നിന്ന് കഴിഞ്ഞ ദിവസം ബഹിർഗമിച്ച വാക്കുകളുടെ ദുർഗന്ധവും അറപ്പും ഇനിയും മാറിയിട്ടില്ല.
'മുസ്ലിംഗളുടെ ഹോട്ടലുകളിൽ ഒരു ഫില്ലർ വെച്ചിട്ടുണ്ട്. അതിൽ നിന്ന് ഒരു തുള്ളി ഒഴിച്ചാൽ പിന്നെ കുട്ടികളുണ്ടാകില്ല' impotent ആയി പോകും. വന്ധ്യംകരിക്കുകയാണ് സ്ത്രീയെയും പുരുഷനെയും. അങ്ങനെ ചെയ്ത് ഇന്ത്യയെ പിടിച്ചടക്കുവാൻ പോവുകയാണ്'' എത്ര നീചമായ വാക്കുകളാണിത്. അത്തരം ഒരു ഹോട്ടലും ഇല്ലായെന്ന് നമുക്കറിയാം.
പതിറ്റാണ്ടുകൾക്ക് മുൻപ് അത്തരത്തിൽ ഒരു ഹോട്ടലുണ്ടായിരുന്നെങ്കിലെന്നും, ആ ഹോട്ടലിൽ നിന്ന് പ്ലാന്തോട്ടത്തിൽ ചാക്കോയും, മറിയാമ്മ ചാക്കോയും ഭക്ഷണം കഴിച്ചിരിന്നെങ്കിലെന്നും ആത്മാർത്ഥമായി ആഗ്രഹിച്ചു പോകുന്നു.
https://www.facebook.com/Malayalivartha
