ജ്യോത്സ്യന്റെ പരിഹാര ക്രീയ ഏറ്റില്ല; പുത്രി വാത്സല്യം പിണറായിയെ ഭ്രാന്തനാക്കി എല്ലാം കൈവിട്ട് മുഖ്യന്
മുഖ്യനും മകളും ഇങ്ങനെ മാധ്യമങ്ങളില് നിറഞ്ഞു നില്ക്കുകയാണ് സ്വയ് ര്യം നഷ്ടപ്പെട്ട പിണറായി ഒന്നു മാറ്റിപ്പിടിക്കാന് നോക്കിയതാ. നല്ല വാര്ത്താ പ്രാധാന്യം കിട്ടുന്നൊരാളെതന്നെ കിട്ടണം. അത് ചുളിവില് കിട്ടിയാല് അത്രയും നന്ന്. ആ അന്വേഷണമാണ് ഇന്ന് പിസിയില് എത്തി നില്ക്കുന്നത്. പിസിയെ പിടിച്ച് അകത്താക്കിയതോടെ മകളും കുടുംബവും സേഫാകും ഇനി അത് ചര്ച്ചാ വിഷയമായിക്കോള്ളും എന്നുള്ളതാണ് സിപിഎം ബുദ്ധി. പക്ഷേ കേരളം ഒന്നടങ്കം അത് പൊളിച്ചടുക്കുകയാണ്. കോണ്ഗ്രസ് എന്തായാലും ഈ വിഷയത്തില് തലയിടും എന്ന് തോന്നുന്നില്ല അങ്ങനെയെങ്കില് ആ പാളയത്തില് നിന്ന് കുറേ എണ്ണം വീഴും. പലര്ക്കും അവിടെ നെഞ്ചിടിപ്പ് തുടങ്ങിയിട്ടുണ്ട്. അവരെ ആരെയെങ്കിലും പൊക്കിക്കൊണ്ട് വരാതെ പിസിയെ തന്നെ പിടിച്ചതിന് കാരണവും പ്രതിപക്ഷം മൗനം പാലിക്കും എന്നുള്ളതു കൊണ്ടു തന്നെയാണ്. കോണ്ഗ്രസ് മാത്രമല്ല വേറെ പലരും ഇവിടെയുണ്ട് എന്നുള്ളത് ഇതിനോടകം പിണറായി മനസ്സിലാക്കി കഴിഞ്ഞിട്ടുണ്ടാകും
'പിണറായിക്ക് അന്ധമായ പുത്രിവാത്സല്യം കൊണ്ട് ഭ്രാന്ത് പിടിച്ചിരിക്കുകയാണ്. കാര്യങ്ങള് കൈവിട്ടുപോകുന്നു, പുത്രിയിലേക്ക് കാര്യങ്ങള് എത്തുന്നു, കഴിഞ്ഞകാലങ്ങളില് നടത്തിയ വലിയ അഴിമതി കഥകള് പുറത്തുവരാന് പോകുന്നു എന്ന ആകുലത പിണറായിക്ക് ഉണ്ട്. ജ്യോത്സ്യന്മാര് പറയുന്നത് കേട്ടിട്ട് അതിനുവേണ്ടി പശുത്തൊഴുത്ത് പണിതു, വണ്ടി മാറ്റി. വലിയ ആകുലത ഉണ്ട്. എങ്കില്പ്പോലും കാര്യങ്ങള് അങ്ങോട്ട് ശരിയാകാത്തതു കൊണ്ട് അദ്ദേഹത്തിന് വിറളി പിടിച്ച് ഭ്രാന്തായിരിക്കുകയാണെന്നാണ് നിലവിലെ സംഭവ വികാസങ്ങളില്.ഷോണ് ജോര്ജ് പ്രതികരിച്ചത്.
അതുകൊണ്ടു തന്നെ താന് നിരപരാധിയാണെന്ന കാര്യം തെളിയുമെന്ന് പിസി ജോര്ജ് പറഞ്ഞത് കേരളം മുഖവിലയ്ക്കെടുക്കുന്നുണ്ട് എന്നുളളത് ഈ വാര്ത്തകള്ക്ക് അടിയില് വരുന്ന ഓരോ കമന്റും തെളിവാണ്. എന്നാല് ഇതൊന്നും കൊണ്ട മുഖ്യമന്ത്രി പിണറായി വിജയന് രക്ഷപ്പെടില്ല. പിണറായിയുടെ കൈയില്നിന്ന് പണം വാങ്ങി പരാതിക്കാരി നടത്തുന്ന മര്യാദകേടിന് ദൈവം അവരോട് പൊറുക്കട്ടെയെന്നാണ് പി.സി. പ്രതികരിച്ചത്. കേസിലെ വസ്തുത എന്താണെന്ന് താന് തെളിയിക്കും. സത്യം തെളിയിച്ച് പുറത്തിറങ്ങും. പരാതിക്കാരിയെ യഥാര്ഥത്തില് പീഡിപ്പിച്ചവരെല്ലാം സന്തോഷമായി റോഡില് കൂടെ നടക്കുന്നു. ആ സ്ത്രീയോട് ഏറ്റവും മാന്യമായി പെരുമാറിയ ഏക രാഷ്ട്രീയക്കാരന് പിസി ജോര്ജാണെന്ന് അവര് തന്നെ പത്രസമ്മേളനം നടത്തിയിട്ടുണ്ടെന്നും ജോര്ജ് പറഞ്ഞു.
