കരിപ്പൂര്‍ വിമാനത്താവളത്തില്‍ മൂന്നേക്കാല്‍ കോടി രൂപ വിലമതിക്കുന്ന 6.240കിലോഗ്രാം സ്വര്‍ണവുമായി പെരിന്തല്‍മണ്ണ അമ്മിനിക്കാട് സ്വദേശി അബ്ദുസമദ്, ഭാര്യ സഫ്‌ന എന്നിവര്‍ കസ്റ്റംസ് പിടിയിലായി. സഫ്‌ന അഞ്ച് മാസം ഗര്‍ഭിണിയാണ്.

ശരീരത്തിലും വസ്ത്രത്തിനുള്ളിലും കാലില്‍ ധരിച്ച സോക്‌സുകള്‍ക്കുള്ളിലുമാണ് പാക്കറ്റുകളിലാക്കിയ സ്വര്‍ണ മിശ്രിതം ഒളിപ്പിച്ചിരുന്നത്.

അബ്ദുസ്സമദില്‍ നിന്ന് 1.65 കോടിയിലധികം രൂപ വിലമതിക്കുന്ന 3141ഗ്രാം സ്വര്‍ണവും ഭാര്യ സഫ്നയില്‍ നിന്ന് 1.62 കോടിയിലധികം രൂപ മൂല്യമുള്ള 3099 ഗ്രാം സ്വര്‍ണവുമാണ് കണ്ടെത്തിയത്. രണ്ടുപേരില്‍ നിന്നായി പിടിച്ച സ്വര്‍ണത്തിന് 3. 27 കോടി രൂപ വില വരും.

കരിപ്പൂര്‍ വിമാനത്താവളത്തില്‍ ഈ അടുത്ത കാലത്ത് പിടികൂടിയതില്‍ ഏറ്റവും വലിയ സ്വര്‍ണക്കടത്താണ് കണ്ടെത്തിയതെന്ന് കസ്റ്റംസ് .