ഇഡിയുടെ ചോദ്യംചയ്യല് ഉടന് പിണറായിയുടെ കസേര ഇളക്കി രാഹുലിന്റെ മാസ്സ് എന്ഡ്രി; ഏറ്റെടുത്ത് ദേശീയ നേതൃത്വം
സ്വര്ണ്ണക്കടത്ത് കേസില് മുഖ്യമന്ത്രി പിണറായി വിജയനെ കേന്ദ്ര ഏജന്സികള് ചോദ്യം ചെയ്യണമെന്ന് വയനാട് എംപി രാഹുല് ഗാന്ധി. കള്ളപ്പണക്കേസില് അഞ്ചു ദിവസം തന്നെ ചോദ്യം ചെയ്ത ഇ.ഡി എന്തുകൊണ്ടാണ് പിണറായി വിജയനെ ചോദ്യം ചെയ്യാത്തതെന്നും രാഹുല് ചോദിച്ചു. ബഫര് സോണ് വിഷയത്തില് മുഖ്യമന്ത്രി പിണറായി ജനങ്ങളെ തെറ്റിദ്ധരിപ്പിക്കുന്നത് അവസാനിപ്പിക്കണം. എത്ര തവണ തന്റെ ഓഫീസ് തകര്ത്താലും പ്രശ്നത്തിന് പരിഹാരമാകില്ല. യഥാര്ത്ഥ പ്രശ്നം മറക്കാന് ഇത്തരം ആക്രമണങ്ങള്. ജനങ്ങളെ ആശയക്കുഴപ്പത്തിലാക്കാനുള്ള ശ്രമമാണിതെന്നും രാഹുല് പറഞ്ഞു.
വയനാട്ടിലെ തന്റെ എംപി ഓഫിസ് എസ്എഫ്ഐ പ്രവര്ത്തകര് ആക്രമിച്ചത് നിര്ഭാഗ്യകരമാണെന്നും ആക്രമികളോടു ദേഷ്യമില്ലെന്നും രാഹുല് നേരത്തെ പറഞ്ഞിരുന്നു. ആക്രമണത്തിന് ശേഷം ആദ്യമായാണ് രാഹുല് വയനാട്ടിലെത്തുന്നത്. കുട്ടികളാണ് ഇത് ചെയ്തതെന്നാണ് മനസ്സിലാക്കുന്നത്. ഉത്തരവാദരഹിതമായാണ് അവര് ഇത്തരമൊരു ആക്രമണം നടത്തിയത്. അതില് എനിക്കവരോട് ദേഷ്യമൊന്നുമില്ല. അവര് അതിന്റെ അനന്തരഫലങ്ങള് ചിന്തിക്കാതെയായിരിക്കാം അക്രമം നടത്തിയത്. ദൗര്ഭാഗ്യകരമായ സംഭവമാണ് നടന്നത്. അക്രമം പ്രശ്നങ്ങള്ക്ക് പരിഹാരമുണ്ടാക്കില്ലെന്നും രാഹുല് പറഞ്ഞിരുന്നു.
സ്വര്ണക്കടത്തു കേസില് സിബിഐ അന്വേഷണത്തിന് മുഖ്യമന്ത്രി പിണറായി വിജയനെയും സംസ്ഥാന സര്ക്കാരിനെയും വെല്ലുവിളിച്ച് പ്രതിപക്ഷ നേതാവ് വി.ഡി.സതീശന്. സോളര് കേസില് സരിതയുടെ പരാതി വാങ്ങി സിബിഐ അന്വേഷണത്തിന് ഉത്തരവിട്ടതുപോലെ സ്വര്ണക്കടത്തു കേസില് സ്വപ്ന സുരേഷിന്റെ പരാതി വാങ്ങി സിബിഐ അന്വേഷണത്തിന് ഉത്തരവിടുമോയെന്ന് സതീശന് ചോദിച്ചു. അടിയന്തര പ്രമേയ ചര്ച്ചയില് പങ്കെടുത്തു സംസാരിക്കുകയായിരുന്നു അദ്ദേഹം.
