ഏറ്റുമാനൂര്‍ ചിങ്ങവനം റെയില്‍വേ ഇരട്ടപ്പാത നിര്‍മ്മാണത്തിന്റെ ഭാഗമായി കോട്ടയം പാത വഴി ഇന്നു മുതല്‍ പകല്‍ ട്രെയിന്‍ ഗതാഗതത്തിന് നിയന്ത്രണം. രാവിലെ 3 മുതല്‍ 6 മണിക്കൂര്‍ വരെയാണു നിയന്ത്രണം ഏര്‍പ്പെടുത്തുന്നത്. പുലര്‍ച്ചെ 5.30നു കോട്ടയത്തു നിന്നു കൊല്ലത്തേക്കു പുറപ്പെടുന്ന പാസഞ്ചര്‍ ട്രെയിന്‍ നാളെ മുതല്‍ 29 വരെ പൂര്‍ണമായി റദ്ദാക്കി.

ഇന്നു മുതല്‍ 29 വരെ കോട്ടയം നിലമ്പൂര്‍ എക്‌സ്പ്രസ് ഇന്നു മുതല്‍ 29 വരെ എറണാകുളത്ത് യാത്ര അവസാനിപ്പിക്കും. നാഗര്‍കോവില്‍ കോട്ടയം എക്‌സ്പ്രസ് കൊല്ലത്ത് യാത്ര അവസാനിപ്പിക്കും.

രാവിലെ 10നും വൈകിട്ട് 4നും ഇടയിലുള്ള ട്രെയിനുകള്‍ ആലപ്പുഴ വഴി തിരിച്ചുവിടും. ആദ്യഘട്ടത്തില്‍ നിയന്ത്രിക്കുന്ന ട്രെയിനുകളുടെ പട്ടികയാണ് തിരുവനന്തപുരം റെയില്‍വേ ഡിവിഷന്‍ പുറത്തിറക്കിയത്. രണ്ടാം ഘട്ട നിയന്ത്രണങ്ങളുടെ പട്ടിക അടുത്ത ദിവസം പുറത്തിറങ്ങിയേക്കും.