സംസ്ഥാനത്തെ കൊറോണ ബൂസ്റ്റര്‍ ഡോസ് വാക്സിന്‍ വിതരണം വേഗത്തിലാക്കണമെന്ന് ആരോഗ്യ വിദഗ്ദരുടെ നിര്‍ദേശം.... നാലാം തരംഗം മെയ് പകുതിയോടെ റിപ്പോര്‍ട്ട് ചെയ്യുമെന്ന മുന്നറിയിപ്പുള്ളതിനാല്‍ വാക്സിന്‍ വിതരണം വേഗത്തിലാക്കണമെന്ന് നിര്‍ദ്ദേശമുള്ളത്.

സംസ്ഥാനത്തെ ബൂസ്റ്റര്‍ വാക്സിന്‍ വിതരണം മന്ദഗതിയിലാണ്.ആരോഗ്യപ്രവര്‍ത്തകര്‍, മുന്നണിപ്പോരാളികള്‍, 60 വയസ്സ് കഴിഞ്ഞ അനുബന്ധ രോഗമുള്ളവര്‍ എന്നിവര്‍ക്കാണ് ബൂസ്റ്റര്‍ ഡോസ് നല്‍കുന്നത്. ഇതുവരെ അറുപത് വയസ്സ് കഴിഞ്ഞവരില്‍ ബൂസ്റ്റര്‍ ഡോസ് എടുത്തത് 39 ശതമാനം പേര്‍ മാത്രമാണ്.

45 മുതല്‍ 59 വയസ്സ് വരെയുള്ളവരില്‍ വെറും ഒരു ശതമാനം പേരാണ് വാക്സിന്‍ സ്വീകരിച്ചത്.ആരോഗ്യ പ്രവര്‍ത്തകരില്‍ 48 ശതമാനം പേര്‍ മാത്രമേ ബൂസ്റ്റര്‍ ഡോസ് സ്വീകരിച്ചിട്ടുള്ളൂ. അതേസമയം കുട്ടികള്‍ക്കായുള്ള വാക്സിനേഷന്‍ ക്യാമ്പ് ഉടന്‍ ആരംഭിക്കുമെന്ന് ആരോഗ്യ വകുപ്പ് വ്യക്തമാക്കി.

സംസ്ഥാനത്തെ പ്രതിദിന രോഗബാധ വര്‍ദ്ധിക്കുകയും നാലാം തരംഗം മെയ് പകുതിയോടെ റിപ്പോര്‍ട്ട് ചെയ്യുമെന്ന മുന്നറിയിപ്പ് ഉള്ളത് കൊണ്ടും പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കണമെന്നാണ് ആരോഗ്യ വിദഗ്ധര്‍ പറയുന്നത്.



12 വയസിന് മുകളിലുള്ള കുട്ടികളുടെയും ബൂസ്റ്റര്‍ ഡോസിന് അര്‍ഹരായവരുടെയും വാക്സിനേഷന്‍ വേഗത്തിലാക്കണമെന്ന് കേന്ദ്ര ആരോഗ്യ മന്ത്രാലയവും നിര്‍ദ്ദേശം നല്‍കി.