കേന്ദ്ര പരിസ്ഥിതി മന്ത്രി ഭൂപേന്ദ്ര യാദവ് പുതിയൊരു വെളിപ്പെടുത്തൽ നടത്തിയിരിക്കുകയാണ്. രാജ്യത്തിന്റെ 30 ശതമാനം ഭൂപ്രദേശവും വരള്‍ച്ചാവെല്ലുവിളി നേരിടുന്നെന്നാണ് അദ്ദേഹം പറഞ്ഞിരിക്കുന്നത്. മരുവത്കരണം തടയാനായി തദ്ദേശവാസികളുടെ നൈസര്‍ഗിക ജ്ഞാനം പരമാവധി ഉപയോഗിക്കണമെന്നും അദ്ദേഹം വ്യക്തമാക്കി.

പരിസ്ഥിതി സൗഹാര്‍ദമായ ജീവിതശൈലി' (ലൈഫ്) എന്ന ആശയം പ്രധാനമന്ത്രി നരേന്ദ്രമോദി അവതരിപ്പിച്ചിരുന്നു. അത് നടപ്പാക്കണമെന്നും അദ്ദേഹം അഭിപ്രായപ്പെടുകയുണ്ടായി. മരുവത്കരണം തടയാനുള്ള വിവിധരീതികള്‍ മുതിര്‍ന്ന വനം വകുപ്പ് ഉദ്യോഗസ്ഥര്‍ വ്യക്തമാക്കി.

പരിസ്ഥിതി സെക്രട്ടറി ലീന നന്ദന്‍, വനംവകുപ്പ് ഡയറക്ടര്‍ ജനറല്‍ സി.പി. ഗോയല്‍ തുടങ്ങിയ ഉന്നതോദ്യോഗസ്ഥര്‍ ഈ വിഷയത്തെ കുറിച്ച് സംസാരിച്ചു. പരിസ്ഥിതിമന്ത്രാലയത്തിലെയും വനംവകുപ്പിലെയും ജീവനക്കാരും പങ്കെടുക്കുകയുണ്ടായി. അന്താരാഷ്ട്ര മരുവത്കരണം-വരള്‍ച്ച തടയല്‍ ദിനാചരണത്തോടനുബന്ധിച്ച് നടന്ന പരിപാടിയില്‍ സംസാരിക്കുകയായിരുന്നു ഭൂപേന്ദ്ര യാദവ്.