ഐപിസി 354, ഐപിസി 354 എ വകുപ്പുകള് ചുമത്തിയാണ് ജോര്ജിനെതിരെ കേസെടുത്തിരിക്കുന്നത്. സര്ക്കാരിനെതിരെയുള്ള ഗൂഢാലോചന കേസില് ജോര്ജിനെ തൈക്കാട് ഗസ്റ്റ് ഹൗസില് വച്ച് ചോദ്യം ചെയ്തു കൊണ്ടിരിക്കെ സോളാര് തട്ടിപ്പ് കേസിലെ പ്രതി പരാതിയുമായി എത്തുകയായിരുന്നു. മ്യൂസിയം പോലീസ് സ്റ്റേഷനില് എത്തിയാണ് പരാതി നല്കിയത്.സ്വര്ണകടത്ത് കേസില് മുഖ്യമന്ത്രിക്കെതിരെ വ്യാജ വെളിപ്പെടുത്തല് നടത്തി കലാപമുണ്ടാക്കാന് ശ്രമിച്ചെന്ന് കാട്ടിയാണ് മുന് മന്ത്രി കെ ടി ജലീല് ഗുഢാലോചന കേസ് നല്കിയത്. പി. സി ജോര്ജും സ്വപന സുരേഷുമാണ് ഇതിലെ പ്രതികള്.
മുഖ്യമന്ത്രിക്കെതിരായ സ്വപ്നയുടെ മൊഴി അവഗണിക്കുകയും സോളാര് കേസിലെ പ്രതിയുടെ മൊഴിയുടെ പേരില് പിസി ജോര്ജിനെതിരെ കേസെടുക്കുകയും ചെയ്യുന്നത് ഇരട്ടത്താപ്പാണെന്ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന് . രാജ്യദ്രോഹ കുറ്റം ആരോപിക്കപ്പെട്ട മുഖ്യമന്ത്രിക്കും കുടുംബത്തിനുമെതിരെ പ്രാഥമിക അന്വേഷണം പോലും നടത്താത്ത പൊലീസ് പിസി ജോര്ജിനെതിരായ പരാതിയില് പ്രാഥമിക അന്വേഷണം പോലും നടത്താതെയാണ് അറസ്റ്റ് ചെയ്തത്. പരാതിക്കാരി നല്കിയ മറ്റു പരാതികളില് ആരെയും അറസ്റ്റ് ചെയ്യാത്ത പൊലീസ് പിണറായി വിജയനെ എതിര്ക്കുന്നതിന്റെ പേരില് മാത്രമാണ് പിസിക്കെതിരെ കേസെടുക്കുന്നതെന്ന് ഏത് കൊച്ചുകുട്ടികള്ക്കും മനസിലാകും. പിണറായി വിജയന്റെ ഫാസിസ്റ്റ് സമീപനത്തിന്റെ അവസാനത്തെ ഉദ്ദാഹരണമാണിത്. പ്രസംഗങ്ങളുടെ പേരില് പിസിയെ ജയിലിലടയ്ക്കാന് കഴിയാത്തതിന്റെ പക വീട്ടുകയാണ് മുഖ്യമന്ത്രിയെന്നും സുരേന്ദ്രന് പറഞ്ഞു.
എകെജി സെന്ററിലേക്ക് സ്ഫോടക വസ്തു എറിഞ്ഞ കേസില് പ്രതിയുടെ തുമ്പ് പോലും ഇതുവരെ കിട്ടാതിരുന്ന പൊലീസ് നാണക്കേട് മറയ്ക്കാനാണ് പിസി ജോര്ജിനെ അറസ്റ്റ് ചെയ്തിരിക്കുന്നത്. സ്വര്ണ്ണക്കടത്തില് നിന്നും വിഷയം മാറ്റാന് രാഷ്ട്രീയ എതിരാളികളെ മുഴുവന് വേട്ടയാടാനാണ് മുഖ്യമന്ത്രി ശ്രമിക്കുന്നത്. ഇത് ഇന്ത്യയാണെന്നും ഇവിടെ ഒരു ഭരണഘടനയും നീതിന്യായ വ്യവസ്ഥയുമൊക്കെ ഉണ്ടെന്ന് പിണറായി വിജയന് മനസിലാക്കണം. ഇത്തരം പകവീട്ടല് രാഷ്ട്രീയത്തിന് കോടതിയില് കനത്ത പ്രഹരം ലഭിക്കുമെന്നും കെ.സുരേന്ദ്രന് പറഞ്ഞു.
https://www.facebook.com/Malayalivartha
