ഒരു രക്ഷയുമില്ല... ഗോവയില് കോണ്ഗ്രസ് എംഎല്എമാര് കൂട്ടത്തോടെ ബിജെപിയിലേക്കെന്ന് പ്രചാരണം; ശക്തമായ നടപടിയെടുത്ത് കോണ്ഗ്രസ്; നടപടിയ്ക്ക് പുല്ല് വില കല്പിച്ച് എംഎല്എമാര്; എത്ര വിശ്വസിച്ച് സ്ഥാനാര്ത്ഥിയാക്കിയാലും അവര് ബിജെപിയിലേക്ക് കൂറ് മാറുന്നത് കോണ്ഗ്രസിനെ ഞെട്ടിക്കുന്നു
രാഹുല് ഗാന്ധിയെ സംബന്ധിച്ച് വലിയ നഷ്ടമാണ് ഓരോ സംസ്ഥാനത്തും ഉണ്ടായിക്കൊണ്ടിരിക്കുന്നത്. സ്ഥാനാര്ത്ഥിയാക്കുമ്പോള് തന്നെ ഓരോരുത്തരേയും ദൈവത്തിന്റെ മുമ്പില് സത്യ പ്രതിജ്ഞ ചെയ്യിക്കുന്ന ചിത്രങ്ങള് നേരത്തെ പ്രചരിച്ചതാണ്. എന്നാല് ആ സത്യപ്രതിജ്ഞയൊക്കെ ജയിച്ച് വര്ഷങ്ങള് കഴിയുമ്പോള് മറന്ന് പോകുന്നു. അതാണ് ഗോവയില് സംഭവിക്കുന്നത്.
ഗോവയില് കോണ്ഗ്രസ് എംഎല്എമാര് കൂട്ടത്തോടെ ബിജെപിയിലേക്കെന്ന പ്രചാരണം ശക്തമായിരിക്കുകയാണ്. അതോടൊപ്പം നടപടിയുമായി കോണ്ഗ്രസ് രംഗത്തെത്തി. മൂന്ന് എംഎല്എമാര്ക്കൊപ്പം മുഖ്യമന്ത്രി പ്രമോദ് സാവന്തിന്റെ വസതിയിലെത്തിയ മൈക്കല് ലോബോയെ പ്രതിപക്ഷ നേതാവ് സ്ഥാനത്ത് നിന്നും കോണ്ഗ്രസ് നീക്കി.
പിസിസി ആസ്ഥാനത്ത് വിളിച്ച് ചേര്ത്ത വാര്ത്താ സമ്മേളനത്തിലാണ് പ്രതിപക്ഷ നേതൃസ്ഥാനത്തുനിന്ന് ലോബോയെ അടിയന്തരമായി സ്ഥാനത്ത് നിന്നും നീക്കുകയാണെന്ന് എഐസിസി ജനറല് സെക്രട്ടറി ദിനേഷ് ഗുണ്ടൂ റാവു അറിയിച്ചത്. മുന് മുഖ്യമന്ത്രി കൂടിയായ ദിഗംബര് കാമത്തും ലോബോയും പാര്ട്ടിക്കെതിരെ ഗൂഢാലോചന നടത്തി. ഇരുവര്ക്കുമെതിരെ ശക്തമായ നടപടി സ്വീകരിക്കും. ഇരുവരും ബിജെപിക്കായി പ്രവര്ത്തിച്ചുവെന്നും വന് തുക വാഗ്ദാനം ചെയ്താണ് എം എല് എ മാരെ റാഞ്ചിയതെന്നും കോണ്ഗ്രസ് ജനറല് സെക്രട്ടറി ദിനേഷ് ഗുണ്ടൂ റാവു ആരോപിച്ചു.
