ആര്.എസ്.എസ് സംഘടിപ്പിച്ച പരിപാടിയില് പങ്കെടുത്ത ലീഗിന്റെ മുതിര്ന്ന നേതാവ് കെ.എന്.എ ഖാദറെ തൂക്കിക്കൊല്ലണമെന്നാവശ്യപ്പെട്ട് ലീഗിന്റെ സൈബര് പോരാളികള്; പരിപാടിയില് പങ്കെടുത്ത് പ്രസംഗിച്ചത് വൃത്തികേടായിപ്പോയെന്ന് ലീഗ് നേതാക്കൾ
ആര്.എസ്.എസ് സംഘടിപ്പിച്ച പരിപാടിയില് പങ്കെടുത്ത ലീഗിന്റെ മുതിര്ന്ന നേതാവ് കെ.എന്.എ ഖാദറെ തൂക്കിക്കൊല്ലണമെന്നാവശ്യപ്പെട്ട് ലീഗിന്റെ സൈബര് പോരാളികള് രംഗത്ത്. മുസ്ലീം ലീഗ് സംസ്ഥാന അധ്യക്ഷന് പാണക്കാട് സാദിക്കലി ശിഹാബ് തങ്ങളുടെ പര്യടന യാത്ര കോഴിക്കോട്ട് സമാപിക്കാനിരിക്കെ പാര്ട്ടിയുടെ ദേശീയ സമിതി അംഗവും സംസ്ഥാന നിര്വാഹക സമിതി അംഗവുമായ ഖാദര് ആര്.എസ്.എസ്. പരിപാടിയില് പങ്കെടുത്ത് പ്രസംഗിച്ചത് വൃത്തികേടായിപ്പോയി എന്ന അഭിപ്രായമാണ് പൊതുവേ ലീഗ് നേതാക്കളിലും അണികളിലും.
ബി.ജെ.പി ആര്.എസ്.എസ് നേതൃത്വം രാജ്യത്ത് നടത്തുന്ന ന്യൂനപക്ഷ അതിക്രമങ്ങമങ്ങള്ക്കെതിരെ കടുത്ത പ്രതിഷേധം നിലനില്ക്കുമ്പോള് ഖാദര് ആര്.എസ്.എസ്.വേദിയില് എത്തിയത് വലിയ അച്ചടക്ക ലംഘനമാണെന്നാണ് വിമര്ശകരുടെ അഭിപ്രായം. അതിനെതിരെ ഉയരുന്ന പ്രതിഷേധങ്ങളില് മറുപടി പറയാനാകാതെ കുഴങ്ങുകയാണ് ലീഗിന്റെ ഉന്നത നേതൃത്വം.
ആര്.എസ്.എസുമായി വേദി പങ്കിടുന്നത് ലീഗിന്റെ നയമല്ലന്നും ഖാദറിന്റെ നടപടി ചര്ച്ച ചെയ്യുമെന്നും എം.എക.മുനീർ തുറന്നടിച്ചു. വിവിധ ജില്ലകളില് തന്റെ നേതൃത്വത്തില് നടത്തിയ മത സൗഹാര്ദ്ദ സംഗമങ്ങള് ഏറെ ശ്രദ്ധ പിടിച്ചുപറ്റിയതിനിടെ ഖാദറിന്റെ ഭാഗത്തു നിന്നുണ്ടായ വിവാദ നടപടിയില് സാദിക്കലി തങ്ങള്ക്കും കടുത്ത അതൃപ്തിയുണ്ട്.
https://www.facebook.com/Malayalivartha
