സ്വപ്നയുടെ ആരോപണങ്ങള്‍ പച്ചകള്ളം, മാധവ വാര്യരുമായി തനിക്ക് സൗഹൃദം മാത്രം, കുറച്ച്‌ ദിവസങ്ങളായി പച്ചക്കള്ളങ്ങളുടെ കുത്തൊഴുക്കാണ് നടക്കുന്നത്, സ്വപ്ന സുരേഷിന്റെ ആരോപണങ്ങള്‍ക്ക് മറുപടിയുമായി കെ ടി ജലീല്‍...!
സ്വര്‍ണക്കടത്ത് കേസിലെ പ്രതി സ്വപ്ന സുരേഷിന്റെ ആരോപണങ്ങള്‍ക്ക് മറുപടിയുമായി മുന്‍ മന്ത്രി കെ ടി ജലീല്‍.മാധവ വാര്യരെ അറിയാമെന്നും അദ്ദേഹവുമായി സൗഹൃദ ബന്ധം മാത്രമാണുള്ളതെന്നും മന്ത്രി വ്യക്തമാക്കി. സ്വപ്നയുടെ ആരോപണങ്ങളെല്ലാം പച്ചക്കള്ളമാണെന്നും ജലീല്‍ മാധ്യമങ്ങളോട് വിശദീകരിച്ചു.
കുറച്ച്‌ ദിവസങ്ങളായി പച്ചക്കള്ളങ്ങളുടെ കുത്തൊഴുക്കാണ് നടക്കുന്നത്. സ്വപ്ന സുരേഷ് ജോലി ചെയ്യുന്ന എച്ചആര്‍ഡിഎസ് എന്ന സ്ഥാപനവും മാധവ വാര്യരും തമ്മില്‍ തര്‍ക്കങ്ങളുണ്ട് ഇതേ തുടര്‍ന്നാണ് ആരോപണമെന്നും അദ്ദേഹം വ്യക്തമാക്കി.എച്ച്‌ആര്‍ഡിഎസിന് എതിരെ മാധവ വാര്യര്‍ മുംബൈ കോടതിയില്‍ കേസ് കൊടുത്തിരുന്നു.
അട്ടപ്പാടിയില്‍ വീട് വെച്ച്‌ നല്‍കിയതിന് പണം നല്‍കാത്തത് സംബന്ധിച്ചാണ് കേസ്. 200 വീടുകള്‍ നിര്‍മ്മിച്ച്‌ നല്‍കിയത് വാര്യര്‍ ഫൗണ്ടേഷനാണ്. എന്നാല്‍ അതിന് പണം നല്‍കുന്നതിന് പകരം വണ്ടിച്ചെക്കാണ് കമ്പനി നല്‍കിയത്. അദ്ദേഹവുമായി സൗഹൃദ ബന്ധമല്ലാതെ മറ്റുബന്ധങ്ങളില്ല. പരിശോധിച്ചാല്‍ മനസിലാകുമെന്നും ജലീല്‍ പറഞ്ഞു.
ഷാര്‍ജ സുല്‍ത്താന് ഡി ലിറ്റ് നല്‍കാന്‍ തീരുമാനിക്കുന്ന സമയത്ത് താന്‍ മന്ത്രിയായിരുന്നില്ല. വിഷയത്തില്‍ ഇടപെട്ടിട്ടില്ല. 2014ല്‍ യൂണിവേഴ്‌സിറ്റി സിന്‍ഡിക്കേറ്റാണ് ഡി ലിറ്റ് നല്‍കാന്‍ തീരുമാനിച്ചത്. ഡി ലിറ്റ് നല്‍കാന്‍ തീരുമാനിച്ച അന്നത്തെ വൈസ് ചാന്‍സലര്‍ ഇന്നത്തെ ബിജെപി നേതാവായിരുന്നു. അന്ന് അബ്ദുറബ്ബാണ് വിദ്യാഭ്യാസമന്ത്രി അതൊന്നും അറിയാതെ അവര്‍ എന്തൊക്കയോ വിളിച്ചുപറയുകയാണെന്നും അദ്ദേഹം കുറ്റപ്പെടുത്തി.
ഷാര്‍ജ സുല്‍ത്താനെ കുറിച്ച് നട്ടാല്‍ കുരുക്കാത്ത നുണകളാണ് പറയുന്നത്. ഇതില്‍ കേസന്വേഷണം വേണമെന്നും ജലീല്‍ ആവശ്യപ്പെട്ടു. ഗള്‍ഫ് രാജ്യങ്ങള്‍ ഇന്ത്യയെ ഒറ്റപ്പെടുത്തിയ സാഹചര്യത്തിലും വിദേശ നേതാക്കളെ അപമാനിക്കുകയാണെന്നും അദ്ദേഹം കൂട്ടിച്ചേര്‍ത്തു.
https://www.facebook.com/Malayalivartha
