അമ്മയ്ക്കൊപ്പം ഉറങ്ങിക്കിടന്ന കുട്ടിയ്ക്ക് ഉഗ്ര വിഷമുള്ള ശംഖുവരയൻ പാമ്പിന്റെ കടി ഏറ്റ് ദാരുണാന്ത്യം ..വീടിന്റെ മേൽക്കൂരയിൽ നിന്നും പാമ്പ് കുട്ടിയുടെ ദേഹത്തേയ്ക്ക് വീഴുകയായിരുന്നു; കുട്ടിയുടെ മൂക്കിലാണ് കടിയേറ്റത് ; അമ്മ സംഭവം അറിഞ്ഞത് പാമ്പ് അമ്മയുടെ കഴുത്തിലൂടെ ഇഴഞ്ഞപ്പോൾ ...
അമ്മയ്ക്കൊപ്പം വീട്ടിനുള്ളിൽ ഉറങ്ങിക്കിടന്ന കുഞ്ഞിന് പാമ്പുകടിയേറ്റ് ദാരുണാന്ത്യം . വീടിന്റെ മേൽക്കൂരയിൽനിന്ന് ദേഹത്തേക്ക് വീണ ശംഖുവരയൻ പാമ്പിന്റെ കടിയേറ്റാണ് നാലരവയസ്സുകാരൻ മരിച്ചത് .മലമ്പുഴ അകമലവാരം വലിയകാട് എൻ. രവീന്ദ്രന്റെ മകൻ അദ്വിഷ് കൃഷ്ണയാണ് മരിച്ചത്.കുട്ടിയുടെ മൂക്കിലാണ് പാമ്പുകടിയേറ്റത്.
ശനിയാഴ്ച പുലർച്ചെ രണ്ടരയോടെയാണ് സംഭവം. അമ്മ ബിബിതയുടെ വാരണി കുനുപ്പുള്ളിയിലെ വീട്ടിൽവച്ചാണ് പാമ്പുകടിയേറ്റത്. വീട്ടിലെ കിടപ്പുമുറിയിൽ നിലത്ത് പായ വിരിച്ച് അമ്മയോടൊപ്പം ഉറങ്ങിയതായിരുന്നു അദ്വിഷെന്ന് ബന്ധുക്കൾ പറഞ്ഞു. ബിബിതയുടെ കഴുത്തിൽക്കൂടി പാമ്പ് ഇഴഞ്ഞതോടെയാണ് 'അമ്മ ഉണർന്നത്
വൈകാതെ കുട്ടി അസ്വസ്ഥത പ്രകടിപ്പിക്കുകയും തൊണ്ടവേദനയുള്ളതായി പറയുകയും ചെയ്തു. ദേഹത്ത് നീർക്കെട്ട് വരികയും കൂടി ചെയ്തതോടെ പാമ്പിന്റെ കടിയേറ്റതായി സംശയം തോന്നുകയും ഉടൻ ജില്ലാ ആശുപത്രിയിൽ എത്തിക്കുകയും ചെയ്തു. തുടർന്ന് വിദഗ്ധചികിത്സയ്ക്കായി തൃശ്ശൂർ മെഡിക്കൽ കോളേജ് ആശുപത്രിയിലേക്ക് മാറ്റാൻ ശ്രമിച്ചെങ്കിലും അപ്പോഴേക്കും മരിക്കുകയായിരുന്നു .
കൊട്ടേക്കാട് കാളിപ്പാറ വി.കെ.എൻ. എൽ.പി. സ്കൂളിലെ എൽ.കെ.ജി. വിദ്യാർത്ഥിയാണ് അദ്വിഷ്. സഹോദരൻ: അദ്വൈത് കൃഷ്ണ
https://www.facebook.com/Malayalivartha