കാസര്ഗോഡ് ജില്ലയിൽ വീണ്ടും നേരിയ ഭൂചലനം: ജാഗ്രത നിർദ്ദേശം
കാസര്ഗോഡ് ജില്ലയിൽ വീണ്ടും ഭൂജലനം.വെള്ളരിക്കുണ്ട് കല്ലപ്പള്ളിയിലാണ് നേരിയ ഭൂചലനമുണ്ടായത്. ജില്ലയിൽ കനത്ത മഴ തുടരുന്ന സാഹചര്യത്തിൽ അതീവ ജാഗ്രത നിർദ്ദേശമാണ് നൽകിയിരിക്കുന്നത്. ദിവസങ്ങളായി പെയ്യുന്ന മഴയിൽ പല താഴ്ന്ന പ്രദേശങ്ങളും വെള്ളത്തിനടിയിലാണ്.
ഇന്ന് രാവിലെയാണ് സംഭവം നടന്നത്. വലിയ ശബ്ദത്തോടുകൂടിയ പ്രകമ്പനം അനുഭവപ്പെട്ടു. നാശനഷ്ടങ്ങളൊന്നും റിപ്പോര്ട്ട് ചെയ്തിട്ടില്ല. മാത്രമല്ല ദിവസങ്ങള്ക്ക് മുന്പ് സമാനമായ ഭൂചലനം പ്രദേശത്ത് അനുഭവപ്പെിരുന്നു. കര്ണാടക സുള്ള്യയിലും കാസര്ഗോഡ് ജില്ലയിലെ അതിര്ത്തി ഗ്രാമങ്ങളിലുമാണ് പ്രകമ്പനം അനുഭവപ്പെട്ടത്.
അന്ന് അനുഭവപ്പെട്ടത് വലിയ ശബ്ദത്തോടെ ചെറിയ തോതിലുള്ള പ്രകമ്പനമാണ്. എന്നാൽ തൊട്ടുമുന്പത്തെ ദിവസവും പ്രദേശത്ത് ഭൂചലനം അനുഭവപ്പെട്ടിരുന്നതായി അധികൃതര് പറയുന്നു. അന്ന് ഇടിമുഴക്കത്തോടെയുള്ള ശബ്ദം ഉണ്ടായതായാണ് നാട്ടുകാര് പറയുന്നത്. സംഭവത്തെ തുടർന്ന് വീടുകളില് പാത്രങ്ങള്ക്കും വസ്തുക്കള്ക്കും ചലനമുണ്ടായതായും നാട്ടുകാര് പറയുന്നു. ഈ സാഹചര്യത്തിൽ അതീവ ജാഗ്രത പുലർത്താൻ അധികൃതർ നിർദ്ദേശം നൽകിയിട്ടുണ്ട്.
https://www.facebook.com/Malayalivartha