സ്വര്ണക്കടത്തു കേസിനു വിശ്വാസ്യതയുണ്ടാക്കിയത് സര്ക്കാരിന്റെ വെപ്രാളമാണെന്നു വി.ഡി.സതീശന് പറഞ്ഞു. സ്വപ്നയുടെ ആരോപണങ്ങള്ക്കെതിരെ നിയമപരമായി പരാതി കൊടുക്കാന് മുഖ്യമന്ത്രി തയാറാകുന്നില്ല. പകരം, നിയമവിരുദ്ധമായ കാര്യങ്ങളുടെ പുറകേ പോകുകയാണ്. സ്വപ്നയുടെ സുഹൃത്തും കൂട്ടുപ്രതിയുമായ സരിത്തിനെ വിജിലന്സ് തട്ടിക്കൊണ്ടുപോയി. രണ്ട് എഡിജിപിമാര് പൊലീസ് ക്ലബ്ബില് മൂന്നു മണിക്കൂര് ഷാജ് കിരണുമായി സംസാരിച്ചു. മടിയില് കനമില്ലെങ്കില് എന്തിന് ഇടനിലക്കാരെ പറഞ്ഞുവിട്ടു. ഷാജ് കിരണിനെ എന്തുകൊണ്ട് അന്വേഷണ പരിധിയില് കൊണ്ടുവന്നില്ല?. നിങ്ങള് നിയമപരമായി നേരിട്ടെങ്കില് പ്രതിപക്ഷം ഇത്രയും പ്രശ്നമുണ്ടാക്കില്ലായിരുന്നു.
അനുഭവങ്ങള് വെളിപ്പെടുത്താന് ശിവശങ്കറിന് അനുവാദം കൊടുത്ത സര്ക്കാര് മൊഴി വെളിപ്പെടുത്തിയതിനു സ്വപ്നയ്ക്കെതിരെ കേസെടുത്തെന്നും വി.ഡി.സതീശന് പറഞ്ഞു. ശിവശങ്കര് പുസ്തകം എഴുതിയപ്പോള് നടപടിയില്ല. ശിവശങ്കര് എഴുതിയത് നിങ്ങള്ക്ക് സ്വീകാര്യം. ശിവശങ്കറിനെ വെള്ളപൂശി കൂടെ നിര്ത്തി. ശിവശങ്കറിനും സ്വപ്നയ്ക്കും രണ്ടുനീതിയാണ്. നിരപരാധിത്വം തെളിയിക്കാന് നിയമപരമായി അവസരമുള്ളപ്പോള് എന്തിനാണ് ഈ മാര്ഗം സ്വീകരിക്കുന്നതെന്ന് വി.ഡി.സതീശന് ചോദിച്ചു. കാലം കണക്കുചോദിക്കാതെ പോവില്ലെന്നും സതീശന് പറഞ്ഞു.
സ്വര്ണക്കടത്തു കേസില് അന്വേഷണത്തിനു പ്രധാനമന്ത്രി നരേന്ദ്ര മോദിക്കു കത്തെഴുതിയ മുഖ്യമന്ത്രി കേന്ദ്ര അന്വേഷണം എതിരായപ്പോള് ജുഡീഷ്യല് കമ്മിഷനെ വച്ചു. കേന്ദ്ര ഏജന്സികള്ക്കെതിരെയുള്ള കമ്മിഷനെ ഹൈക്കോടതി സ്റ്റേ ചെയ്തിട്ടും കാലാവധി നീട്ടികൊടുത്തു. സ്വര്ണക്കടത്തു കേസില് അടിയന്തരപ്രമേയത്തിനു മുന്പ് ചര്ച്ചയ്ക്ക് അനുമതി നല്കാത്ത സര്ക്കാര് ഇപ്പോള് അനുവാദം തരാന് നിര്ബന്ധിതരായി. സ്വന്തം പ്രിന്സിപ്പല് സെക്രട്ടറി വൈകിട്ട് എങ്ങോട്ടാണ് പോയിരുന്നതെന്ന് മുഖ്യമന്ത്രി അന്വേഷിച്ചിട്ടുണ്ടോ എന്ന് സതീശന് ചോദിച്ചു.
സ്വപ്നയുടെ അഭിഭാഷകന് കൃഷ്ണരാജുമായി 29 അല്ല 32 വര്ഷത്തെ ബന്ധമുണ്ട്. ലോ കോളജില് ഒരേ ബാച്ചില് പഠിച്ചവരാണ്. കൂടെ പഠിച്ചവനെ അറിയില്ലെന്നു പറയാന് കഴിയുമോയെന്നും സതീശന് ചോദിച്ചു.
https://www.facebook.com/Malayalivartha