ആരാധനലായങ്ങളില് പോയി സത്യം ചെയ്ത എംഎല്എമാര് ദൈവ നിന്ദകൂടിയാണ് ഇപ്പോള് ചെയ്യുന്നത്. നിലവിലെ സാഹചര്യം ഹൈക്കമാന്ഡിനെ അറിയിച്ചു . കൂറ് മാറിയവര്ക്കെതിതെ നിയമ നടപടി സ്വീകരിക്കുമെന്നും കോണ്ഗ്രസ് വ്യക്തമാക്കി. എന്നാല് കോണ്ഗ്രസ് എംഎല്എമാര് ബിജെപിയിലേക്ക് വരുന്നതിനെ കുറിച്ച് തനിക്കറിയില്ലെന്നാണ് മുഖ്യമന്ത്രി പ്രമോദ് സാവന്ദിന്റെ പ്രതികരണം.
നിയമസഭാ സമ്മേളനത്തിന് മുമ്പ് പല എംഎല്എമാരും തന്നെ കാണാന് വരാറുണ്ടെന്നാണ് മൈക്കല് ലോബോയുമായുള്ള കൂടിക്കാഴ്ചയെ കുറിച്ച് മുഖ്യമന്ത്രി വിശദീകരിച്ചത്. നിയമസഭാ സമ്മേളനം നാളെ തുടങ്ങാനിരിക്കാരിക്കെയാണ് ഗോവയില് വന് രാഷ്ട്രീയ നാടകങ്ങള് ശക്തമായത്. 11 കോണ്ഗ്രസ് എംഎല്എമാരില് 10 പേരെങ്കിലും ബിജെപിയിലേക്ക് പോവുമെന്നായിരുന്നു അഭ്യൂഹം. മുന് മുഖ്യമന്ത്രി ദിഗംബര് കാമത്തും പ്രതിപക്ഷ നേതാവ് മൈക്കള് ലോബോയുമെല്ലാം ബിജെപിയിലേക്ക് പോകുകയാണെന്നാണ് സൂചന.
നിലവില് അഞ്ച് എംഎല്എമാരാണ് പിസിസി ഓഫീസിലെ വാര്ത്താ സമ്മേളനത്തില് പങ്കെടുക്കാനെത്തിയത്. പ്രതിപക്ഷ നേതാവ് മൈക്കല് ലോബോ ഇപ്പോഴും മുഖ്യമന്ത്രി പ്രമോദ് സാവന്തിന്റെ വസതിയില് കൂടിക്കാഴ്ച നടത്തുകയാണ്. ലോബോയുടെ ഭാര്യയും എംഎല്എയുമായ ദലൈല അടക്കം നാല് എംഎല്എമാരാണ് ബിജെപി മുഖ്യമന്ത്രിയുടെ വസതിയിലെത്തിച്ചേര്ന്നിട്ടുള്ളത്.
നിയമസഭാ തെരഞ്ഞെടുപ്പിന് തൊട്ട് മുന്പാണ് പ്രതിപക്ഷ നേതാവ് മൈക്കള് ലോബോ ബിജെപിയില് നിന്ന് കോണ്ഗ്രസിലെത്തിയത്. ഭാര്യയ്ക്ക് സീറ്റ് നിഷേധിച്ചതായിരുന്നു പാര്ട്ടി മാറ്റത്തിന് കാരണം. തെരഞ്ഞെടുപ്പ് കഴിഞ്ഞതോടെ ദിഗംബര് കാമത്തിന് പകരം മൈക്കള് ലോബോയെ കോണ്ഗ്രസ് പ്രതിപക്ഷ നേതാവാക്കിുകയായിരുന്നു. കൂറ് മാറ്റം സര്ക്കാരിന്റെ ഭാവിയെ ബാധിക്കില്ലെങ്കിലും ഓഗസ്റ്റില് പഞ്ചായത്ത് തെരഞ്ഞെടുപ്പുകള് നടക്കേണ്ട സാഹചര്യത്തില് ഇപ്പോഴത്തെ നീക്കങ്ങള് നിര്ണായകമാണ്.
"
https://www.facebook.com/Malayalivartha