കാശ് കിട്ടിയില്ല... കള്ളന്റെ കുറിപ്പ് വൈറല്‍.... മാനന്തവാടിയില്‍ കടയില്‍ മോഷ്ടിക്കാനെത്തിയ കള്ളന് കാശൊന്നു കിട്ടാതെ വന്നപ്പോള്‍ കുറിപ്പെഴുതി വച്ചിട്ട് കടന്നു....ഒടുവില്‍ പിടിയില്‍
കാശ് കിട്ടിയില്ല... കള്ളന്റെ മറുപടി വൈറല്‍.... മാനന്തവാടിയില്‍ കടയില്‍ മോഷ്ടിക്കാനെത്തിയ കള്ളന് കാശൊന്നു കിട്ടാതെ വന്നപ്പോള്‍ കുറിപ്പെഴുതി വച്ചിട്ട് കടന്നു.... സംഭവം വൈറലാകുന്നു.....
മോഷ്ടിക്കാനായി കടയില്‍ കയറി... അവിടെയെല്ലാം നല്ലതുപോലൊന്നു തപ്പി നോക്കി. രക്ഷയില്ല... ഒന്നും കിട്ടിയില്ല... അതിന്റെ കലിപ്പുതീര്‍ക്കാനായി ഒരു കുറിപ്പെഴുതി വച്ചിട്ട് കടന്ന് കള്ളന്. കുറിപ്പിലെഴുതിയിരുന്നതിങ്ങനെ.... 'പൈസ ഇല്ലെങ്കില്‍ പിന്നെ എന്തിനാടാ ഡോര്‍ പൂട്ടിയിട്ടത്' എന്ന് കുറിപ്പെഴുതിവച്ചുപോയ കള്ളന് പൊലീസിന്റെ വലയിലായി.
നാല്‍പ്പതുകാരനായ പുല്‍പ്പള്ളി ഇരുളം കളിപറമ്പില്‍ വിശ്വരാജാണ് കള്ളന്. കള്ളന്റെ കുറിപ്പ് സമൂഹ മാദ്ധ്യമങ്ങളില്‍ വൈറലായിരുന്നു.
കഴിഞ്ഞയാഴ്ച കുന്ദംകുളത്തെ വ്യാപര സമുച്ചയത്തിലെ മൂന്ന് കടകളില്‍ ഇയാള്‍ കയറിയിരുന്നു. ഒരു കടയില്‍ നിന്ന് 12,000 രൂപയും മറ്റൊരു കടയില്‍ നിന്ന് 500 രൂപയും മോഷ്ടിച്ചു. മൂന്നാമത്തെ കടയില്‍ നിന്ന് ഒന്നും കിട്ടാതെ വന്നപ്പോഴാണ് കുറിപ്പെഴുതി വച്ചത്.
കഴിഞ്ഞ ദിവസം കല്‍പ്പറ്റയില്‍ വിശ്വരാജ് മോഷണശ്രമം നടത്തിയിരുന്നു. തുടര്‍ന്ന് മാനന്തവാടി മെഡിക്കല്‍ കോളേജില്‍ ചികിത്സ തേടിയതായി വിവരം ലഭിച്ചു. അവിടെ നിന്ന് മാനന്തവാടി സി.ഐ അബ്ദുള്‍ കരീമിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
കേരളത്തിലെ വിവിധ ജില്ലകളില്‍ 53 ഓളം കേസുകളില്‍ പ്രതിയാണ്. കല്‍പ്പറ്റ, കൊയിലാണ്ടി, ഫറോക്ക്, ഗുരുവായൂര്‍, കണ്ണൂര്‍, കാസര്‍കോട്, ബത്തേരി ഉള്‍പ്പെടെയുള്ള സ്ഥലങ്ങളില്‍ ഇയാള്‍ക്കെതിരെ കേസുകള്‍ നിരവധിയാണ്.
https://www.facebook.com/Malayalivartha
